വന്ദേഭാരതിന് നേരെ വീണ്ടും കല്ലേറ്. ഭോപ്പാലില് നിന്ന് ഡല്ഹി നിസാമുദ്ദീന് സ്റ്റേഷനിലേക്ക് പുറപ്പെട്ട വന്ദേ ഭാരത് എക്സ്പ്രസിന് നേരെയാണ് കല്ലേറ് ഉണ്ടായത്. ആഗ്രയില് വച്ചുണ്ടായ കല്ലേറില് ട്രെയിന്റെ ഗ്ലാസ് തകര്ന്നിട്ടുണ്ട്.
സി 7 കോച്ചിന്റെ ചില്ലാണ് തകര്ന്നത്. 13-17 സീറ്റുകള്ക്കിടയിലെ ഗ്ലാസിന് കല്ലേറില് സാരമായ കേടുപാടുണ്ട്. സംഭവത്തില് അന്വേഷണം ആരംഭിച്ചതായി റെയില്വേ വിശദമാക്കി. യാത്രക്കാര്ക്ക് കല്ലേറില് പരിക്കേറ്റിട്ടില്ല.
ഇത് ആദ്യമായല്ല ഇതേ പാതയില് കല്ലേറ് ഉണ്ടാകുന്നത്. സംഭവത്തില് അന്വേഷണം ആരംഭിച്ചതായി റെയില്വേ വിശദമാക്കി. യാത്രക്കാര്ക്ക് കല്ലേറില് പരിക്കേറ്റിട്ടില്ല.
ഏതാനും ദിവസങ്ങള്ക്ക് മുന്പാണ് ഭോപ്പാല് ഡല്ഹി വന്ദേഭാരത് എക്സ്പ്രസില് അഗ്നിബാധയുണ്ടായത്. റാണി കമലാപതി സ്റ്റേഷനില് നിന്ന് ട്രെയിന് വിട്ടതിന് തൊട്ട് പിന്നാലെയാണ് അഗ്നിബാധയുണ്ടായത്.22ഓളം യാത്രക്കാരായിരുന്നു ഈ കോച്ചിലുണ്ടായിരുന്നത്. ഇവരെ പെട്ടന്ന് തന്നെ മറ്റ് കോച്ചുകളിലേക്ക് മാറ്റി. സംഭവത്തില് ആര്ക്കും പരിക്കില്ല.