ഏഴ് നവജാത ശിശുക്കളെ കൊല്ലുകയും മറ്റ് ആറുപേരെ കൊല്ലാന്‍ ശ്രമിക്കുകയും ചെയ്ത കേസില്‍ മരണം വരെ തടവ് ശിക്ഷയ്ക്ക വിധിക്കപ്പെട്ട ബ്രിട്ടനിലെ കില്ലര്‍ നഴ്സ് ലൂസി ലെറ്റ്ബി തന്റെ ശിക്ഷാവിധികളെ ചോദ്യം ചെയ്യാന്‍ അപ്പീല്‍ കോടതിയില്‍ ഔദ്യോഗികമായി അപേക്ഷ സമര്‍പ്പിച്ചതായി അധികൃതര്‍ സ്ഥിരീകരിച്ചു. തന്റെ എല്ലാ ശിക്ഷാവിധികള്‍ക്കും എതിരെ അപ്പീല്‍ നല്‍കാനുള്ള അനുമതിക്കായി വെള്ളിയാഴ്ച അവര്‍ അപേക്ഷ സമര്‍പ്പിച്ചതായി കോടതി ജീവനക്കാര്‍ പറഞ്ഞു.
2015 ലും 2016 ലും കൗണ്ടസ് ഓഫ് ചെസ്റ്റര്‍ ഹോസ്പിറ്റലിലെ നിയോനേറ്റല്‍ യൂണിറ്റില്‍ ഏഴ് കുഞ്ഞുങ്ങളെ കൊലപ്പെടുത്തിയതിനും മറ്റ് ആറ് പേരെ കൊലപ്പെടുത്താന്‍ ശ്രമിച്ചതിനും ജൂറിമാര്‍ കുറ്റക്കാരാണെന്ന് കണ്ടെത്തിയതിനെത്തുടര്‍ന്നാണ് കഴിഞ്ഞ മാസം ലെറ്റ്ബിക്ക് അപൂര്‍വമായ ഒരു മുഴുവന്‍ ആജീവനാന്ത ശിക്ഷ കോടതി വിധിച്ചത്.
സാധാരണഗതിയില്‍, ക്രൗണ്‍ കോടതി തീരുമാനത്തിനെതിരെ അപ്പീല്‍ നല്‍കാനുള്ള അനുമതിക്കായുള്ള അപേക്ഷകള്‍ ഒരു വിചാരണ കൂടാതെ ജഡ്ജി പരിഗണിക്കും. ഇത് നിരസിക്കപ്പെട്ടാല്‍, രണ്ടോ മൂന്നോ ജഡ്ജിമാരുടെ മുമ്പാകെ ഫുള്‍ കോര്‍ട്ട് ഹിയറിംഗില്‍ അനുമതിക്കായി ബിഡ് പുതുക്കാന്‍ ഹര്‍ജിക്കാര്‍ക്ക് അവകാശമുണ്ട്.
ജീവപര്യന്തം തടവുശിക്ഷ അനുഭവിക്കുന്ന ബ്രിട്ടനിലെ മൂന്നാമത്തെ വനിതയാണ് 33കാരിയായ ലൂസി. 1970 കളിലും 80 കളിലും കുറഞ്ഞത് ഒമ്പത് യുവതികളെ പീഡിപ്പിക്കുകയും കൊലപ്പെടുത്തുകയും ചെയ്ത റോസ് വെസ്റ്റ്, 2013 ലെ പീറ്റര്‍ബറോ ഡിച്ച് കൊലപാതകങ്ങള്‍ എന്നറിയപ്പെടുന്ന മൂന്ന് പുരുഷന്മാരെ കൊലപ്പെടുത്തിയ ജോവാന ഡെന്നിഹി എന്നിവരാണ് ജീവിതകാലം മുഴുവന്‍ ശിക്ഷ അനുഭവിക്കുന്ന മറ്റ് രണ്ട് സ്ത്രീകള്‍.
ലെറ്റ്ബി അപ്പീല്‍ നല്‍കുന്ന നീക്കം തികച്ചും അവജ്ഞയുളവാക്കുന്നതാണെന്ന് ഇരകളില്‍ ഒരാളുടെ പിതാവ് പറഞ്ഞു. ഏന്തിന്റെ അടിസ്ഥാനത്തിലാണ് ഇപ്പൊള്‍ അപ്പീല്‍ നല്‍കുന്നതെന്ന് മനസ്സിലാകുന്ന അയാള്‍, തങ്ങള്‍ ഒരുവിധം സാധാരണ ജീവിതത്തിലേക്ക് മടങ്ങുന്നതിനിടയിലാണ് മുഴുവന്‍ നീതിന്യായ സംവിധാനത്തെയും നോക്കുകുത്തിയാക്കുന്ന പ്രവൃത്തിയാണെന്നും പറഞ്ഞു.
വിശ്വസിക്കാന്‍ കഴിയാത്ത വിദഗ്ധോപദേശത്തിന്റെ അടിസ്ഥാനത്തിലും, ശാസ്ത്ര സത്യങ്ങള്‍ക്ക് നിരക്കാത്ത നിഗമനങ്ങളുടെ അടിസ്ഥാനത്തിലുമാണ് ലൂസിക്ക് മേല്‍ കേസ് ചാര്‍ത്തിയതെന്ന് ആരോപിച്ച് ഒരു ശാസ്ത്രജ്ഞന്‍ ഫണ്ട് റൈസിംഗ് കാമ്പെയിന്‍ ആരംഭിച്ചതിനു പുറകെയാണ് ഇപ്പോള്‍ അപ്പീല്‍ നല്‍കുന്നത്. ബയോടെക് സ്റ്റാര്‍ട്ട് അപ് കമ്പനികളുടെ സയന്റിഫിക് കണ്‍സള്‍ട്ടന്റ് എന്ന് അവകാശപ്പെടുന്ന കാലിഫോര്‍ണിയന്‍ സ്വദേശി സാറിറ്റ ആഡംസ് ആണ് ലൂസിക്ക് പിന്തുണയുമായി എത്തിയിരിക്കുന്നത്.
More Latest News
സേവനം യുകെ നോര്‍ത്ത് വെസ്റ്റ് യൂണിറ്റിന്റെ ഒന്നാം വാര്‍ഷികവും കുടുംബ സംഗമവും, അടുത്ത മാസം 16 ഞായറാഴ്ച യുകെയിലെ ശിവഗിരി ആശ്രമത്തില്‍ നടക്കും
സ്റ്റോക്ക് പോര്‍ട്ട് മലയാളി അസോസിയേഷന് പുതിയ ഭാരവാഹികളെ തിരഞ്ഞെടുത്തു, ഷൈജു തോമസ് പ്രസിഡണ്ട് ജോണ്‍ ജോജി സെക്രട്ടറി ബിന്‍സ് ജോസഫ് ട്രഷറര്‍
എയര്‍ ഇന്ത്യ എക്സ്പ്രസ് വിമാനത്തിന്റെ എന്‍ജിന് തീപിടിച്ചു, വിമാനത്തിന് അടിയന്തര ലാന്‍ഡിങ്, സുരക്ഷിതമായി തിരിച്ചിറക്കിയതോടെ ഒഴിവായത് വന്‍ ദുരന്തം
പന്തീരാങ്കാവ് ഗാര്‍ഹിക പീഡന കേസ്: പ്രതിയെ രാജ്യം വിടാന്‍ സഹായിച്ച സിവില്‍ പോലീസ് ഓഫീസര്‍ക്ക് സസ്‌പെന്‍ഷന്‍, തെളിവായി ഫോണ്‍ രേഖകള്‍
വിരമിക്കല്‍ സൂചന നല്‍കി ഇന്ത്യന്‍ ക്രിക്കറ്റ് ഇതിഹാസതാരം വീരാട് കോഹ്ലി, നിരാശ്ശയില്‍ ആരാധകര്‍
Most Read
British Pathram Recommends
