ഭോപ്പാല് : ജയില് പ്രതിയായി കഴിഞ്ഞ അത്രയും നാള് താന് അനുഭവിച്ച സങ്കടങ്ങളും പ്രയാസങ്ങളും, തനിക്ക് നഷ്ടപ്പെട്ട കാര്യങ്ങള്ക്കും പകരമായി നഷ്ടപരിഹാരം നല്കണമെന്ന് ആവശ്യപ്പെട്ട് യുവാവ് രംഗത്ത്. കൂട്ടബലാത്സംഗ കേസിലെ പ്രതിയാണ് ഇത്തരം ഒരു വ്യത്യസ്ത ആവശ്യവുമായി എത്തിയിരിക്കുന്നത്.
കൂട്ടബലാത്സംഗ കേസിലെ പ്രതിയായിരുന്ന കാന്തിലാല് ഭില് എന്ന യുവാവാണ് വ്യത്യസ്തമായ ആവശ്യവുമായി സര്ക്കാരിനെ സമീപിച്ചിരിക്കുന്നത്. ഇയാള് 666 ദിവസങ്ങളാണ് ജയിലില് കഴിഞ്ഞത്. ആ സമയങ്ങളില് ഇയാള് നിരവധി പ്രശ്നങ്ങള് ഉണ്ടായിരുന്നു. ലൈംഗിക സുഖം പോലുള്ള ദൈവിക സമ്മാനം തനിക്ക് നഷ്ടമായെന്നും മാനസികവും ശാരീരികവുമായി താന് അനുഭവിച്ച ദുരിതങ്ങള്ക്ക് നഷ്ടപരിഹാരം വേണമെന്നുമാ മുപ്പത്തിയഞ്ചുകാരന്റെ ആവശ്യം.
മദ്ധ്യപ്രദേശിലെ രത്ലാമില് നിന്നുള്ള ആദിവാസി യുവാവാണ് കാന്തിലാല് ഭില്. പതിനായിരം കോടി രൂപ നഷ്ടപരിഹാരം ആണ് ഇയാള് സര്ക്കാരിനോട് ആവശ്യപ്പെട്ടിരിക്കുന്നത്.
കഴിഞ്ഞ ഒക്ടോബറില് ഇയാളെ കോടതി കുറ്റവിമുക്തനാക്കിയിരുന്നു. അമ്മയും ഭാര്യയും മകളുമാണ് വീട്ടിലുള്ളത്. കുടുംബത്തിലെ ഏക അത്താണിയായ താന് ജയിലില് പോയതിനാല് അവര് ഏറെ ബുദ്ധിമുട്ടി. അടിവസ്ത്രം വാങ്ങാനുള്ള പണം പോലും ഉണ്ടായിരുന്നില്ല. ജയിലില് കഴിഞ്ഞിരുന്ന സമയത്ത് തനിക്ക് ത്വക്ക് രോഗവും പിടിപെട്ടു. ജയില്മോചിതനായിട്ടും തലവേദന മാറിയില്ലെന്നും സര്ക്കാര് നഷ്ടപരിഹാരം നല്കണമെന്നും യുവാവ് പറഞ്ഞു.