പ്രശസ്ത ചലച്ചിത്ര നിര്മാതാവും മാതൃഭൂമി ഡയറക്ടറുമായ പി.വി ഗംഗാധരന് അന്തരിച്ചു. 80 വയസായിരുന്നു. ഹൃദയാഘാതത്തെ തുടര്ന്നായിരുന്നു അന്ത്യം. കഴിഞ്ഞ മൂന്ന് ദിവസമായി ആശുപത്രിയിലായിരുന്നു. ഇന്ന് രാവിലെയാണ് ഹൃദയാഘാതം സംഭവിക്കുന്നത്.
പി.വി.സാമിയുടെയും മാധവി സാമിയുടെയും മകനായി 1943ല് കോഴിക്കോട് ജില്ലയിലാണ് ഇദ്ദേഹത്തിന്റെ ജനനം. ഗൃഹലക്ഷ്മി പ്രൊഡക്ഷന്സ് എന്ന ബാനറില് ഇരുപതിലേറെ മലയാളചലച്ചിത്രങ്ങള് നിര്മിച്ച ഗംഗാധരന് കെ.സി.ടി ഗ്രൂപ്പ് ഓഫ് കമ്പനീസ്, മാതൃഭൂമി എന്നിവയുടെ ഡയറക്ടര് കൂടിയാണ്.
1977 ല് സുജാത എന്ന മലയാള സിനിമയാണ് പി.വി ഗംഗാധരന് നിര്മിച്ച ആദ്യ ചിത്രം. പിന്നീട് അങ്ങാടി, കാറ്റത്തെ കിളിക്കൂട്, ഒരു വടക്കന് വീരഗാഥ, അദ്വൈതം, തൂവല്ക്കൊട്ടാരം, എന്ന് സ്വന്തം ജാനകിക്കുട്ടി, വീണ്ടും ചില വീട്ടുകാര്യങ്ങള് (1999) കൊച്ചു കൊച്ചു സന്തോഷങ്ങള് (2000) ശാന്തം (2000) അച്ചുവിന്റെ അമ്മ (2005) യെസ് യുവര് ഓണര് (2006) നോട്ട്ബുക്ക് (2006) എന്നിങ്ങനെ നിരവധി ഹിറ്റ് ചിത്രങ്ങള് നിര്മിച്ചിട്ടുണ്ട്.