യുകെയിലെ നോട്ടിംഗ്ഹാംഷെയറിലെ പീറ്റര് ഗ്ലേസ്ബ്രൂക്ക് കൃഷിചെയ്ത് ഗിന്നസില് കയറിക്കൂടി വ്യക്തിയാണ്. കാരണം പീറ്റര് ഗ്ലേസ്ബ്രൂക്കിന്റെ കൃഷിയിടത്തില് വളരുന്ന പച്ചക്കറികളെല്ലാം തന്നെ കാഴ്ചയില് വളരെ വ്യത്യസ്തമാണ്.
ഭാരം കൂടിയ പച്ചക്കറികള് വില്ക്കുന്ന ചില കൃഷിക്കാരെ കുറിച്ച് വാര്ത്തകള് ഉണ്ടായിട്ടുണ്ട്. അത്തരത്തില് തന്റെ കൃഷിയിടങ്ങളില് ഭാരം കൂടിയ ഉരുളക്കിഴങ്ങും കാപ്സിക്കവും കോളിഫ്ളവറും വഴുതനയും എല്ലാം വിളയിക്കുകയാണ് ഇദ്ദേഹം
ലോകത്തിലെ തന്നെ ഏറ്റവും വലിപ്പമേറിയ പച്ചക്കറികളാണ് 79-കാരനായ പീറ്റര് കൃഷി ചെയ്യുന്നത്. 4.98 കിലോ ഭാരമുള്ള ഉരുളക്കിഴങ്ങ്, 27.48 കിലോയുള്ള കോളിഫ്ളവര്, 3.362 കിലോയുള്ള ഏറ്റവും ഭാരമേറിയ വഴുതന, 750 ?ഗ്രാം ഭാരമുള്ള കാപ്സിക്കം എന്നിവയെല്ലാം വളര്ത്തിയെടുത്ത്. ഇത്തരത്തില് വ്യത്യസ്തനായി ഇദ്ദേഹം കയറിയത് ഗിന്നസ്ബുക്കിലേക്കാണ്.
അര ഏക്കര് വിസ്താരമുള്ള തന്റെ പച്ചക്കറി തോട്ടത്തില് ആധുനിക ഉപകരണങ്ങളുടെ സഹായമൊന്നും ഇല്ലാതെയാണ് പീറ്റര് കൃഷി ചെയ്യുന്നത് എന്നതാണ് പ്രത്യേകത. യാന്ത്രിക ജലവിതരണ സംവിധാനം ഉപയോഗിക്കാതെ വീടിന്റെ മേല്ക്കൂരയില് റീസൈക്കിള് ചെയ്ത മഴവെള്ളം ഉപയോഗിച്ചാണ് കൃഷിയിടങ്ങള് നനയ്ക്കുന്നത്.
മികച്ച പച്ചക്കറികള് വളര്ത്തിയെടുക്കാന് വിത്ത് തെരഞ്ഞെടുക്കുന്നത് മുതല് ശ്രദ്ധിക്കണം എന്നാണ് പീറ്റര് പറയുന്നത്. മറ്റ് മികച്ച കര്ഷകരില് നിന്നാവും അദ്ദേഹം ഇത്തരത്തിലുള്ള വിത്തുകള് ശേഖരിക്കുക. അത് കൂടാതെ മത്സരവേദികളും ഷോകളിലും പോകുമ്പോള് പച്ചക്കറികള് വില്ക്കുന്നവരില് നിന്നും മത്സരത്തില് വിജയിക്കുന്നവരില് നിന്നുമൊക്കെ പീറ്റര് വിത്തുകള് കൈക്കലാക്കും. പിന്നീട് സ്വന്തം പൊടിക്കൈകളുടെ കൂട്ടോടെ കൃഷി ആരംഭിക്കും.