കൊവിഷീല്ഡ് വാക്സിന് പാര്ശ്വഫലങ്ങള് ഉണ്ടെന്ന് നിര്മ്മാണ കമ്പനികള് തന്നെ സമ്മതിച്ചത് ഏറെ ഞെട്ടലുണ്ടാക്കിയിരുന്നു. ഈ സാഹചര്യത്തില് 2021ല് ഉണ്ടായ മകളുടെ മരണവും കൊവിഷീല്ഡ് വാക്സിനേഷന് സ്വീകരിച്ചതിനെ തുടര്ന്നാണെന്ന് പറയുകയാണ് ഒരു കുടുംബം.
വേണുഗോപാലന് ഗോവിന്ദന്റെ മകള് കാരുണ്യയാണ് കോവിഷീല്ഡ് വാക്സിന് എടുത്തതിന് ശേഷം മരണപ്പെട്ടത്. 2021 ജൂലൈയില് ആണ് ഇവര് മരിച്ചത്. മകളുടെ മരണത്തെക്കുറിച്ച് അന്വേഷിക്കാന് സ്വതന്ത്ര മെഡിക്കല് ബോര്ഡിനെ നിയമിക്കണമെന്ന് ആവശ്യപ്പെട്ടാണ് ഗോവിന്ദന് ഹര്ജി നല്കിയത്.
എന്നാല് വാക്സിന് മൂലമാണ് കാരുണ്യയുടെ മരണം സംഭവിച്ചതെന്നതിന് മതിയായ തെളിവുകളില്ലെന്ന് സര്ക്കാര് രൂപീകരിച്ച ദേശീയ കമ്മിറ്റി പറഞ്ഞു. ആസ്ട്രസെനെക്കയുടെ വെളിപ്പെടുത്തലിന് പിന്നാലെ കൊവിഷീല്ഡിന്റെ പ്രത്യാഘാതങ്ങള്ക്കെതിരെ വേറെയും കുടുംബങ്ങള് രംഗത്തുവരുന്നുണ്ട്. 18 കാരിയായ റിതൈക ശ്രീ ഓംത്രി എന്ന പെണ്കുട്ടിയുടെ മരണവും കൊവിഷീല്ഡ് മൂലമാണെന്ന് യുകെയിലുള്ള കുടുംബം ആരോപിക്കുന്നു.