വിവാദങ്ങള്ക്കും ഹൈക്കോടതി ഇടപെടലിനുമൊടുവില് ഡോ. പ്രിയവര്ഗീസിന് കണ്ണൂര് സര്വകലാശാല അസോസിയേറ്റ് പ്രൊഫസറായി നിയമന ഉത്തരവ് നല്കി. പതിനഞ്ച് ദിവസത്തിനകം ചുമതലയേല്ക്കാനാണ് നിര്ദേശം ലഭിച്ചിരിക്കുന്നത്.
കണ്ണൂര് സര്വകലാശാലയില് അസോസിയേറ്റ് പ്രൊഫസര് ആയി നിയമിക്കുന്നതിനു പ്രിയ വര്ഗീസിനു യോഗ്യതയില്ലെന്നും പ്രിയ ഉള്പ്പെട്ട റാങ്ക് ലിസ്റ്റ് പുനപ്പരിശോധിക്കണമെന്നുമുള്ള ഹൈക്കോടതി സിംഗിള് ബെഞ്ച് ഉത്തരവ് ജൂണ് 22ന്ഡിവിഷന് ബെഞ്ച് റദ്ദാക്കിയിരുന്നു. അതിന് പിന്നാലെ സര്വകലാശാല ഈ വിഷയത്തില് നിയമോപദേശം തേടിയിരുന്നു. അതിന്റെ പശ്ചാത്തലത്തിലാണ് നിയമന ഉത്തരവ് നല്കിയത്.
അതേസമയം കണ്ണൂര് സര്വകാശാലാ അസോസിയേറ്റ് പ്രൊഫസറായി പ്രിയ വര്ഗീസിന്റെ നിയമനം ശരിവെച്ച ഹൈക്കോടതി വിധിക്കെതിരെ യുജിസി സുപ്രീംകോടതിയെ സമീപിക്കും. ഡിവിഷന് ബെഞ്ച് വിധിക്കെതിരെ അപ്പീല് നല്കാനാണ് യുജിസിക്ക് കിട്ടിയ നിയമോപദേശം. ഗവേഷണ കാലവും എന്എസ്എസ് പ്രവര്ത്തന കാലവും അധ്യാപന കാലയളവായി കണക്കാക്കിയാണ് ഹൈക്കോടതി ഡിവിഷന് ബെഞ്ച് പ്രിയ വര്ഗീസിന് അനുകൂലമായി വിധി പുറപ്പെടുവിച്ചത്.