വീടിനു നേരെ നോട്ടുകളും നാണയങ്ങളും കല്ലുകളും എറിയുന്നതായി പരാതി. ആരാണെന്ന് മനസ്സിലാക്കാതെ സംഭവത്തിന്റെ പിന്നിലുള്ള കാര്യം എന്താണെന്നറിയാതെ ഒരാഴ്ചയിലേറയായി വീട്ടിലേക്ക് കല്ലേറ് നടക്കുന്നത്.
ഇതില് ഞെട്ടിക്കുന്ന സംഭവം എന്താണെന്ന് വെച്ചാല് ഇതുവരെ എറിഞ്ഞ കല്ലുകള്ക്കൊപ്പം വീട്ടുകാര്ക്ക് ലഭിച്ച നാണയങ്ങളും 500ന്റെ നോട്ടുകളും എല്ലാം 8900 രൂപയാണ് ലഭിച്ചിരിക്കുന്നത്.
കടയ്ക്കല് സ്വദേശിയായ രാജേഷിന്റെ വീടിന് നേരെയാണ് ഇത്തരത്തില് അപൂര്വ്വമായ ആക്രമണം നടക്കുന്നത്. രണ്ട് ദിവസം കൊണ്ട് 8900 രൂപയാണ് കിട്ടിയത്. കിട്ടിയ തുക പൊലീസില് ഏല്പ്പിച്ച വീട്ടുകാര് കല്ലേറും പണമേറും കാരണം ഭീതിയിലാണ്.
കഴിഞ്ഞ ഒരാഴ്ചയായിട്ട് ഇതാണ് അവസ്ഥയെന്നാണ് വീട്ടുകാര് പറയുന്നു. പൊലീസെത്തി പരിശോധിച്ചിട്ടും ആരാണ് എറിയുന്നതെന്ന് കണ്ടെത്താനായില്ല. ജനപ്രതിനിധികളും നാട്ടുകാരും ഇവിടെയുള്ളപ്പോഴും വീടിനു മുകളിലെ ആസ്ബറ്റോസ് ഷീറ്റില് കല്ലുകള് വന്നു വീണു. മൂന്ന് മാസം മുന്പാണ് രാജേഷ് വിദേശത്തേക്ക് പോയത്. വീട്ടില് ഭാര്യ പ്രസീദയും മക്കളും പ്രസീദയുടെ അച്ഛനും അമ്മയുമാണ് താമസം. പൊലീസില് പരാതി നല്കിയിട്ടും കല്ലേറും പണമേറും തുടരുകയാണ്.