ബ്രിട്ടീഷ് സമ്പദ് വ്യവസ്ഥ മാന്ദ്യത്തില്‍ നിന്നും സാവധാനം കരകയറുന്നതായി കണക്കുകള്‍. ഫെബ്രുവരിയില്‍ ജിഡിപി 0.1 ശതമാനം വര്‍ദ്ധിച്ചുവെന്നാണ് ഔദ്യോഗിക കണക്കുകള്‍ കാണിക്കുന്നത്. കെട്ടിട നിര്‍മ്മാണം, കാര്‍ വ്യവസായം, മറ്റ് സേവന മേഖലകള്‍ എന്നിവയിലെ വളര്‍ച്ചയാണ് നിര്‍ണ്ണായകമായത്. അതേസമയം നനഞ്ഞ കാലാവസ്ഥ കാരണം നിര്‍മ്മാണം മന്ദഗതിയിലാണെന്ന് ഓഫീസ് ഫോര്‍ നാഷണല്‍ സ്റ്റാറ്റിസ്റ്റിക്‌സ് (ഒഎന്‍എസ്) അറിയിച്ചു. പൊതുഗതാഗതവും ചരക്കുനീക്കവും ശക്തമായ മാസമായതോടെ ഹെയര്‍ഡ്രെസിംഗ്, ഹോസ്പിറ്റാലിറ്റി എന്നിവ ഉള്‍പ്പെടുന്ന സേവന മേഖലയും അല്‍പ്പം വളര്‍ന്നതായി ഒഎന്‍എസിലെ സാമ്പത്തിക സ്ഥിതിവിവരക്കണക്ക് ഡയറക്ടര്‍ ലിസ് മക്കൗണ്‍ പറഞ്ഞു.
ഫെബ്രുവരി വരെയുള്ള മൂന്ന് മാസങ്ങള്‍ മൊത്തത്തില്‍ നോക്കുമ്പോള്‍, കഴിഞ്ഞ വേനല്‍ക്കാലത്തിന് ശേഷം ആദ്യമായി സമ്പദ്വ്യവസ്ഥ വളര്‍ന്നുവെന്നും അവര്‍ കൂട്ടിച്ചേര്‍ത്തു.
ഫെബ്രുവരിയില്‍, യുകെയുടെ ഉല്‍പ്പാദന വ്യവസായത്തില്‍ നിന്നുള്ള ഉല്‍പ്പാദനം സമ്പദ്വ്യവസ്ഥയുടെ വളര്‍ച്ചയെ നയിച്ചു. ജനുവരിയിലെ 0.3% ഇടിവിനെ അപേക്ഷിച്ച് 1.1% വര്‍ദ്ധിച്ചു. എന്നിരുന്നാലും, തുടര്‍ച്ചയായ മഴ കെട്ടിട പദ്ധതികളെ തടസ്സപ്പെടുത്തിയതിനാല്‍ നിര്‍മ്മാണ മേഖലയില്‍ ഉത്പാദനം 1.9% കുറഞ്ഞു. കൂടാതെ മിഡില്‍ ഈസ്റ്റിലെ സംഘര്‍ഷം ആഗോള വിതരണ ശൃംഖലയെയും കാര്യമായി തടസ്സപ്പെടുത്തി. ചില്ലറ വ്യാപാരികള്‍, വാഹന മെക്കാനിക്കുകള്‍, ആരോഗ്യം, സാമൂഹിക പ്രവര്‍ത്തനങ്ങള്‍ എന്നിവയെയും സംഘര്‍ഷം ബാധിച്ചു,
പുതിയ കണക്കുകള്‍ സമ്പദ്വ്യവസ്ഥ ഒരു വഴിത്തിരിവിലാണ് എന്നതിന്റെ സ്വാഗത സൂചനയാണെന്ന് ചാന്‍സലര്‍ ജെറമി ഹണ്ട് അഭിപ്രായപ്പെട്ടു.''ഞങ്ങളുടെ പദ്ധതിയില്‍ ഉറച്ചുനില്‍ക്കുകയാണെങ്കില്‍ നമുക്ക് ഈ പുരോഗതി കൈവരിക്കാനാകും,'' അദ്ദേഹം കൂട്ടിച്ചേര്‍ത്തു.
ഉയര്‍ന്ന വിലയും പലിശനിരക്കും മൂലം ഉപഭോക്താക്കളും ബിസിനസ്സുകളും ഞെരുക്കത്തിലായതിനാല്‍ കഴിഞ്ഞ വര്‍ഷം പ്രധാനമന്ത്രി ഋഷി സുനക് നല്‍കിയ അഞ്ച് പ്രധാന പ്രതിജ്ഞകളില്‍ ഒന്നായിരുന്നു സമ്പദ്വ്യവസ്ഥയുടെ വീണ്ടെടുപ്പ്. മിക്ക സാമ്പത്തിക വിദഗ്ധരും രാഷ്ട്രീയക്കാരും ബിസിനസുകാരും മൊത്ത ആഭ്യന്തര ഉല്‍പ്പാദനം (ജിഡിപി) ക്രമാനുഗതമായി ഉയരുന്നത് കാണാന്‍ ഇഷ്ടപ്പെടുന്നുണ്ട്. കാരണം ഇത് മൂലം ആളുകള്‍ കൂടുതല്‍ ചെലവഴിക്കുന്നു, അധിക ജോലികള്‍ സൃഷ്ടിക്കപ്പെടുന്നു, കൂടുതല്‍ നികുതി നല്‍കപ്പെടുന്നു, തൊഴിലാളികള്‍ക്ക് മെച്ചപ്പെട്ട ശമ്പള വര്‍ദ്ധനവ് ലഭിക്കുന്നു. ഇതൊടൊപ്പം തന്നെ ഈ വര്‍ഷാവസാനം നടക്കുന്ന പൊതു തിരഞ്ഞെടുപ്പില്‍ വോട്ടര്‍മാരെ പോളിങ്ങ് ബൂത്തിലേയ്ക്ക് അയയ്ക്കുന്നതിന് മുമ്പ് സമ്പദ്വ്യവസ്ഥയിലെ പുരോഗതി കാണിക്കാനുള്ള സമ്മര്‍ദ്ദത്തിലാണ് റിഷി സുനക്.
More Latest News
ലെസ്റ്റര്‍ സെന്റ് ജോര്‍ജ് ഇന്ത്യന്‍ ഓര്‍ത്തഡോക്സ് പളളിയില്‍ ഗീവര്‍ഗീസ് സഹദായുടെ പെരുന്നാള്‍, മെയ് നാലിന് ചെമ്പെടുപ്പ് റാസ നടത്തപ്പെടും ലിബിന്‍ രാജ്
ഗുരു ഭക്തര്‍ക്ക് വേണ്ടി 'സേവനം യുകെ'യുടെ യൂണിറ്റ് സ്‌കോട്ട്ലന്‍ഡില്‍ രൂപീകൃതമാകുന്നു; ഗ്ലാസ്ഗോയില്‍ ജൂണ്‍ 15ന് ശനിയാഴ്ച രൂപീകരണ യോഗം നടക്കും
അമ്മയുടെ കൈയ്യില്‍ നിന്നും കെട്ടിടത്തിന്റെ താല്‍ക്കാലിക സണ്‍ഷെയ്ഡിലേക്ക് വീണ് കുഞ്ഞ്, കുഞ്ഞിനെ അതി സാഹസികമായി രക്ഷിച്ച് അയല്‍വാസികള്‍, ഞെട്ടിപ്പിക്കുന്ന വീഡിയോ
മുഖ്യമന്ത്രിയും മന്ത്രിമാരും നവകേരള സദസ്സില്‍ സഞ്ചരിച്ച നവ കേരള ബസ്സ് അടുത്തയാഴ്ച മുതല്‍ സര്‍വ്വീസ് ആരംഭിക്കും, കോഴിക്കോട് -ബെംഗളൂര്‍ റൂട്ടി ആദ്യ സര്‍വ്വീസ് നടത്തും
അമേരിക്കയില്‍ ബാങ്കുകളുടെ തകര്‍ച്ച തുടര്‍ക്കഥയാകുന്നു, ഏറ്റവും ഒടുവില്‍ പൂര്‍ണമായും അടച്ചുപൂട്ടി റിപ്പബ്ലിക് ഫസ്റ്റ് ബാങ്ക്
Most Read
British Pathram Recommends
