ഇന്നലെ കമ്പം ടൗണില് ഇറങ്ങി പരിഭ്രാന്തി സൃഷ്ടിച്ച അരിക്കൊമ്പനെ ചുരുളി വെള്ളച്ചാട്ടത്തിന് സമീപത്തെ ക്ഷേത്രത്തിനടുത്ത് കണ്ടെത്തി. അരിക്കൊമ്പനെ പിടികൂടാനുള്ള ദൗത്യം തമിഴ്നാട് വനംവകുപ്പ് ആരംഭിച്ചതായാണ് റിപ്പോര്ട്ട്.
ആനയുടെ സഞ്ചാരം തമിഴ്നാട് വനംവകുപ്പ് നിരീക്ഷിച്ചുകൊണ്ടിരിക്കുകയാണ്. ആനയെ മയക്കുവെടി വെക്കാനാണ് തീരുമാനം. ഇതിനായി ദൗത്യസംഘം സ്ഥലത്തേക്ക് എത്തുമെന്ന് അറിയിച്ചിട്ടുണ്ട. ആനയെ കമ്പത്തു നിന്നും എട്ടു കിലോമീറ്റര് അകലെയാണ് കണ്ടെത്തിയത്. അരിക്കൊമ്പന് ഇന്നലെ ചുരുളിപ്പെട്ടിയില് ഒരു ഗേറ്റ് കുത്തിമറിച്ചിട്ടു. അരിക്കൊമ്പനെ പിടികൂടാനായി മൂന്ന് കുങ്കിയാനകളെ കമ്പത്ത് എത്തിച്ചു. ഡോ. കലൈവാണന്റെ നേതൃത്വത്തിലാണ് ദൗത്യസംഘത്തിന്റെ ഓപ്പറേഷന്.
ആന പരിഭ്രാന്തി സൃഷ്ടിച്ച കമ്പം മേഖലയില് അരിക്കൊമ്പന് ദൗത്യം 2.0 പ്രമാണിച്ച് നിരോധനാജ്ഞ പ്രഖ്യാപിച്ചിട്ടുണ്ട്. വാഹനഗതാഗതത്തിനും നിയന്ത്രണം ഏര്പ്പെടുത്തിയിട്ടുണ്ട്. അരിക്കൊമ്പനെ പിടികൂടി ഉള്ക്കാട്ടിലേക്ക് അയക്കാനാണ് തീരുമാനം.