കോഴിക്കോട് സ്വകാര്യ ആശുപത്രിയില് കഴിയുന്ന നടന് മാമുക്കോയയുടെ ആരോഗ്യനിലയില് മാറ്റമില്ല. ഹൃദയാഘാതത്തെ തുടര്ന്നാണ് കോഴിക്കോട്ടെ സ്വകാര്യ ആശുപത്രിയില് തീവ്രപരിചരണ വിഭാഗത്തില് കഴിയുന്നത്. എന്നാല് നിലവിലെ ഗുരുതര സാഹചര്യത്തെ തുടര്ന്ന് വെന്റിലേറ്റര് നീക്കം ചെയ്യാറായിട്ടില്ലെന്ന് ഡോക്ടര്മാര് അറിയിച്ചു.
മലപ്പുറം പൂങ്ങോട് സെവന്സ് ഫുട്ബോള് ടൂര്ണമെന്റ് ഉദ്ഘാടനം ചെയ്യുന്നതിനിടയാണ് മാമുക്കോയയ്ക്ക് ദേഹാസ്വാസ്ഥ്യം അനുഭവപ്പെട്ടത്. തുടര്ന്ന് വണ്ടൂരിലെ സ്വകാര്യ ആശുപത്രിയില് പ്രവേശിപ്പിച്ചു. പിന്നീട് കോഴിക്കോട്ടെ സ്വകാര്യ ആശുപത്രിയിലേക്ക് മാറ്റുകയായിരുന്നു.
ആരോഗ്യനില അല്പം ഭേദപ്പെട്ടതിന് ശേഷമാണ് വണ്ടൂരിലെ സ്വകാര്യ ആശുപത്രിയില് നിന്നും അദ്ദേഹത്തെ മെഡിക്കല് ഐസിയു ആംബുലന്സില് കോഴിക്കോടേയ്ക്ക് കൊണ്ടുവന്നത്.
ട്രോമ കെയര് പ്രവര്ത്തകര് ഉണ്ടായിരുന്നതിനാല് മാമുക്കോയക്ക് ദേഹാസ്വാസ്ഥ്യം വന്നപ്പോള് തന്നെ നിര്ണ്ണായകമായ പ്രാഥമിക ചികിത്സ നല്കാന് കഴിഞ്ഞെന്ന് ഫുട്ബോള് ടൂര്ണമെന്റ് സംഘടക സമിതി പ്രതികരിച്ചിരുന്നു. 10 കിലോമീറ്റര് അകലെയുള്ള ആശുപത്രിയിലേക്ക് അതിവേഗം അദ്ദേഹത്തെ എത്തിക്കാന് സാധിച്ചെന്നും സംഘാടക സമിതി വ്യക്തമാക്കിയിരുന്നു.