അജ്ഞാതനായ വിദ്യാര്ഥി നല്കിയ ആസിഡ് അടങ്ങിയ ശീതളപാനീയം കുടിച്ചതിനെ തുടര്ന്ന് ചികിത്സയിലായിരുന്ന പതിനൊന്ന് കാരന് മരിച്ചു. കളിയിക്കാവിള മൊതുകുമ്മല് നുള്ളിക്കാട്ടില് സുനില്- സോഫിയ ദമ്പതികളുടെ മകന് അശ്വിന് ആണ് മരിച്ചത്. ആന്തരികാവയവങ്ങള്ക്ക് ഗുരുതരമായി പൊള്ളലേറ്റ് കഴിഞ്ഞ മൂന്നാഴ്ചയായി ചികിത്സയിലായിരുന്നു.
ച്ച സംഭവത്തില് പാനീയം നല്കിയ വിദ്യാര്ത്ഥിയെ കണ്ടെത്താനാകാതെ പോലീസ്. സ്കൂളിലെ ഏതോ ഒരു വിദ്യാര്ത്ഥിയെന്ന് മാത്രമേ അറിയൂ. ഇത് ആരാണെന്ന് അന്വേഷിക്കുകയാണ് പോലീസ്.
കൊല്ലങ്കോട് മായകൃഷ്ണ സ്വാമി വിദ്യാലയത്തിലെ ആറാം ക്ലാസ് വിദ്യാര്ത്ഥിയായിരുന്നു അശ്വിന്. കഴിഞ്ഞ മാസം 24നാണ് പരീക്ഷ കഴിഞ്ഞ് ശുചിമുറിയില് പോയി മടങ്ങവെ സ്കൂളിലെ ഒരു വിദ്യാര്ത്ഥി 'കോള' എന്ന പേരില് പാനീയം കുടിക്കാന് നല്കിയെന്നായിരുന്നു ആശുപത്രിയില് കഴിയവെ കുട്ടി നല്കിയ മൊഴി. പാനീയം കുടിച്ചതിനെ തുടര്ന്ന് ശാരീരിക അസ്വസ്ഥതയുണ്ടാകുകയായിരുന്നു. ജ്വരബാധിതനായി അവശനിലയിലായ കുട്ടിയെ പിറ്റേന്നു നന്നെ സമീപത്തെ ആശുപത്രിയില് പ്രവേശിപ്പിച്ചു.
ഛര്ദ്ദിയും കടുത്ത ശ്വാസം മുട്ടലിനെയും തുടര്ന്ന് 27ന് മറ്റൊരാശുപത്രിയിലേക്ക് മാറ്റി. ഇവിടെ നടത്തിയ പരിശോധനയിലാണ് ആസിഡ് ഉള്ളില് ചെന്നിട്ടുണ്ടെന്ന് കണ്ടെത്തിയത്. അന്നനാളത്തിനും കുടലിനും പൊള്ളലേറ്റതായും പരിശോധനയില് കണ്ടെത്തിയിരുന്നു.