നടന് ഇന്നസെന്റിന്റെ നില അതീവ ഗുരുതരമെന്ന് മെഡിക്കല് ബുള്ളറ്റിന് പുറത്തു വിട്ട് ആശുപത്രി. തെറ്റായ വാര്ത്തകള് പുറത്ത് വന്നതോടെയാണ് ഇന്നലെ വൈകുന്നേരം വരെ ആശുപത്രി അധികൃതര് താരത്തിന്റെ ആരോഗ്യ നിലയെ കുറിച്ചുള്ള വിവരങ്ങള് പുറത്തു വിടുകയായിരുന്നു.
കൊച്ചിയിലെ സ്വകാര്യ ആശുപത്രിയില് അത്യാഹിത വിഭാഗത്തില് ചികിത്സയില് കഴിയുകയാണ് താരമിപ്പോള്. അര്ബുദ രോഗത്തെ തുടര്ന്നുള്ള ശാരീരിക ബുദ്ധിമുട്ടുകള് മൂലം രണ്ടാഴ്ച മുന്പാണ് ഇന്നസെന്റിനെ കൊച്ചിയിലെ സ്വകാര്യ ആശുപത്രിയില് പ്രവേശിപ്പിക്കുന്നത്. ആരോഗ്യ നില മെച്ചപ്പെട്ടതിനെത്തുടര്ന്ന് ഐസിയുവില് നിന്ന് മുറിയിലേക്ക് മാറ്റിയിരുന്നെങ്കിലും ആരോഗ്യനില വീണ്ടും മോശമാവുകയായിരുന്നു.
ഇ.സി.എം.ഒ സഹായത്തിലാണ് ഇന്നസെന്റ് ഇപ്പോഴുള്ളതെന്ന് ആശുപത്രി അധികൃതര് അറിയിച്ചു. കഴിഞ്ഞ ഒരാഴ്ചയായി ആശുപത്രിയില് ചികിത്സയിലാണ് അദ്ദേഹം. മാര്ച്ച് മൂന്നിനാണ് ശാരീരിക അസ്വസ്ഥതകള് മൂലം അദ്ദേഹത്തെ ആശുപത്രിയില് പ്രവേശിപ്പിച്ചത്. കാന്സറിന് നേരത്തെയും ചികിത്സ തേടിയിട്ടുള്ള ഇന്നസെന്റ്, രോഗത്തെ അതിജീവിച്ച് ശക്തമായ തിരിച്ചുവരവ് നടത്തിയിരുന്നു
അസുഖത്തില് നിന്നും മുക്തനായി വന്ന ശേഷം തന്റെ കാന്സര് നാളുകളിലെ അനുഭവങ്ങള് പങ്കുവച്ചുകൊണ്ട് കാന്സര് വാര്ഡിലെ ചിരി എന്ന പുസ്തകവും അദ്ദേഹം പ്രസിദ്ധീകരിച്ചിരുന്നു. കഴിഞ്ഞ വര്ഷം പുറത്തിറങ്ങിയ 'മകള്', 'കടുവ' തുടങ്ങിയ മലയാള ചിത്രങ്ങളില് ഇന്നസന്റ് ശ്രദ്ധേയവേഷങ്ങള് കൈകാര്യം ചെയ്തിരുന്നു.