ഫാസ്റ്റ് ഫുഡ് ഉള്പ്പെടെ ഉള്ള ഭക്ഷണ വസ്തുക്കള് ഹോട്ടലുകളില് നിന്നും നല്കുമ്പോള് പുതിയ നിബന്ധനകള് കൃത്യമായി പാലിച്ചിരിക്കണമെന്ന് ഹൈക്കോടതി. ഇനി മുതല് ഭക്ഷണ പാക്കറ്റുകളില് തയ്യാറാക്കിയ തീയതിയും സമയവും രേഖപ്പെടുത്തണമെന്ന് ഹൈക്കോടതി പറഞ്ഞു. ഷവര്മ്മയടക്കമുള്ള ഭക്ഷണങ്ങള് കൊടുമ്പോഴും ഇത് പാലിച്ചിരിക്കണം.
കൗണ്ടറിലൂടെയും പാഴ്സലായും നല്കുമ്പോള് ഇക്കാര്യം കൃത്യമായി പാലിക്കണം. നിര്ദിഷ്ട സമയപരിധിക്കുള്ളില് ഇവ കഴിക്കാന് ഉപഭോക്താക്കളില് അവബോധമുണ്ടാക്കണമെന്നും ഭക്ഷ്യ സുരക്ഷാ കമ്മീഷണര് ജസ്റ്റിസ് ദേവന് രാമചന്ദ്രന് നിര്ദേശിച്ചു.കഴിഞ്ഞ വര്ഷം ഏപ്രിലില് ഷവര്മ കഴിച്ചതിനെ തുടര്ന്ന് ഉണ്ടായ ഭക്ഷ്യ വിഷബാധമൂലം കാസര്കോട് പ്ലസ് വണ് വിദ്യാര്ഥിനി ദേവനന്ദ മരിച്ച സംഭവത്തില് മാതാവ് നല്കിയ ഹര്ജി പരിഗണിച്ചാണു ഹൈക്കോടതി ഉത്തരവ്.
നിയമങ്ങളും നിര്ദേശങ്ങളും ലംഘിക്കുന്ന ഭക്ഷ്യസ്ഥാപനങ്ങള്ക്ക് എതിരെ നടപടി സ്വീകരിച്ചു കോടതിയെ അറിയിക്കണമെന്നും ഹൈക്കോടതി ഉത്തരവിട്ടു.