തൃശ്ശൂര്: തൃശ്ശൂരില് നേരിയ ഭൂചലനം അനുഭവപ്പെട്ടതായി പ്രദേശവാസികള്. ഭൂമിക്കടിയില് നിന്നും മുഴക്കവും നേരിയ ഭൂചലനവും ഉണ്ടായെന്നാണ് നാട്ടുകാര് വ്യക്തമാകുന്നത്.
തൃശൂര്, കല്ലൂര്, ആമ്പല്ലൂര് ഭാഗങ്ങളിലാണ് ഭൂചലനം അനുഭവപ്പെട്ടത്. ഭൂചലനത്തില് ജനങ്ങള് ആശങ്കപ്പെടേണ്ട സാഹചര്യമില്ലെന്ന് ജില്ലാ കളക്ടര് വിശദീകരിച്ചു. റിക്ടര് സ്കെയിലില് മൂന്നില് താഴെ തീവ്രത വരുന്ന ചലനങ്ങള് രേഖപ്പെടുത്താന് കഴിയില്ല. ഭൂചലനം അനുഭവപ്പെട്ട സ്ഥലങ്ങളില് വരും ദിനങ്ങളില് നിരീക്ഷണം ഏര്പ്പെടുത്തുമെന്നും അദ്ദേഹം വ്യക്തമാക്കി.നാല് വര്ഷം മുന്പും സമാനമായ രീതിയില് തൃശ്ശൂരിലും പരിസര പ്രദേശങ്ങളിലും ഭൂചലനം അനുഭവപ്പെട്ടിരുന്നു. 2018 സെപ്തംബര് 17ന് രാത്രിയായിരുന്നു സംഭവം. തൃശ്ശൂര്, ഒല്ലൂര്, ലാല്ലൂര്, കണ്ണന്കുളങ്ങര, കൂര്ക്കഞ്ചേരി അടക്കമുള്ള പ്രദേശങ്ങളിലാണ് അന്ന് രാത്രി 11.30 യോടെ ഭൂചലനം അനുഭവപ്പെട്ടത്. ഒരു സെക്കന്റ് മാത്രം ദൈര്ഘ്യമുണ്ടായിരുന്ന അന്നത്തെ ഭൂചലനത്തില് എവിടെയും നാശനഷ്ടങ്ങള് റിപ്പോര്ട്ട് ചെയ്തിരുന്നില്ല.
ചലനം അനുഭവപ്പെട്ടതോടെ നാട്ടുകാര് ആശങ്കയിലാണ്. വിവരമറിഞ്ഞ് ജില്ലാ കളക്ടര് വി ആര് കൃഷ്ണതേജ സ്ഥലങ്ങള് ഉടന് സന്ദര്ശിക്കുമെന്ന് അറിയിച്ചിട്ടുണ്ട്.