കഴിഞ്ഞ ദിവസം ബ്രഹ്മപുരത്തുണ്ടായ തീപിടുത്തവുമായി ബന്ധപ്പെട്ട പുതിയ തീരമാനവുമായി ദേശീയ ഹരിത ട്രൈബ്യൂണല്. കൊച്ചി കോര്പ്പറേഷന് നൂറ് കോടി രൂപ പിഴ അടയ്ക്കണം. തുക കേരള ചീഫ് സെക്രട്ടറിക്ക് അടയ്ക്കണമെന്നാണ് ഉത്തരവില് വ്യക്തമാക്കുന്നത്. തീപിടുത്തത്തിന്റെ ഇരകളുടെ ആരോഗ്യ സംരക്ഷണത്തിനും മറ്റു പരിഹാര നടപടികള്ക്ക് ഈ തുക ഉപയോഗിക്കണം. ഉത്തരവാദികളായ ഉദ്യോഗസ്ഥര്ക്ക് എതിരെ ക്രിമിനല് നടപടി കൈക്കൊള്ളണം. സംഭവത്തിന്റെ ധാര്മ്മിക ഉത്തരവാദിത്തം എന്തുകൊണ്ട് സര്ക്കാര് ഏറ്റെടുക്കുന്നില്ലന്ന് എന് ജി ടി ചോദിച്ചിട്ടുണ്ട്. മാരകമായ അളവില് വായുവിലും പരിസരത്തെ ചതുപ്പിലും വിഷപദാര്ത്ഥങ്ങള് കണ്ടെത്തിയെന്ന് പറഞ്ഞ ട്രൈബ്യൂണല് ഭാവിയില് സുഖമമായി പ്രവര്ത്തിക്കുന മാലിന്യ പ്ലാന്റ് സ്ഥാപിക്കണമെന്നും നിര്ദേശം നല്കിയിട്ടുണ്ട്. കേരളത്തില് പ്രത്യേകിച്ച് കൊച്ചിയില് മാലിന്യ സംസ്കരണത്തില് തുടര്ച്ചയായ വീഴ്ച്ച സംഭവിക്കുന്നുവെന്നും ഉത്തരവില് വിമര്ശനമുണ്ട്.
എന്നാല് സംഭവത്തില് നിയനടപടിയുമായി മുന്നോട്ട് പോകുമെന്ന് കൊച്ചി മേയര് എം അനില് കുമാര് പറഞ്ഞു. ഇപ്പോഴത്തെ സാഹചര്യത്തില് 100 കോടി രൂപ പിഴ അടയ്ക്കാനാകില്ല. വിശദമായ ഉത്തരവാണ് പുറത്തുവന്നിരിക്കുന്നത്. അതില് താന് പറഞ്ഞ കാര്യങ്ങളൊന്നും തെറ്റല്ല എന്ന് വ്യക്തമാക്കുന്ന വിശദീകരണം ഉണ്ട്. മുന് മേയര്മാരെല്ലാം വന്നിരുന്നു അവരുടെ കാലത്ത് എല്ലാം കൃത്യമായിരുന്നു എന്ന് പറയുന്നത് വെറുതെയാണെന്ന് ഉത്തരവ് വ്യക്തമാക്കുന്നു. പൊലൂഷന് കണ്ട്രോള് ബോര്ഡിന്റെ റിപ്പോര്ട്ട് അടക്കം ഉത്തരവിലുണ്ട്. പക്ഷേ നിലവില് ആരും പരസ്പരം പഴിചാരുന്നതില് അര്ത്ഥമില്ല. പുതിയ തലത്തിലേക്ക് കാര്യങ്ങള് ചെയ്യുകയാണ് വേണ്ടത്. എല്ലാം കോര്പ്പറേഷന് ആത്മാര്ത്ഥമായും ഉത്തരവാദപരമായും ചെയ്യുമെന്നും മേയര് എം അനില് കുമാര് പറഞ്ഞു.