മലയാളത്തിലും തമിഴിലും ഒരുപോലെ ആരാധകരെ സൃഷ്ടിച്ച ചിത്രമാണ് മഞ്ഞുമ്മല് ബോയ്സ്. ചിത്രം അപ്രതീക്ഷിത കഷക്ഷനാണ് തമിഴ്നാട്ടില് നിന്നും സ്വന്തമാക്കിക്കൊണ്ടിരിക്കുന്നത്. ആഗോള ബോക്സോഫീസില് ഇരുനൂറ് കോടിയിലേക്കാണ് ചിത്രം കുതിക്കുന്നത്.
ചിത്രത്തില് എല്ലാ താരങ്ങളും മികച്ച അഭിനയം കാഴ്ചവയ്ക്കുന്നുണ്ടെന്നാണ് തമിഴ് മക്കളുടെ അഭിപ്രായം. ഇപ്പോഴിതാ തമിഴ്നാട്ടില് നിന്നും ചിത്രത്തിലെ പ്രധാന കഥാപാത്രമായ ശ്രീനാഥ് ഭാസിക്ക് ലഭിച്ച ഒരു ആരാധികയുടെ സമ്മാനമാണ് സമൂഹ മാധ്യമങ്ങളില് വൈറലാകുന്നത്.
ചിത്രത്തില് സുഭാഷ് എന്ന കഥാപാത്രമായെത്തിയ ശ്രീനാഥ് ഭാസിക്ക് മഞ്ഞുമ്മല് ബോയ്സിന്റെ ആരാധികയായ ഒരു തമിഴ് യുവതിയാണ് സമ്മാനം നല്കുന്നത്. സിനിമയുടെ പ്രമോഷന് പരിപാടികള്ക്കായി തമിഴ്നാട്ടിലെത്തിയ ശ്രീനാഥ് ഭാസിക്ക് കച്ചവടക്കാരിയായ യുവതി ഒരു കൂള് ഡ്രിംഗ്സ് ബോട്ടിലാണ് സമ്മാനമായി നല്കിയത്.
തനിക്ക് എന്തിനാണ് ഗിഫ്റ്റ് എന്ന് ചോദിക്കുമ്പോള് നന്നായി അഭിനയിച്ചതിന് എന്നാണ് ആരാധിക പറയുന്നത്. ഈ വീഡിയോ വൈറലായിക്കൊണ്ടിരിക്കുകയാണ്.
'ഇത് എതുക്ക് അക്കാ ഗിഫ്റ്റാ?' എന്നാണ് ശ്രീനാഥ് ഭാസി തമിഴില് ചോദിക്കുന്നത്. 'നല്ല നടിച്ചത്ക്ക്' എന്നാണ് യുവതി ഭാസിക്ക് മറുപടി നല്കിയത്.
ചിത്രത്തിനെതിരെ തമിഴ്നാട്ടില് നിന്നും ചില ഒളിയമ്പുകള് വരുന്നുണ്ടെങ്കിലും അതിനെയെല്ലാം വകഞ്ഞുമാറ്റികൊണ്ട് തന്നെയാണ് മഞ്ഞുമ്മല് ബോയ്സ് മുന്നേറുന്നത്. തമിഴ്നാട്ടില് സിനിമയും സിനിമയില് അഭിനയിച്ച മനുഷ്യരും ഇപ്പോള് ട്രെന്ഡിങ് ആണ്.