ശബരിമല ധര്മ്മശാസ്താ ക്ഷേത്രനട ഇന്ന് വിഷു പൂജകള്ക്കായി തുറക്കും. ഇന്ന് വൈകിട്ട് അഞ്ചിനാണ് നട തുറക്കുക. തന്ത്രിയുടെ സാന്നിധ്യത്തില് മേല്ശാന്തി കെ. ജയരാമന് നമ്പൂതിരി ശ്രീകോവില് തുറന്ന് ദീപം തെളിക്കും.
നട തുറക്കലിന് ശേഷം പതിനെട്ടാം പടിക്ക് താഴെയുള്ള ആഴിയിലേക്ക് അഗ്നി പകരും. ശേഷം അയ്യപ്പഭക്തരെ ദര്ശനത്തിന് അനുവദിക്കും. ഇന്ന് പുലര്ച്ചെ മുതല് പതിവ് പൂജകളും അഭിഷേകവും പ്രത്യേക വഴിപാടുകളും നടന്നു. 15ന് പുലര്ച്ചെ വിഷുക്കണി ദര്ശനം. സോപാനത്ത് ഒരുക്കുന്ന വിഷുക്കണി ആദ്യം ഭഗവാനെ കണികാണിക്കും. തുടര്ന്ന് ഭക്തര്ക്ക് വിഷുക്കണി ദര്ശിക്കാന് അവസരമാകും. ഭക്തര്ക്ക് തന്ത്രിയും മേല്ശാന്തിയും വിഷുകൈനീട്ടം നല്കും.
ദര്ശനത്തിനായി എത്തുന്ന ഭക്തര് വെര്ച്ചല് ക്യൂ വഴി ബുക്ക് ചെയ്യുകയോ പമ്പ ഗണപതി ക്ഷേത്ര നടപ്പന്തലില് എത്തി പാസ് എടുക്കുകയോ ചെയ്യണമെന്ന് അറിയിപ്പുണ്ട്. നട തുറക്കുന്ന നാളെ പ്രത്യേക പൂജകള് ഉണ്ടായിരിക്കുന്നതല്ല. ഏപ്രില് 12 മുതല് രാവിലെ 4.30- ന് പള്ളി ഉണര്ത്തല്, 5.00- ന് നട തുറക്കല്, നിര്മ്മാല്യ ദര്ശനം എന്നിവ ഉണ്ടാകും.തുടര്ന്ന് കിഴക്കേ മണ്ഡപത്തില് ഗണപതിഹോമവും, 5:30 മുതല് 9.00 വരെ നെയ്യഭിഷേകവും അഷ്ടാഭിഷേകവും ഉണ്ടായിരിക്കുന്നതാണ്.