യുകെയിൽ മലയാളി നഴ്‌സുമാരുടെ അസ്സോസിയേഷനുകൾ നിരവധിയുണ്ട്. എന്നാൽ പ്രവർത്തന മികവും സേവന വൈവിധ്യവും കൊണ്ട് കുറഞ്ഞനാളുകൾക്കിടയിൽ ശ്രദ്ധനേടിയ യുകെ മലയാളി നഴ്‌സുമാരുടെ ഓൺലൈൻ കൂട്ടായ്‌മയാണ്‌ കേരള നേഴ്സസ് യുകെ. കോവിഡ് മഹാമാരികാലത്ത് നഴ്സുമാർക്ക് പുതിയ അറിവും - പ്രൊഫഷണൽ അവബോധനവും നൽകുക എന്ന ലക്ഷ്യത്തോടെ മൂന്നുവർഷങ്ങൾക്കുമുമ്പ് രൂപീകരിച്ചതാണ് കേരള നേഴ്സസ് യുകെ എന്ന ഓൺലൈൻ പ്ലാറ്റ് ഫോം.
ഗ്രൂപ്പ് ആദ്യമായി സംഘടിപ്പിക്കുന്ന നഴ്സസ് ഡേ സെലിബ്രേഷനും കോൺഫറൻസും മെയ് 18ന് മാഞ്ചസ്റ്ററിലെ അതിവിശാലമായ വിധുൻഷാ ഫോറം സെൻട്രലിൽ വച്ച് നടക്കും. യുകെയിലെ എല്ലാ നഴ്സുമാർക്കും പരസ്‌പരം നേരിൽ കാണുവാനും അനുഭവങ്ങൾ പങ്കുവയ്ക്കുവാനും പരിചയം പുതുക്കുവാനും കൂടെ പഠിച്ചവരെ കാണുവാനും ഒക്കെയുള്ള ഒരു വേദിയായി അത് മാറും.
യുകെ നഴ്സുമാർക്ക് പ്രൊഫഷനിൽ വേണ്ട അറിവും അതോടൊപ്പം വൈവിധ്യമാർന്ന ആഘോഷ പരിപാടികളും ഉൾപ്പെടുത്തിയാണ് മെയ് 18ലെ പ്രോഗ്രാം തയ്യാറാക്കുന്നത്. ആദ്യമായിട്ടാണ് നഴ്‌സുമാർ തന്നെ മുൻകൈയെടുത്ത് ഇങ്ങനെ ഒരു പരിപാടി സംഘടിപ്പിക്കുന്നതെന്ന് മുഖ്യ സംഘാടകന്‍ ജോബി ഐത്തില്‍ ബ്രിട്ടീഷ് പത്രത്തോടു പറഞ്ഞു. നൂറുകണക്കിന് നഴ്സുമാർക്ക് അവരുടെ കരിയറിൽ അഭിവൃദ്ധി ഉണ്ടാകുവാൻ ഈ പ്ലാറ്റ് ഫോം മൂലം ഇതിനകം സാധിച്ചുവെന്നും സംഘാടകർ പറയുന്നൂ.
ഈ ഗ്രൂപ്പില്‍ അംഗമായതിന് ശേഷം നിരവധി നേഴ്‌സുമാര്‍ക്കാണ് ഉയര്‍ന്ന് ഗ്രേഡുകള്‍ ലഭിച്ചത്. കാരണം ഈ ഗ്രൂപ്പിലൂടെ കൊടുക്കുന്ന കരിയര്‍ ഗൈഡന്‍സാണ് നേഴ്‌സുമാര്‍ക്ക് ഉയര്‍ന്ന ഗ്രേഡുകള്‍ ലഭിക്കുന്നതിന് സഹായിക്കുന്നതായി നിരവധി അംഗങ്ങള്‍ ഒരേ സ്വരത്തില്‍ പറയുന്നൂ. ഗ്രൂപ്പിലെ കരിയര്‍ നേഴ്‌സ് ലീഡായ മിനിജ ജോസഫ് നേഴ്‌സുമാരുടെ അഭിമുഖ സ്‌കില്‍ വര്‍ദ്ധിപ്പിക്കുന്ന നിരവധി വീഡിയോകളണ് എല്ലാ ശനിയാഴ്ചയും ചെയ്യുന്നത്. കൂടാതെ എന്‍ എച്ച് എസില്‍ ഉയര്‍ന്ന ഗ്രേഡില്‍ ജോലി ചെയ്യുന്ന സ്‌പെഷ്യലൈസഡ് നേഴ്‌സുമാര്‍ ചെയ്തിട്ടുള്ള കരിയര്‍ ഗൈഡന്‍സ് വീഡിയോകള്‍ ഗ്രൂപ്പില്‍ ലഭ്യമാണ്.
യുകെയിൽ ആദ്യമായി എത്തിയവർക്കും നിലവിൽ ഉള്ളവർക്കും ജോലിയിൽ വേണ്ട അറിവുകൾ കൊടുക്കുക അവരുടെ കരിയറിൽ ഉയർച്ചയുണ്ടാക്കുക എന്നിങ്ങനെ ലക്ഷ്യങ്ങൾ മുൻനിർത്തി ആരംഭിച്ച ‘മീറ്റ് ദ് ഗെയിൻ’ പ്രോഗ്രാം 125 എപ്പിസോഡുകളായി വിജയകരമായി മുന്നോട്ടു പോകുന്നു.
യുകെയിലെ ചീഫ് നഴ്സിംഗ് ഓഫീസർ മുതൽ കേരള നഴ്സിംഗ് കൗൺസിൽ പ്രസിഡൻ്റ് വരെ ഇതിനോടകം ‘മീറ്റ് ദ് ഗെയിൻ’ പരിപാടിയിൽ ലൈവ് ക്ലാസുമായി വന്നിട്ടുണ്ട്. മെയ് 18ലെ നഴ്സിംഗ് കോൺഫറൻസിലേക്കും നഴ്സ് ഡേ ആഘോഷങ്ങളിലേക്കും യുകെയിലെ മുഴുവൻ നഴ്സുമാരെയും സംഘാടകർ ക്ഷണിക്കുന്നു.
യുകെ നഴ്സുമാർക്ക് ഓർമ്മയിൽ മറക്കാൻ കഴിയാത്ത ഒരു സുദിനം ആയിരിക്കും മെയ് 18 എന്നും സംഘാടകർ ഉറപ്പ് നൽകുന്നു.
സമ്മേളന ദിവസം യുകെയിലെ ഏറ്റവും സീനിയർ ആയ മലയാളി നഴ്സിനെ ആദരിക്കും. യുകെയിലെ നഴ്സിംഗ് രംഗത്തെ പ്രമുഖ വ്യക്തിത്വങ്ങളും മെയ് 18ന് പങ്കെടുക്കും.
നഴ്സിങ് സംബന്ധമായ എല്ലാസംശയങ്ങൾക്കും മറുപടി നൽകുന്നതിനായി വിവിധ സ്പെഷ്യാലിറ്റികളുടെ നഴ്സിങ് സ്റ്റേഷനുകൾ മെയ് 18ന് ഉണ്ടായിരിക്കും അതോടൊപ്പം കോൺഫറൻസിൽ പങ്കെടുക്കുന്നവർക്ക് റീ വാലിഡേഷൻ വേണ്ട CPD hours ലഭിക്കുന്നതായിരിക്കും.
കൂടുതൽ വിവരങ്ങൾക്ക് ബന്ധപ്പെടുക:
ജോബി ഐത്തിൽ ( 07956616508)
സിജി സലിംകുട്ടി (07723 078671),
സ്പോൺസർഷിപ്:
മാത്തുക്കുട്ടി ആനകുത്തിക്കൽ (07944668903),
രജിസ്ട്രേഷൻ:
ജിനി അരുൺ (07841677115)
സമ്മേളനവേദി വിവരങ്ങൾക്ക്:
സന്ധ്യ പോൾ (07442522871)
കൾച്ചറൽ പ്രോഗ്രാം:
സീമ സൈമൺ (07914693086)
More Latest News
ഗ്രേറ്റ് ബ്രിട്ടന്‍ രൂപത വിമന്‍സ് ഫോറത്തിന്റെ ആഭിമുഖ്യത്തില്‍ നേതൃത്വ പരിശീലന ക്യാമ്പ് മെയ് 10 മുതല്‍, രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ ഉത്ഘാടനം ചെയ്യും
ബ്രിസ്റ്റോള്‍ മലയാളി അസോസിയേഷന്‍ ഉദയം, മേയര്‍ എമിറെറ്റസ് കൗണ്‍സിലര്‍ ടോം ആദിത്യ മുഖ്യാതിഥിയാകുന്ന ചടങ്ങ് മേയ് 25ന് ബ്രിസ്റ്റോള്‍ ട്രിനിറ്റി അക്കാഡമി ഹാളില്‍ വെച്ച്
പെരുമാറ്റച്ചട്ട ലംഘനം, മുംബൈ ഇന്ത്യന്‍സ് വിക്കറ്റ് കീപ്പര്‍ ബാറ്റര്‍ ഇഷാന്‍ കിഷന് ശാസനയും പിഴശിക്ഷയും
എക്കോ ഫ്രെണ്ട്ലി സ്‌ട്രോകള്‍ അപകടകരം, പേപ്പര്‍ സ്‌ട്രോകള്‍ വിഷലിപ്തവും അപകടകരവുമാണെന്ന് പഠനം
കേരളത്തില്‍ പരിഷ്‌ക്കരിച്ച സ്രൈവിങ് ടെസ്റ്റ് മെയ് ഒന്നു മുതല്‍, തിരക്കിട്ട നീക്കത്തിനെതിരെ സമരപരിപാടികള്‍ ആസൂത്രണം ചെയ്യാന്‍ സിഐടിയു
Most Read
British Pathram Recommends
