ഫൊക്കാന പ്രസിഡന്റ് ബാബു സ്റ്റീഫനെ പ്രസിഡന്റ് ഓഫ് കേരളാ കാത്തലിക് ബിഷപ്പ് കോണ്ഫ്രറന്സ് ആന്റ് മേജര് അര്ച്ചബിഷപ്പ് ഓഫ് തിരുവനന്തപുരം His Beatitude Baselios Cardinal Cleemis Catholicos തിരുമേനി ആദരിച്ചു. ഇന്ത്യയിലെയും വിദേശത്തുമുള്ള പന്ത്രണ്ട് തിരുമേനിമാര് പങ്കെടുത്തിരുന്ന സദസ്സില് ആണ് ഡോ. ബാബു സ്റ്റീഫന് സ്വീകരണം ഏറ്റുവാങ്ങിയത്. ഈ അവസരത്തില് ഡോ. ഫിലിപ്പ് മാര് സ്റ്റീഫനോസ് (ദി ബിഷപ്പ് ഓഫ് US and Canada) ഡോ. ബാബു സ്റ്റീഫന്റെ ചാരിറ്റി പ്രവര്ത്തങ്ങളില് പ്രശംസിക്കുകയും അദ്ദേഹം കാരുണ്യസ്പര്ശം അര്ഹിക്കുന്നവരില് എത്തിക്കുന്നതില് അതീവ ശ്രദ്ധാലു ആണെന്ന് അഭിപ്രായപ്പെടുകയും ചെയ്തു.
പ്രവാസ ലോകത്തും ഒപ്പം നാട്ടിലും സാമൂഹിക സാംസ്കാരിക രംഗങ്ങളില് സജീവ സാന്നിധ്യമാണ് ഡോ. ബാബു സ്റ്റീഫന്. ഫൊക്കാനയുടെ പ്രസിഡന്റ് ആയതിന് ശേഷം ഫൊക്കാനയുടെ പ്രവര്ത്തനങ്ങളില് വളരെ മാറ്റങ്ങള് വരുത്തുകയും അമേരിക്കയിലും കേരളത്തിലും പല പുതിയ പദ്ധതികള് നടപ്പിലാക്കുകയും ചെയ്തു വരുന്നു. പാവപ്പെട്ടവരെ സഹായിക്കുന്ന കേരളത്തിലെ പല പദ്ധതികളിലും ബാബു സ്റ്റീഫന്റെ പ്രവര്ത്തനങ്ങള് പ്രശംസിനീയമാണെന്ന് ഡോ. ഫിലിപ്പ് മാര് സ്റ്റീഫനോസ് അഭിപ്രായപ്പെട്ടു.
ഡോ.ബാബു സ്റ്റീഫന് ഫൊക്കാനാ പ്രസിഡന്റ് ആയശേഷം നിരവധി ജീവകാരുണ്യ പ്രവര്ത്തനങ്ങള്ക്കാണ് നേതൃത്വം നല്കുന്നത്. ബിസിനസ് രംഗത്ത് സജീവമായ അദ്ദേഹത്തിന്റെ പിതാവ് ജോര്ജ് ജോസഫ് കേരളത്തിലെ അറിയപ്പെടുന്ന ഏലം എസ്റ്റേറ്റ് ഉടമയായിരുന്നു. ഇന്ത്യ മുഴുവന് ബിസിനസ് സംബന്ധമായ യാത്രകളിലെല്ലാം ചെറുപ്പം മുതല്ക്ക് ഡോ.ബാബു സ്റ്റീഫനും പിതാവിനൊപ്പം ഉണ്ടായിരുന്നു. പിന്നീട് ഡോ. ബാബു സ്റ്റീഫന് അമേരിക്കയില് എത്തി റിയല് എസ്റ്റേറ്റ്, ഹെല്ത്ത് കെയര് ബിസിനസിലും സജീവമായി.
വാഷിംഗ്ടണ് ഡി.സിയില് നിന്ന് എം.ബി.എയും 2006ല് പിഎച്ച്ഡിയും കരസ്ഥമാക്കുകയും ചെയ്തു. ഇന്ത്യന് കള്ച്ചറല് ഏകോപന സമിതിയുടെ പ്രസിഡന്റ്, യുണൈറ്റഡ് സ്റ്റേറ്റ് കോണ്ഗ്രസ് ഉപദേശക സമിതി അംഗം, ഫെഡറേഷന് ഓഫ് ഇന്ത്യന്സ് ഇന് അമേരിക്ക റീജിയണല് വൈസ് പ്രസിഡന്റ്, അസ്സോസിയേഷന് ഓഫ് ഇന്ത്യന് ഇന് അമേരിക്കയുടെ പ്രസിഡന്റ് എന്നീ നിലകളിലെ പ്രവര്ത്തനം ഫൊക്കാനയെ ആഗോളതലത്തില് അവതരിപ്പിക്കുന്നതിന് അദ്ദേഹത്തിന് മുതല്ക്കൂട്ടാവും. ഡെമോക്രാറ്റിക് പാര്ട്ടിയുടെ വക്താവായ അദ്ദേഹം വാഷിംഗ്ടണ് ഡി.സി മേയറുടെ ആദരവ് സ്വീകരിച്ചിട്ടുണ്ട്. അമേരിക്കയിലെ മികച്ച ബിസിനസ് സംരംഭകരെ മാത്രം ഉള്പ്പെടുത്തി വാഷിംഗ്ടണ് ഡിസി മേയര് നടത്തിയ ചൈനാ യാത്രാ സംഘത്തില് പ്രത്യേകക്ഷണിതാവായി ഡോ.ബാബു സ്റ്റീഫനും ഉണ്ടായിരുന്നു. സ്വന്തം ബിസിനസ് സംരംഭമായ ഡി.ഡി. ഹെല്ത്ത് കെയര് ഐ.എന്.സിയുടെ സി.ഇ.ഒ, എസ്.എം റിയാലിറ്റി എല്.എല്.സിയുടെ പ്രസിഡന്റുമാണ് അദ്ദേഹം ഇപ്പോള്.
ഈ തിളക്കമാര്ന്ന അനുഭവങ്ങളില് നിന്ന് അമേരിക്കന് മലയാളികളുടെ സംഘടനകളുടെ സംഘടനയായ ഫൊക്കാനയുടെ നേതൃത്വനിരയിലേക്ക് അദ്ദേഹം കടന്നു വന്നപ്പോള് കഴിഞ്ഞ നാല്പതു വര്ഷമായി ഫൊക്കാനയ്ക്ക് ഉണ്ടായിരുന്ന നേതൃത്വ സംവിധാനത്തിന് ഭാവി മലയാളി തലമുറയ്ക്ക് ഉതകുന്ന തരത്തില് ഒരു പരിവര്ത്തനം ഉണ്ടാവുകയും ഫൊക്കാന ആഗോള തലത്തില് ശ്രദ്ധിക്കപ്പെടുന്നതിന് വഴിയൊരുക്കുകയും ചെയ്തു.