ഉമ്മന് ചാണ്ടിക്ക് കേരള നിയമ സഭയില് ആദരം. കേരള രാഷ്ട്രീയത്തിലെ ഒരു സുപ്രധാന ഏടാണ് ഉമ്മന്ചാണ്ടിയുടെ വേര്പാടോടെ അവസാനിച്ചിരിക്കുന്നതെന്ന് മുഖ്യമന്ത്രി പിണറായി വിജയന് നിയമ സഭയില് പറഞ്ഞു. ഭൗതികമായ സാന്നിദ്ധ്യം വിടവാങ്ങുമ്പോഴും ഉമ്മന്ചാണ്ടി അവശേഷിപ്പിച്ചു പോകുന്ന സവിശേഷതകള് പലതും കേരളരാഷ്ട്രീയത്തില് കാലത്തെ അതിജീവിച്ചു നിലനില്ക്കുമെന്നും അദ്ദേഹം കൂട്ടി ചേര്ത്തു.
ഒരേ മണ്ഡലത്തില് നിന്നുതന്നെ ആവര്ത്തിച്ച് തെരഞ്ഞെടുക്കപ്പെട്ടു സഭയിലെത്തുക. അങ്ങനെ നിയമസഭാ ജീവിതത്തില് അഞ്ച് പതിറ്റാണ്ടിലേറെ പൂര്ത്തിയാക്കുക. തെരഞ്ഞെടുപ്പിനെ നേരിട്ട 12 തവണകളില് ഒരു തവണ പോലും പരാജയമെന്തെന്നത് അറിയാനിടവരാതിരിക്കുക. 53 വര്ഷക്കാലത്തോളം നിയമസഭാ സാമാജികനായി തുടരുക. ഇതൊക്കെ ലോക പാര്ലമെന്ററി ചരിത്രത്തില്ത്തന്നെ അത്യപൂര്വം പേര്ക്കു മാത്രം സാധ്യമായിട്ടുള്ള കാര്യങ്ങളാണ്. ആ അത്യപൂര്വം നിയമസഭാ സാമാജികരുടെ നിരയിലാണ് ഉമ്മന്ചാണ്ടിയുടെ സ്ഥാനം. ആ സവിശേഷത തന്നെ ജനഹൃദയങ്ങളില് അദ്ദേഹം നേടിയ വിജയത്തിന്റെ തെളിവാണ്.
പല കോണ്ഗ്രസ് നേതാക്കളും കെ കരുണാകരനും എ കെ ആന്റണിയുമടക്കം പാര്ലമെന്റംഗങ്ങളായും മറ്റും പോയിട്ടുണ്ട്. എന്നാല്, ഉമ്മന്ചാണ്ടിക്ക് എന്നും പ്രിയങ്കരം കേരള നിയമസഭയായിരുന്നു. അതുകൊണ്ടുതന്നെ അദ്ദേഹം ഈ സഭ വിട്ടുപോയതുമില്ല.
കേരളജനതയോടും കേരള നിയമസഭയോടും അദ്ദേഹത്തിനുണ്ടായിരുന്ന ആത്മബന്ധത്തിന് ഇതിലും വലിയ ദൃഷ്ടാന്തം ആവശ്യമില്ല. ദേശീയ തലത്തില് പ്രവര്ത്തിക്കാന് അവസരമുണ്ടായപ്പോഴും അദ്ദേഹം കേരളത്തില് കേന്ദ്രീകരിച്ചു തന്നെ പ്രവര്ത്തിക്കാനിഷ്ടപ്പെട്ടു. കേരളം വിട്ടുപോവാത്ത മനസ്സായിരുന്നു അദ്ദേഹത്തിന്റേതെന്നും പിണറായി പറഞ്ഞു.