ഇന്ത്യയില്‍ കോവിഡ് രണ്ടാം തരംഗത്തിന്റെ വ്യാപനം കുറഞ്ഞു വരുമ്പോളും ആശങ്കയായി ഡെല്‍റ്റ പ്ലസ് കോവിഡ് കേസുകളുടെ വര്‍ധനവ്. ത്രിപുരയില്‍ 90 ഡെല്‍റ്റ പ്ലസ് കോവിഡ് കേസുകള്‍ റിപ്പോര്‍ട്ട് ചെയ്തതായി സംസ്ഥാന സര്‍ക്കാര്‍ അറിയിച്ചു.സാമ്പിളുകളുടെ ജീനോം സീക്വന്‍സിങ് വഴിയാണ് ഇവ കണ്ടെത്തിയതെന്നും ഉയര്‍ന്ന രോഗ്യവ്യാപന ശേഷിയുള്ള ഈ വകഭേദം സംസ്ഥാനത്ത് ആദ്യമായാണ് റിപ്പോര്‍ട്ട് ചെയ്യുന്നതെന്നും അധികൃതര്‍ അറിയിച്ചു. പശ്ചിമ ബംഗാളിലെ സര്‍ക്കാര്‍ ലബോറട്ടറിയിലേക്ക് അയച്ച 151 സാമ്പിളുകളില്‍ 90 എണ്ണത്തില്‍ ഡെല്‍റ്റ പ്ലസ് വകഭേദം സ്ഥിരീകരിച്ചയാണ് അധികൃതര്‍ അറിയിച്ചത്.
പശ്ചിമ ബംഗാളില്‍ ജീനോം സീക്വന്‍സിങിനായി 151 സാമ്പിളുകള്‍ ത്രിപുര അയച്ചിരുന്നുവെന്ന് ത്രിപുരയിലെ കോവിഡ് -19 നോഡല്‍ ഓഫീസര്‍ ഡോ. ദീപ് ദബര്‍മ്മ പറഞ്ഞു. ഇതില്‍ 90 സാമ്പിളുകളും ഡെല്‍റ്റ പ്ലസ് വേരിയന്റുകളാണെന്ന് കണ്ടെത്തി. ഇത് ആശങ്കാജനകമാണെന്നും ഡോ. ദീപ് ദബര്‍മ്മ പറഞ്ഞു. ചില സാമ്പിളുകളില്‍ ആല്‍ഫ, ഡെല്‍റ്റ വകഭേദങ്ങളും സ്ഥിരീകരിച്ചതായി അധികൃതര്‍ അറിയിച്ചു.
അതേസമയം, കോവിഡ് രണ്ടാം തരംഗത്തിന്റെ വ്യാപനം കുറഞ്ഞതോടെ ഗുജറാത്തിലും ഹരിയാനയിലും സ്‌കൂളുകള്‍ തുറക്കാനാണ് തീരുമാനം. ഗുജറാത്തില്‍ പന്ത്രണ്ട്, ബിരുദ, ബിരുദാനന്തര ക്ലാസുകള്‍ ഈ മാസം 15 മുതല്‍ തുടങ്ങും. ഒരേസമയം 50% വിദ്യാര്‍ത്ഥികളെ മാത്രമായിരിക്കും ക്യാമ്പസില്‍ അനുവദിക്കുക. വിദ്യാര്‍ത്ഥികള്‍ക്ക് കോവിഡ് പ്രോട്ടോക്കോള്‍ പാലിച്ച് ക്ലാസുകളില്‍ നേരിട്ട് പങ്കെടുക്കാം. എന്നാല്‍ ഹാജര്‍ നിര്‍ബന്ധമായിരിക്കില്ല.
ഹരിയാനയിലും സര്‍ക്കാര്‍, സ്വകാര്യ സ്‌കൂളുകള്‍ ഈ മാസം 16മുതല്‍ പുനരാരംഭിക്കാനാണ് തീരുമാനം. 9 മുതല്‍ 12 വരെ 16നും 6 മുതല്‍ 8 വരെയുള്ള ക്ലാസുകള്‍ 23നും ആരംഭിക്കുമെന്ന് സ്‌കൂള്‍ വിദ്യാഭ്യാസ ഡയറക്ടറേറ്റ് അറിയിച്ചു. 1 മുതല്‍ 5 വരെയുള്ള ക്ലാസുകള്‍ പിന്നീടായിരിക്കും തീരുമാനിക്കുക.
എന്നാല്‍ ആശങ്കയൊഴിയാതെ കേരളത്തിലെ കൊവിഡ് രോഗബാധയുടെ കണക്കുകള്‍ തുടരുകയാണ്. പ്രതിവാര കണക്കുകളില്‍ കൊവിഡ് ബാധിതരുടെ എണ്ണത്തില്‍ 8.4 ശതമാനം വര്‍ധനവാണ് രേഖപ്പെടുത്തിയത്. പ്രതിദിന രോഗ ബാധിരുടെ എണ്ണം പതിനായിരം എന്ന നിലയില്‍ നില്‍ക്കുകയും ടെസ്റ്റ് പോസിറ്റിവിറ്റി നിരക്ക് പത്ത് ശതമാനത്തില്‍ താഴാതെയും നില്‍ക്കുമ്പോഴാണ് പ്രതിവാര കണക്കുകളിലെ വര്‍ധന ആശങ്ക വര്‍ധിപ്പിക്കുന്നത്. ഇക്കഴിഞ്ഞ ആഴ്ചയില്‍ കേരളത്തില്‍ റിപ്പോര്‍ട്ട് ചെയ്തത് 65,345 കൊവിഡ് കേസുകളാണ്. തൊട്ട് മുമ്പുള്ള ആഴ്ചയില്‍ ഇത് 60,234 കേസുകളായിരുന്നു. അതായത് 8.4 ശതമാനം ഉയര്‍ച്ച.
കഴിഞ്ഞ ഒരുമാസത്തിനിടെ കേരളത്തിലെ പ്രതിദിന കൊവിഡ് ബാധിതരുടെ മിക്ക ദിവസങ്ങളിലും എണ്ണം പതിനായിരത്തിനും പതിമൂവായിരത്തിനും ഇടയിലാണ്. കഴിഞ്ഞ ദിവസങ്ങളിലെ കണക്കുകളിലും പുതിയ രോഗ ബാധിതരുടെ എണ്ണത്തില്‍ വര്‍ധനയുണ്ട്. ദേശീയ തലത്തില്‍ തന്നെ ആക്ടീവ് കൊവിഡ് കേസുകളുടെ എണ്ണത്തില്‍ വര്‍ധന ഉണ്ടാക്കുന്നതിലേക്കാണ് ഈ കണക്കുകള്‍ നീണ്ടത്. ഇതേ കാലയളവില്‍, രാജ്യത്ത് ദിവസേനയുള്ള പുതിയ രോഗികളുടെ എണ്ണം പകുതിയായി കുറഞ്ഞു. 80,000 ഉണ്ടായിരുന്ന കണക്കുകള്‍ 40,000 ലേക്ക് ചുരുങ്ങി. കേരളം ഒഴികെയുള്ള എല്ലാ പ്രധാന സംസ്ഥാനങ്ങളിലും ദൈനംദിന കേസുകളുടെ എണ്ണത്തില്‍ ഗണ്യമായ കുറവുണ്ടാവുകയും ചെയ്തു.
More Latest News
വയോധികന്റെ അന്നനാളത്തില്‍ കുടുങ്ങിയത് മൂന്നര സെന്റിമീറ്റര്‍ വലിപ്പമുള്ള എല്ല്, അന്നനാളത്തില്‍ അള്‍സര്‍ ഉണ്ടാക്കിയതോടെ എല്ല് പുറത്തെടുത്തത് അത്യന്തം സങ്കീര്‍ണമായ ശസ്ത്രക്രിയയിലൂടെ
ഒന്ന് വാ തുറന്നതാണ് പിന്നെ വായ അടക്കാന്‍ പറ്റിയിട്ടില്ല, താടിയെല്ലു കുടുങ്ങിയ അവസ്ഥയില്‍ ഇന്‍സ്റ്റഗ്രാം ഇന്‍ഫ്‌ലുവന്‍സറെ ആശുപത്രിയില്‍ പ്രവേശിപ്പിച്ചു
യുകെയില്‍ നിര്യാതയായ സ്നോബിമോള്‍ക്ക് തിങ്കളാഴ്ച യാത്രാമൊഴിയേകും; അന്ത്യ വിശ്രമം ഒരുങ്ങുക സ്വപ്നങ്ങള്‍ പുല്‍കാനെത്തിയ പീറ്റര്‍ബറോയില്‍; അന്ത്യോപചാര ശുശ്രുഷകള്‍ക്ക് മാര്‍ സ്രാമ്പിക്കല്‍ നേതൃത്വം വഹിക്കും
ഇപ്‌സ്വിച്ചിലെ സെന്റ് മേരീസ് എക്യുമെനിക്കല്‍ സഭയില്‍ പെരുന്നാള്‍, ഈ മാസം 26 ഞായറാഴ്ച ഉച്ചയോടെ കൊടിയേറ്റത്തിന് ശേഷം പ്രാര്‍ത്ഥനയും കുര്‍ബാനയും
മമ്മൂട്ടി ഫാന്‍സ് ആന്റ് വെല്‍ഫെയര്‍ അസോസിയേഷന്‍ ഇന്റര്‍നാഷ്ണലിന് പുതിയ നേതൃത്വം, ജീവകാരുണ്യ പ്രവര്‍ത്തനങ്ങള്‍ക്ക് കൂടുതല്‍ പ്രാധാന്യം കൊടുത്ത് യുകെയിലെ മമ്മൂട്ടി കൂട്ടായ്മ
Most Read
British Pathram Recommends
