ബിപോര്ജോയ് ചുഴലിക്കാറ്റ് ഇന്ന് ഗുജറാത്തിലെത്തുമെന്ന് കാലാവസ്ഥ നിരീക്ഷണം. ഈ ഇടങ്ങളില് മണിക്കൂറില് 150 കിലോമീറ്റര് വരെ വേഗത്തില് കാറ്റ് വീശിയേക്കുമെന്നാണ് പറയുന്നത്. കനത്ത മഴയ്ക്കും കടല് പ്രക്ഷുബ്ധമാകാനും സാധ്യതയുണ്ടെന്ന് മുന്നറിയിപ്പില് പറയുന്നു.
ഗുജറാത്തിലെ കച്ച്, ദേവഭൂമി ദ്വാരക, ജാംനഗര് എന്നീ ജില്ലകളെയാണ് ചുഴലിക്കാറ്റ് ഏറ്റവും കൂടുതല് ബാധിക്കാന് സാധ്യത. ഇത് വരെ അര ലക്ഷത്തോളം പേരെ വിവിധ ഭാഗങ്ങളില് നിന്ന് മാറ്റിപ്പാര്പ്പിച്ചു. ജനങ്ങളോട് പരമാവധി വീടുകള്ക്കുള്ളില് തന്നെ കഴിയാന് സര്ക്കാര് നിര്ദേശം നല്കി. ബീച്ചുകളും തുറമുഖങ്ങളും എല്ലാം അടച്ചിട്ടുണ്ട്. 18 കമ്പനി ദേശീയ ദുരന്ത നിവാരണ സേന സംഘങ്ങളെ വിവിധ മേഖലകളില് വിന്യസിച്ചിട്ടുണ്ട്.
ഗുജറാത്തിലും മഹാരാഷ്ട്രയുടെ തീരപ്രദേശങ്ങളിലും കനത്ത മഴയാണ്. പോര്ബന്തരില് മരങ്ങള് കടപുഴകി വീണ് കനത്ത നാശനഷ്ടമാണ് റിപ്പോര്ട്ട് ചെയ്യുന്നത്. ശക്തമായ തിരമാലയും അടിക്കുനുണ്ട്. മോശം കാലാവസ്ഥയെ തുടര്ന്ന് ഇന്നും ട്രെയിനുകള് റദ്ദാക്കിയിട്ടുണ്ട്.