ഗൂഗിളില് കണ്ട കസ്റ്റമര് കെയര് നമ്പറില് വിളിച്ച് പണം നഷ്ടപ്പെട്ട വ്യക്തിയുടെ വാര്ത്ത ചൂണ്ടിക്കാട്ടി മുന്നറിയിപ്പ് നല്കി കേരള പൊലീസ്. കസ്റ്റമര് കെയര് സെന്റര് നമ്പര് ലഭിക്കുന്നതിനായി ഒരു കാരണവശാലും ഗൂഗിളില് നിന്നുള്ള നമ്പര് ഉപയോഗിക്കരുതെന്നാണ് പൊലീസിന്റെ മുന്നറിയിപ്പ്.
ഇത്തരം സംഭവങ്ങള് ഗൂഗിളില് തിരയരുതെന്നും അതാത് സ്ഥാപനങ്ങളുടെ വെബ് സൈറ്റ് വിലാസം ബ്രൗസറില് ടൈപ്പ് ചെയ്തുമാത്രം ഔദ്യോഗിക വെബ്സൈറ്റില് പ്രവേശിച്ച് കസ്റ്റമര് സെന്റര് നമ്പര് കണ്ടെത്താനാണ് പൊലീസ് നിര്ദേശത്തില് പറയുന്നത്.
ഗൂഗിളില് തിരഞ്ഞ് വെബ്സൈറ്റ് വിലാസം കണ്ടെത്തി അതില് ക്ലിക്ക് ചെയ്യുന്നതും അപകടകരമാണെന്നും പൊലീസ് പറയുന്നു. ഗൂഗിളില് നിന്ന് ലഭിച്ച കസ്റ്റമര് കെയര് നമ്പറില് വിളിച്ച വ്യക്തിക്ക് 2.44 ലക്ഷം രൂപ നഷ്ടമായതിന്റെ വാര്ത്തയും കേരള പൊലീസ് ഫെയ്സബുക്ക് പോസ്റ്റില് പങ്കുവെച്ചു.