പല വര്ണ്ണങ്ങള് ചേര്ത്തു വെച്ചാല് അത് കാണാന് തന്നെ എന്ത് രസമാണ്. അതുപോലെ തന്നെ പല വര്ണ്ണങ്ങള് ചേര്ത്ത് പ്രകൃതിയുടെ കല തെളിയിക്കുന്ന ഒന്നാണ് ചിത്രശലഭങ്ങള്. എന്നാല് പ്രകൃതിയുടെ ക്രിയാത്മകമായ കലയാണ് കണ്ണാടിച്ചിറകന് ചിത്രശലഭങ്ങള്.
പല വര്ണങ്ങളില് നാം കണ്ടിട്ടുള്ള ചിത്രശലഭങ്ങളില് നിന്നും വ്യത്യസ്തമായുള്ള ഒരു തരം ചിത്രശലഭമാണ് കണ്ണാടിച്ചിറകന് ചിത്രശലഭങ്ങള് അല്ലെങ്കില് ഗ്ലാസ്വിങ് ചിത്രശലഭം. ചിറകിനോ ശരീരത്തിനോ വര്ണങ്ങളില്ലാതെ തീര്ത്തിം ട്രാന്സ്പെരന്റ് ആയ ഒരു ചിത്രശലഭത്തിന്റെ വിഡിയോയാണ് ആണ് ഇപ്പോള് സോഷ്യല് മീഡിയയില് വൈറലാകുന്നത്. തെക്കേ അമേരിക്കയുടെ മധ്യ-വടക്കന് പ്രദേശങ്ങളിലാണ് കൂടുതലായും ഇത് കാണപ്പെടുന്നത്
ശരീരഭാരത്തിന്റെ നാല്പതു മടങ്ങ് അധികം ഭാരമുള്ള വസ്തുക്കള് വരെ വഹിക്കാന് കഴിയുന്ന ഇവയ്ക്ക് ദേശാടന സ്വഭാവമാണ്.ശത്രുക്കളില് നിന്നും രക്ഷപ്പെടാന് ഇവയുടെ ഈ സവിശേഷത സഹായിക്കുന്നു.മാത്രമല്ല മണിക്കൂറില് 13 കിലോമീറ്റര് വേഗതയില് പ്രതിദിനം 19 കിലോമീറ്റര് വരെ സഞ്ചരിക്കാന് ഇവയ്ക്ക് സാധിക്കും
വെറും ആറ് സെക്കന്റുകള് നീളുന്ന വിഡിയോ എക്സിലൂടെയാണ് പങ്കുവെച്ചിരിക്കുന്നത് ഇതിനോടകം തന്നെ നിരവധിപേരാണ് ഈ അപൂര്വ്വ കാഴ്ച കണ്ടത്