വളരെ രസകരമായ ടര്കിഷ് ഐസ്ക്രീം ട്രിക്സ്. ആവശ്യക്കാരന്റെ മുന്നില് വെച്ച് തന്നെ അത് കോണിലേക്കാക്കി നീട്ടുന്നു. പക്ഷെ അത് വാങ്ങാനായി ആവശ്യക്കാരന് കൈ പൊക്കുമ്പോള് തന്നെ ഒന്നു ചമ്മും. കാരണം ആ ഐസ്ക്രീം കൈയ്യിലേക്ക് കിട്ടാന് ഇത്തിരി പണിയുണ്ട്. ചിലപ്പോള് നല്ല രീതിയില് ചമ്മിയ ശേഷം മാത്രമേ അതൊന്നു കൈയ്യിലേക്ക് കിട്ടൂ.
ഇത്തരത്തിലുള്ള വീഡിയോ നിരവധി സോഷ്യല് മീഡിയയില് ഉള്ളത്. ചില കുട്ടികള് ഇത് കാരണം ഐസ്ക്രീം വാങ്ങാനെ പിണങ്ങി പോകുന്നത് പലപ്പോഴും ചിരി ഉണര്ത്താറുണ്ട്. എന്നാല് ഐസ്ക്രീം വില്ക്കുന്നയാള് ചമ്മി പോകുന്ന ഒരു വീഡിയോ ആണ് കഴിഞ്ഞ ദിവസം വൈറലായത്.
ഇതിന് ശേഷം പാകിസ്ഥാനില് ടര്കിഷ് ഐസ്ക്രീം ട്രിക്സ് നിരോധിക്കുമെന്ന രസകരമായ ക്യാപ്ഷനോടെയാണ് അസര് ഖാന് എന്ന വ്യക്തി വീഡിയോ ട്വിറ്ററില് പോസ്റ്റ് ചെയ്തിരിക്കുന്നത്. ഐസ്ക്രീം പിടിപ്പിച്ച നീണ്ട വടി ദേഷ്യത്തോടെ പിടിച്ചുവാങ്ങി കഴിക്കുന്നതും ശേഷം കച്ചവടക്കാരന് നല്കുന്ന ടിഷ്യൂ വാങ്ങി മുഖം തുടയ്ക്കുന്നതും വീഡിയോയില് കാണാം. നിരവധി പേരാണ് വീഡിയോയ്ക്ക് ലൈക്കും കമന്റും ചെയ്ത് രംഗത്തെത്തിയത്. ചിലര് ഐസ്ക്രീം കച്ചവടക്കാരന്റെ തമാശയ്ക്ക് ഇങ്ങനെ തന്നെ പ്രതികരിക്കണമെന്ന് പറഞ്ഞപ്പോള് മറ്റ് ചിലര് തമാശയെ തമാശയായി തന്നെ കാണണമെന്ന് പ്രതികരിച്ചു. എന്തായാലും വീഡിയോ കാണുന്നവര്ക്ക് ചിരി വരും എന്നാണ് തീര്ച്ച.