ഹേവാര്‍ഡ്സ്ഹീത്ത് ഔര്‍ ലേഡി ഓഫ് ഹെല്‍ത്ത് മിഷനില്‍ ഇടവക മദ്ധ്യസ്ഥയായ ആരോഗ്യമാതാവിന്റെ ഒരാഴ്ച നീണ്ടു നില്‍ക്കുന്ന തിരുന്നാളാഘോഷങ്ങള്‍ പര്യവസാനിച്ചു. സെപ്തംബര്‍ 16 തിയതി തിരുന്നാള്‍ ആഘോഷങ്ങള്‍ക്ക് തുടക്കം കുറിച്ചു കൊണ്ട് ഇടവക വികാരി റവ.ഫാ. ബിനോയ് നിലയാറ്റിംഗല്‍ കൊടിയേറ്റി. റവ ഫാ. ജോസ് അഞ്ചാനിക്കല്‍ സഹ കാര്‍മ്മികനായിരുന്നു. തുടര്‍ന്ന് കാഴ്ച്ചസമര്‍പ്പണവും ആഘോഷപൂര്‍വ്വകമായ റാസ കുര്‍ബാനയും നടത്തപ്പെട്ടു. സെപ്തംബര്‍ 17 ഞായറാഴ്ച മുതല്‍ തിരുന്നാളാഘോഷങ്ങളുടെ ഭാഗമായി ഇടവകയിലെ വിവിധ ഭവനങ്ങളിലും കൂടാതെ പള്ളിയിലുമായി ജപമാലയും നിത്യസഹായമാതാവിന്റെ നൊവേനയും ദിവസേനെ നടത്തപ്പെട്ടു.
പ്രധാന തിരുന്നാള്‍ ദിനമായ സെപ്തംബര്‍ 23ാം തിയതി ശനിയാഴ്ച രാവിലെ 9 മണിക്ക് സെന്റ് പോള്‍സ് പള്ളിയില്‍ കഴുന്ന് നേര്‍ച്ച ആരംഭിച്ചു. പിന്നീട് പ്രസുദേന്തി വാഴ്ച്ച, അതോടൊപ്പം കാഴ്ച്ച സമര്‍പ്പണവും, അതേ തുടര്‍ന്ന് ആഘോഷപൂര്‍വ്വകമായ തിരുന്നാള്‍ പാട്ടു കുര്‍ബ്ബാനയും നടത്തപ്പെട്ടു. വിശുദ്ധ കുര്‍ബ്ബാനയ്ക്ക് റവ.ഫാ. മാത്യു മുളയോലില്‍ മുഖ്യ കാര്‍മ്മികത്വം വഹിച്ചു. റവ. ഫാ. ജോസ് കുന്നുംപുറം വചന സന്ദേശം നല്കി. തുടര്‍ന്ന് ഉച്ചയ്ക്ക് 1 മണി മുതല്‍ വിവില്‍സ് ഫീല്‍ഡ് വില്ലേജ് ഗ്രൗണ്ടില്‍ വച്ച് തിരുന്നാള്‍ പ്രദക്ഷിണവും, ലദീഞ്ഞും തുടര്‍ന്ന് ചെണ്ടമേളവും, സ്നേഹവിരുന്നും, കുട്ടികളുടെയും, മുതിര്‍ന്നവരുടെയും വിവിധ കലാപരിപാടികളും, സമ്മാനദാനവും നടത്തപ്പെട്ടു.
കുട്ടികളുടെ വെല്‍ക്കം ഡാന്‍സ്, മുതിര്‍ന്നവരുടെ ബൈബിള്‍ നാടകം, കഥാപ്രസംഗം, ഗ്രൂപ്പ് ഡാന്‍സുകള്‍, ഗ്രൂപ്പ് സോങ്സ്, സ്‌കിറ്റുകള്‍ തുടങ്ങി വിവിധ കലാപരിപാടികള്‍ തിരുന്നാളാഘോഷം വര്‍ണ്ണശബളമാക്കി. തിരുന്നാള്‍ ഭക്തി സാന്ദ്രവും, മനോഹരവുമാക്കുവാന്‍ ഇടവക വികാരി റവ. ഫാ ബിനോയ് നിലയാറ്റിംഗലിന്റെ നേതൃത്വത്തില്‍ മിറ്റി ടിറ്റോ, സില്‍വി ലൂക്കോസ്, അനു ജിബി, മിനു ജിജോ, സിബി തോമസ്, ഡെന്‍സില്‍ ഡേവിഡ്, ജെയിംസ് പി ജാന്‍സ്, ഷിജി ജേക്കബ്ബ്, ബിജു സെബാസ്റ്റ്യന്‍, സണ്ണി മാത്യു, ജെയിസണ്‍ വടക്കന്‍, ജിമ്മി പോള്‍, ഷാജു ജോസ്, സന്തോഷ് ജോസ്, ഡോണ്‍ ജോസ്, മാത്യു പി ജോയ്, പോളച്ചന്‍ യോഹന്നാന്‍, ജിജോ അരയത്ത് തുടങ്ങിയവരുടെ നേതൃത്വത്തില്‍ വിവിധ പ്രവര്‍ത്തനങ്ങളും നടത്തി വന്നിരുന്നു.
തിരുന്നാളിന്റെ ഭാഗമായി വിവില്‍ഡ്ഫീല്‍ഡ് വില്ലേജ് ഗ്രൗണ്ടില്‍ മിഷനിലെ വുമണ്‍ ഫോറത്തിന്റെ ചിന്തിക്കടയും കൂടാതെ മിഷന്‍ലീഗ് കുട്ടികളുടെ സ്റ്റാളും പ്രവര്‍ത്തിച്ചിരുന്നു. ഹേവാര്‍ഡ്സ് ഹീത്ത് കമ്മ്യൂണിറ്റിയില്‍ നിന്ന് 133 പ്രസുദേന്തിമാരും, 9 സ്‌പോണ്‍സേഴ്സും ചേര്‍ന്നാണ് തിരുന്നാള്‍ ഏറ്റെടുത്തു നടത്തി ഭക്തി സാന്ദ്രവും, മനോഹരവുമാക്കാന്‍ മുമ്പോട്ടു വന്നതു. ഹേവാര്‍ഡ്സ് ഹീത്തില്‍ നിന്നും, സമീപ പ്രദേശങ്ങളില്‍ നിന്നുമായി ഏകദേശം 600 ഓളം ആളുകള്‍ തിരുന്നാള്‍ തിരുക്കര്‍മങ്ങള്‍ക്കു സാക്ഷിയായി പരിശുദ്ധ ദൈവമാതാവിന്റെ അനുഗ്രഹം പ്രാപിച്ചു.
More Latest News
'എനിക്കേറെ പ്രത്യേകതയുള്ള ഒരാള്‍ ജീവിതത്തിലേക്ക് കടന്നുവരാന്‍ പോകുന്നു, കാത്തിരിക്കൂ': ആരാധകരെ ആകാംക്ഷയിലാക്കി ബാഹുബലി താരം പ്രഭാസ്
ചാര്‍ലി ചിത്രത്തിലെ 'നായിക' അമ്മയായി, കാണാന്‍ മൈസൂരിലേക്ക് ഓടിയെത്തി നടന്‍ രക്ഷിത് ഷെട്ടി; ആറ് കുഞ്ഞുങ്ങള്‍ക്കാണ് 'ചാര്‍ലി' ജന്മം നല്‍കിയത്
ക്യാന്‍സര്‍ ഭേദമാകാന്‍ ക്യാരറ്റ് കഴിച്ചാല്‍ മതിയെന്ന് ഇന്റര്‍നെറ്റ്, ദിവസവും പതിമൂന്ന് കപ്പ് കാരറ്റ് ജ്യൂസ് കുടിച്ച യുവതിക്ക് 'പണികിട്ടി', ഒടുവില്‍
അവസാനമായി ഭക്ഷണവും വെള്ളവും കുടിച്ചത് പത്താമത്തെ വയസ്സില്‍!!! ഭക്ഷണവും വെള്ളവും കഴിക്കാതെ ജീവിക്കാന്‍ തുടങ്ങിയിട്ട് 16 വര്‍ഷമായെന്ന് യുവതി
'മഞ്ഞുമ്മല്‍ ബോയ്‌സിനെതിരെ ഉള്ളത് സിവില്‍ കേസ് ക്രിമിനല്‍ നടപടികള്‍ക്ക് പ്രസക്തിയില്ല', നിര്‍മ്മാതാക്കള്‍ക്കെതിരായ നീക്കത്തില്‍ പരാതിക്കാരന് തിരിച്ചടി, നടപടിക്ക് കോടതി സ്റ്റേ
Most Read
British Pathram Recommends
