ലോകത്താകെ വിനാശം ഉണ്ടാക്കിയ കൊറോണ വൈറസ് വീണ്ടും സ്ഥിരീകരിച്ചിരിക്കുകയാണ് വിവിധ രാജ്യങ്ങളില്. 'ജെഎന് 1' എന്ന് പേര് നല്കിയിരിക്കുന്ന പുതിയ വകഭേദം വ്യാപനശേഷി കൂടുതലായുള്ളത് എന്നാണ് പുറത്ത് വരുന്ന റിപ്പോര്ട്ട്.
പുതിയ വകഭേദത്തിന് വാക്സിന് പ്രതിരോധത്തെ മറികടക്കാനുള്ള ശേഷിയുണ്ടെന്നുമാണ് സൂചന. യുഎസ് ഉള്പ്പെടെ പന്ത്രണ്ട് രാജ്യങ്ങളില് ഇതിനോടകം ഇത് കണ്ടെത്തിയെന്ന് യുഎസ് സെന്റര് ഫോര് ഡിസീസ് കണ്ട്രോള് ആന്ഡ് പ്രിവന്ഷന് പുറത്തിറക്കിയ റിപ്പോര്ട്ടി വ്യക്തമാക്കുന്നു.
'ബിഎ 2.86' എന്ന വകഭേദത്തില്നിന്നാണ് 'ജെഎന് 1' എന്ന വകഭേദം ഉണ്ടാകുന്നത്. യൂറോപ്പും അമേരിക്കയുമടക്കമുള്ള സ്ഥലങ്ങളില് ഒട്ടേറെ പേരുടെ മരണത്തിന് ഇടയാക്കിയ 'ഒമിക്രോണ്' വകഭേദത്തില്നിന്നാണ് 'ബിഎ 2.86' എന്ന വകഭേദമുണ്ടായത്. ഇതും 'ജെഎന് 1' ഉം തമ്മില് വെറും ഒരു പ്രോട്ടീനിന്റെ വ്യത്യാസം മാത്രമേയുള്ളൂ. ഇതിലുള്ള സ്പൈക്ക് പ്രോട്ടീനിന് ശരീരത്തിന്റെ രോഗപ്രതിരോധശേഷി അതിവേഗം കുറയ്ക്കാന് സാധിക്കുമെന്നും റിപ്പോര്ട്ട് ചൂണ്ടിക്കാട്ടുന്നു.