ലണ്ടനില് ഒരു ഗുരുവായൂരപ്പ ക്ഷേത്ര സാക്ഷാത്കാരം ലക്ഷ്യമാക്കി പ്രവൃത്തിക്കുന്ന ലണ്ടന് ഹിന്ദു ഐക്യവേദിയുടെ നേതൃത്വത്തില് ഈ മാസത്തെ സത്സംഗം വിവേകാനന്ദ ജയന്തി ആഘോഷമായി ശനിയാഴ്ച്ച, ജനുവരി 27-ാം തീയതി ക്രോയിഡോണിലെ വെസ്റ്റ് തോണ്ടണ് കമ്മ്യൂണിറ്റി സെന്ററില് വച്ച് വൈകിട്ട് 5:30 മുതല് ആഘോഷിക്കും.
ഭാരതീയ ജനതയെയും രാജ്യത്തെ യുവതയെയും ജാതിമത വേര്തിരിവുകള്ക്ക് അതീതമായി പ്രസംഗങ്ങള് കൊണ്ടും പ്രബോധനങ്ങള് കൊണ്ടും സ്വാധീനിക്കുകയും ഭാരതീയ ദര്ശനം ലോകത്തിന് മുന്നില് എത്തിക്കുകയും ചെയ്ത ആത്മീയ ഗുരു സ്വാമി വിവേകാനന്ദന്റെ 162 ആം ജന്മദിനം പതിവ് പോലെ ഈ വര്ഷവും ലണ്ടന് ഹിന്ദു ഐക്യവേദി ആഘോഷിക്കുന്നു. സ്വാമി വിവേകാനന്ദനു യുവജനങ്ങളെ സ്വാധിനിക്കാന് കഴിഞ്ഞു എന്നതുകൊണ്ടുതന്നെ അദ്ദേഹത്തിന്റെ ജന്മദിനം ഭാരതത്തില് ദേശീയ യുവജന ദിനമായാണ് ആചരിക്കുന്നത്.
ജനുവരി 27 ശനിയാഴ്ച്ച പതിവ് സത്സംഗവേദിയായ തോണ്ടണ്ഹീത് കമ്മ്യൂണിറ്റി സെന്ററില് വൈകിട്ട് 5:30 മണിയോട് കൂടി ആഘോഷ പരിപാടികള്ക്ക് തുടക്കം കുറിക്കും. കുട്ടികളുടെ ഭജന, ദീപാരാധന, അന്നദാനം എന്നിവയാണ് ഈ മാസത്തെ സത്സംഗത്തില് ഉള്ക്കൊള്ളിച്ചിരിക്കുന്നവ.
കഴിഞ്ഞ മാസത്തെ സത്സംഗം മണ്ഡല ചിറപ്പ് -ധനുമാസ തിരുവാതിര മഹോത്സവമായി സംഘടിപ്പിച്ചിരുന്നു. തത്വമസി ഭജന്സിന്റെ അയ്യപ്പഭജനയും, LHA വനിതാ സംഘത്തിന്റെ തിരുവാതിരകളിയും, പടിപൂജയും, ഹരിവരാസനത്തോട് കൂടി അവസാനിച്ച അയ്യപ്പ പൂജയുമെല്ലാം ഒട്ടനേകം ഭക്തരുടെ സാന്നിധ്യം കൊണ്ട് ശ്രദ്ധേയമായി.
ഫെബ്രുവരി മാസം 24 നു 11ാമത് ലണ്ടന് ശിവരാത്രി നൃത്തോത്സവം അതിവിപുലമായി സംഘടിപ്പിക്കുവാനുള്ള തയാറെടുപ്പിലാണ് സംഘാടകര്. അനുഗ്രഹീത കലാകാരി ആശാ ഉണ്ണിത്താന് പതിവുപോലെ നൃത്തോത്സവത്തിനു നേതൃത്വം നല്കും. കൂടുതല് വിവരങ്ങള്ക്കും, സത്സംഗത്തിനു ശേഷം ജനുവരി 27നു നടക്കുന്ന വാര്ഷിക പൊതുയോഗത്തില് പങ്കെടുക്കുന്നതിനുമായി ബന്ധപ്പെടുക.
Suresh Babu: 07828137478, Subhash Sarkara: 07519135993, Jayakumar: 07515918523, Geetha Hari: 07789776536
London Sri Guruvayurappan Temple project is conceived by the London Hindu Aikyavedi under the auspices of Mohanji Foundation UK. Please donate generously.
https://www.gofundme.com/f/london-sri-guruvayurappan-temple