കണ്ണൂര് മോറാഴ സ്വദേശി ഗീതയ്ക്ക് സമീക്ഷ യുകെ നല്കുന്ന വീടിന്റെ നിര്മ്മാണം പൂര്ത്തിയായി. ഫെബ്രുവരി 28ന് സിപിഐഎം സംസ്ഥാന സെക്രട്ടറി എം വി ഗോവിന്ദന് മാസ്റ്റര് സ്നേഹവീടിന്റെ താക്കോല് കൈമാറും. സമീക്ഷ യുകെ ലണ്ടന്ഡെറി മുന് യൂണിറ്റ് സൈക്രട്ടറി ജോഷി സൈമണിന്റെ മകന് റുവന് സൈമണിന്റെ സ്മരണാര്ത്ഥമാണ് വീട് നിര്മ്മിച്ചു നല്കുന്നത്.
കൂവേരിയ്ക്കടുത്ത് എളമ്പരേത്ത് പണിത പുതിയ വീട്ടില് സുരക്ഷിതമായി അന്തിയുറങ്ങാമെന്ന സന്തോഷത്തിലാണ് ഗീതയും കുടുംബവും. ഇവരുടെ ദയനീയാവസ്ഥ തിരിച്ചറിഞ്ഞാണ് സമീക്ഷ വീട് വച്ചു നല്കാന് മുന്നിട്ടിറങ്ങിയത്. നാട്ടുകാരുടെ അകമഴിഞ്ഞ സഹായം കൂടിയായപ്പോള് വീടുപണി പ്രതീക്ഷിച്ചതിലും വേഗത്തില് പൂര്ത്തിയായി. ബുധനാഴ്ച വൈകുന്നേരം അഞ്ച് മണിക്ക് നടക്കുന്ന ചടങ്ങില് റുവന് സൈമണിന്റെ കുടുംബാംഗങ്ങള്ക്കൊപ്പം സമീക്ഷ യുകെ നാഷണല് പ്രസിഡന്റ് ശ്രീകുമാര് ഉള്ളപ്പിള്ളില്, സെക്രട്ടറി ദിനേശ് വെള്ളാപ്പള്ളി, വൈസ് പ്രസിഡന്റ് ഭാസ്കരന് പുരയില് എന്നിവര് പങ്കെടുക്കും.