ഹീത്രൂവില് നിന്ന് കൊച്ചിയിലേക്കുള്ള വിമാനടിക്കറ്റുകള് ബുക്ക് ചെയ്തിട്ടുള്ള യാത്രക്കാര്ക്ക് ഹീത്രൂവില് നിന്ന് ഗാറ്റ്വിക്കിലേക്ക് മറ്റ് ചാര്ജുകള് ഇല്ലാതെ ടിക്കറ്റ് മാറ്റാനുള്ള സൗകര്യമുണ്ടെന്ന് അറിയിച്ച് ട്രാവല് ഏജന്സികള്. എന്നാല്, എയര് ഇന്ത്യ ഇക്കാര്യം ഔദ്യോഗികമായി സ്ഥിരീകരിച്ചിട്ടില്ല.
എന്നാല് മുംബൈ, ഡല്ഹി അല്ലെങ്കില് മറ്റ് റൂട്ടുകളിലൂടെ ഫ്ലൈറ്റുകള് ഇതിനകം തന്നെ റീ-റൂട്ട് ചെയ്തിട്ടുള്ളവര്ക്കും ടിക്കറ്റുകള് റദ്ദാക്കിയവര്ക്കും ഈ അവസരം ബാധകമല്ല. യാത്ര ക്രമീകരിക്കാന് ആഗ്രഹിക്കുന്ന ആളുകള് ഉടനെ തന്നെ ട്രാവല് ഏജന്റുമായി ബന്ധപ്പെടണമെന്നും മാറ്റം ഉറപ്പ് വരുത്തണമെന്നും അധികൃതര് അറിയിച്ചു. എന്നാല് ഇക്കാര്യത്തില് ഇതേവരെ എയര് ഇന്ത്യയുടെ ഒരു ഔദ്യോഗിക അറിയിപ്പ് ലഭിച്ചിട്ടില്ലാത്തിനാല് ഗാറ്റ്വിക്കിലേക്കും തിരിച്ചും ടിക്കറ്റ് ബുക്ക് ചെയ്തിട്ടുള്ള യാത്രക്കാര് ട്രാവല് ഏജന്സികളെ ബന്ധപ്പെട്ട് നടപടികള് പൂര്ത്തീകരിക്കണം.