കൊച്ചിയില് ഡെങ്കിപ്പനി പടര്ന്നു പിടിക്കുന്നതായി ആരോഗ്യവകുപ്പ്. ഡെങ്കിപ്പനി ബാധിച്ച് ആശുപത്രികളില് ചികിത്സ നേടിയവരുടെ എണ്ണത്തില് വലിയ വര്ദ്ധനവാണ് ഉണ്ടായിരിക്കുന്നത്.
കഴിഞ്ഞ ആഴ്ചയില് കൊച്ചി കോര്പറേഷന് പരിധിയില് മാത്രം 222 പേരാണ് ഡെങ്കിപ്പനിക്ക് ചികിത്സ തേടിയിരുന്നു. മാത്രമല്ല പനി, ജലദോഷം, ശ്വാസകോശ സംബന്ധമായ രോഗങ്ങളും ജില്ലയില് കൂടുതല് റിപ്പോര്ട്ട് ചെയ്യുന്നുണ്ട്. ഇതിനാല് തന്നെ ജാഗ്രതാ നിര്ദ്ദേശം നല്കിയിട്ടുണ്ട്.
രോഗലക്ഷണങ്ങള് ഉള്ളവര് സ്വയം ചികിത്സിക്കാതെ ഡോക്ടറെ കണ്ട് ചികിത്സ ഉറപ്പാക്കണം എന്നാണ് ആരോഗ്യവകുപ്പിന്റെ നിര്ദേശം. എറണാകുളത്ത് കഴിഞ്ഞ ജനുവരി മുതല് 3478 ഡെങ്കിപ്പനി കേസുകളും നാലു ഡെങ്കിപ്പനി മരണങ്ങളും റിപ്പോര്ട്ട് ചെയ്തിട്ടുണ്ട്. ഉറവിടനശീകരണത്തില് വീഴ്ച വരുത്തുന്നത് കൊണ്ടാണ് ഡെങ്കിപ്പനി കേസുകള് കൂടാന് കാരണമെന്നാണ് ആരോഗ്യവകുപ്പ് വ്യക്തമാക്കുന്നത്.