CINEMA
'ആ സിനിമയില് ക്രൂരനായൊരു വൃത്തികെട്ട പലിശക്കാരന്റെ വേശമായിരുന്നു ഷാജോണിന്റേത്, അതായിരുന്നു അദ്ദേഹത്തിന്റെ ആദ്യത്തെ വില്ലന് വേഷം' ഷാജോണിന്റെ ആദ്യത്തെ വില്ലന് വേഷത്തെ കുറിച്ച് പറഞ്ഞ് കഥാകൃത്ത് ഉണ്ണി ആര്
3>
കലാഭവന് ഷാജോണ് ചെയ്ത കഥാപാത്രങ്ങളില് ഏറ്റവും ശ്രദ്ധിക്കപ്പെട്ടത് ദൃശ്യത്തിലെ വില്ലന് വേഷമായിരുന്നു. അതുവരെ കൊമേഡിയന് എന്ന രീതിയില് പ്രശസ്തി നേടിയിരുന്ന ഷാജോണ് വില്ലനായി തിളങ്ങുകയായിരുന്നു സഹദേവന് എന്ന കഥാപാത്രത്തിലൂടെ. പക്ഷെ അതായിരുന്നില്ല ഷാജോണിന്റെ ആദ്യത്തെ വില്ലന് വേഷമെന്ന് പറയുകയാണ് കഥാകൃത്ത് ഉണ്ണി ആര്.
കലാഭവന് ഷാജോണ് ദൃശ്യത്തിന് മുന്പ് മികച്ചൊരു വില്ലന് വേഷം ചെയ്തിരുന്നെന്നും എന്നാല് അത് സിനിമയില് നിന്ന് കട്ട് ചെയ്ത് കളയേണ്ടി വന്നെന്നും ആണ് ഇപ്പോള് തുറന്ന് പറഞ്ഞിരിക്കുന്നത്. ഒരു സ്വകാര്യ യൂട്യൂബ് ചാനലിന് നല്കിയ അഭിമുഖത്തിലാണ് ഉണ്ണി ആര് ഈ കാര്യത്തെ കുറിച്ച് സംസാരിച്ചത്.
2009ല് പുറത്തിറങ്ങിയ കേരള കഫേ എന്ന ആന്തോളജിയിലെ അന്വര് റഷീദ് സംവിധാനം ചെയ്ത ബ്രിഡ്ജിലായിരുന്നു ഷാജോണിന്റെ വില്ലന് കഥാപാത്രമുണ്ടായിരുന്നതെന്നും ഉണ്ണി ആര് പറയുന്നു. 'രഞ്ജിത് ഇങ്ങനെയൊരു പദ്ധതി ആലോചിക്കുന്നുണ്ട് എന്ന് പറഞ്ഞപ്പോള് അന്വര് റഷീദ് ഒരു കഥ അന്വേഷിക്കുന്നുണ്ടായിരുന്നു. അങ്ങനെയാണ് ഞാന് ഈ കഥ പറയുന്നത്. അദ്ദേഹത്തിന് അത് പെട്ടെന്ന് തന്നെ മനസ്സിലാകുകയും തിരിച്ച് വിളിക്കാമെന്ന് പറയുകയും ചെയ്തു. അന്വര് രഞ്ജിത്തിനെ വിളിച്ച് കാര്യം പറയുകയും ചെയ്തു. അങ്ങനെയാണ് ബ്രിഡ്ജ് ചെയ്യുന്നത്.
ആ സിനിമക്ക് സലീംകുമാര് പൈസ പോലും വാങ്ങിച്ചിട്ടല്ലെന്നാണ് തോന്നുന്നത്. 8 ലക്ഷം രൂപയായിരുന്നു അതിന്റെ ബഡ്ജറ്റ്. 12 ലക്ഷം രൂപയോളം അതിന് ചിലവായിട്ടുണ്ട്. 4 ലക്ഷം രൂപയോളം അന്വര് കടം വാങ്ങിയതാണ്. 15 മിനിറ്റോളമുണ്ടായിരുന്ന സിനിമ ലെങ്ത് കൂടിയത് കാരണം കട്ട് ചെയ്ത് വന്നപ്പോള് 12 മിനിറ്റോളം മാത്രമേ ഉണ്ടായിരുന്നൊള്ളൂ.
അതിനകത്ത് കട്ട് ചെയ്ത് പോയൊരു ഭാഗമുണ്ട്. അത് കലാഭവന് ഷാജോണിന്റെ ഒരു കഥാപാത്രമായിരുന്നു. ക്രൂരനായൊരു വൃത്തികെട്ട പലിശക്കാരന്റെ വേശമായിരുന്നു അത്. അത് പക്ഷെ സിനിമയില് ഇല്ല. മികച്ച പെര്ഫോമന്സായിരുന്നു അതില് അദ്ദേഹത്തിന്റേത്. അതിന് ശേഷമാണ് അദ്ദേഹം വില്ലനായി ദൃശ്യത്തില് വരുന്നത്.
ശരിക്കും അദ്ദേഹം ആദ്യമായി വില്ലനായി അഭിനയിക്കുന്ന സിനിമ ബ്രിഡ്ജാണ്. ആ ഭാഗം കട്ട് ചെയ്തുപോയി. കണ്ടാല് അടി കൊടുക്കാന് തോന്നുന്നത്രയും വൃത്തികെട്ട വില്ലന് സ്വഭാവമുള്ളൊരു കഥാപാത്രമായിരുന്നു അത്,' ഉണ്ണി ആര് പറഞ്ഞു.
'ഒരു സിംഗിള് മദറാകുന്നത് വരെ ഞാന് എത്രത്തോളം ശക്തയാണെന്ന് എനിക്കു തന്നെ അറിയില്ലായിരുന്നു' നടി ഭാമ വിവാഹമോചിതയായോ? താരത്തിന്റെ പുതിയ പോസ്റ്റ് ആരാധകര്ക്കിടയില് ചര്ച്ചയാകുന്നു
3>നിവേദ്യം എന്ന ചിത്രത്തിലൂടെ മലയാളികള്ക്ക് പ്രിയപ്പെട്ടതായി മാറിയ താരമാണ് ഭാമ. 2020 ജനുവരി 30ന് താരം വിവാഹിതയായതോടെ സിനിമയില് നിന്നും താല്ക്കാലികമായി ഇടവേള എടുത്ത് താരം കുടുംബിനിയായി മാറി. ശേഷം താരത്തിന് ഒരു മകള് ജനിക്കുകയും ചെയ്തിരുന്നു.
കുറച്ച് മാസങ്ങള്ക്ക് മുന്പ് ഭാമ വിവാഹമോചിതയായെന്ന വാര്ത്തകള് വന്നിരുന്നു. എന്നാല് അതെല്ലാം വെറുതെയാണെന്ന് തെളിയിക്കുന്ന തരത്തിലുള്ള പോസ്റ്റുകള് പങ്കുവെച്ച് താരം എത്തിയിരുന്നു. ഇപ്പോഴിതാ വീണ്ടും താരത്തിന്റെ വാക്കുകള് വീണ്ടും ആരാധകര്ക്ക് ഞെട്ടലുണ്ടാക്കിയിരിക്കുകയാണ്. താന് വിവാഹ മോചിതയായെന്ന തരത്തിലുള്ള വാക്കുകളായിരുന്നു താരം പങ്കുവെച്ചത്.
'' സിംഗിള് മദര് ആണ് ഞാന് ഇപ്പോള്. ഒരു സിംഗിള് മദറാകുന്നത് വരെ ഞാന് എത്രത്തോളം ശക്തയാണെന്ന് എനിക്കു തന്നെ അറിയില്ലായിരുന്നു. കൂടുതല് ശക്തയാകുക എന്നതു മാത്രമായിരുന്നു എനിക്ക് മുന്നിലുണ്ടായിരുന്ന ഏക പോംവഴി'' എന്നാണ് ഭാമ കുറിച്ചിരിക്കുന്നത്. സിംഗിള് മദര് ആണെന്ന് ഭാമ അറിയിച്ചതോടെ ഭര്ത്താവുമായി വേര്പിരിഞ്ഞു എന്ന കാര്യത്തില് വ്യക്തത വന്നിരിക്കുകയാണ്.
ഇതേ കുറിച്ച് താരത്തോട് ചോദിച്ച് നിരവധി പേരാണ് എത്തിയത്. എന്നാല് അതിനോടൊന്നും പ്രതികരിച്ചിട്ടില്ല.
'ദുല്ഖര് മമ്മൂക്കയോട് ചെയ്യുന്നത് പോലെ എനിക്ക് പറ്റുന്നില്ലല്ലോ എന്നത് വലിയൊരു സങ്കടമാണ്' പൃഥ്വിയോട് 'ഈ ചോദ്യം വേണ്ടായിരുന്നു' എന്ന് സോഷ്യല് മീഡിയ തന്നെ പറഞ്ഞ ആ ചോദ്യത്തിന് പൃഥ്വി പറഞ്ഞ മറുപടി ഇങ്ങനെ
3>സ്വന്തം കഠിനധ്വാനം കൊണ്ട് വളരെ പെട്ടന്ന് സിനിമയില് മികച്ച ഒരു ഗ്രാഫ് നേടാന് സാധിച്ച വ്യക്തിയാണ് പൃഥ്വിരാജ്. നടന് സംവിധായകന് ഗായകന് എന്ന നിലയില് എല്ലാം പൃഥ്വി പേരെടുത്ത് കഴിഞ്ഞു. പൃഥ്വിയും ചേട്ടന് ഇന്ദ്രജിത്തും അച്ഛന് സുകുമാരനെ പോലെ തന്നെ സിനിമയില് നല്ലൊരു പേരെടുത്ത് കഴിഞ്ഞു. എന്നാല് മക്കളുടെ ഈ നേട്ടം കാണാന് അച്ഛന് ഇല്ലെന്നത് ഇവരുടെ കുടുംബത്തിന്റെ വലിയൊരു ദുഖം ആണ്.
മുന്പ് നടന്ന ഒരു അഭിമുഖത്തില് ഇതേ കുറിച്ച് പൃഥ്വിയോട് അവതാരകന് ചോദിക്കുന്നുണ്ട്. എന്നാല് ആ ചോദ്യം പൃഥ്വിയോട് വേണ്ടായിരുന്നു എന്നാണ് പലരും ആ വീഡിയോയ്ക്ക് കമന്റ് ചെയ്യുന്നത്. കാരണം അതിന് അദ്ദേഹം പറഞ്ഞ മറുപടി തന്നെയാണ്. എന്നും വളരെ സ്ട്രോങ് ആയി കാണപ്പെടുന്ന പൃഥ്വിയുടെ കണ്ണ് നിറയ്ക്കുന്ന സന്ദര്ഭങ്ങള് വളരെ കുറച്ചേ ഉണ്ടായിട്ടുള്ളൂ എങ്കിലും മലയാളികള്ക്ക് അത് സഹിക്കില്ല.
അന്ന് അഭിമുഖത്തില് പൃഥ്വി പറഞ്ഞ ഉത്തരം ആരുടേയും മനസ്സ് വേദനിപ്പിക്കും. ഓണ്ലൈനായി നടന്ന അഭിമുഖത്തില് പൃഥ്വിരാജിനു പിന്നിലെ ചുമരില് സുകുമാരന്റെ ചിത്രം കണ്ട്, 'അദ്ദേഹമുണ്ടായിരുന്നെങ്കില് ഈ മകന്റെ വളര്ച്ച എങ്ങനെ കാണുമായിരുന്നു?' എന്നായിരുന്നു അവതാരകന് ചോദിച്ചത്.
''എന്റെ ലൈഫിലെ ഏറ്റവും വലിയ നികത്താനാവാത്ത സങ്കടം, എന്റെ ചേട്ടന്റെയും എന്റെയും സക്സസ് എന്ജോയ് ചെയ്യാന് അച്ഛനുണ്ടായില്ലല്ലോ എന്നതാണ്. എന്റെ വളരെ അടുത്ത സുഹൃത്താണ് ചാലു (ദുല്ഖര്)). മമ്മൂക്കയ്ക്ക് ഒരു ഗിഫ്റ്റ് വാങ്ങി കൊടുക്കുമ്പോഴൊക്കെ ദുല്ഖര് വല്ലാതെ എന്ജോയ് ചെയ്യുന്നുണ്ട്. അതില് ദുല്ഖര് വളരെ പ്രൈഡാണ്. എനിക്കത് പറ്റുന്നില്ല എന്നതില് സങ്കടമുണ്ട്...'' വേദന ഉള്ളിലൊതുക്കി പൃഥ്വിരാജ് പറയുന്നതാണെന്ന് ആര്ക്കും മനസ്സിലാകും. അതിനാല് തന്നെയാണ് ഈ ചോദ്യം വേണ്ടായിരുന്നു എന്ന് പലരും പറയുന്നത്.
നടി കനകലത അന്തരിച്ചു, മറവി രോഗവും പാര്ക്കിന്സണ്സ് രോഗവും ബാധിച്ച് ചികിത്സയിലായിരിക്കേ വസതിയില് വച്ചായിരുന്നു അന്ത്യം
3>നിരവധി സിനിമകളില് ചെറുതും വലുതുമായി വേഷമിട്ട മലയാളികളുടെ പ്രിയപ്പെട്ട കനകലത അന്തരിച്ചു. ഇന്നലെ തിരുവനന്തപുരത്തെ വസതിയില് വെച്ചായിരുന്നു അന്ത്യം.
350ലധികം സിനിമകളില് അഭിനയിച്ചിട്ടുണ്ട് താരം. മറവി രോഗവും പാര്ക്കിന്സണ്സ് രോഗവും ബാധിച്ച് ചികിത്സയിലായിരുന്നു. ചെറിയവേഷങ്ങളാണെങ്കിലും മലയാളികള്ക്ക മറക്കാനാകാത്ത വേഷങ്ങളില് അഭിനയിച്ചിരുന്നു. നാടകത്തിയില് നിന്നായിരുന്നു സിനിമാരംഗത്തേക്ക് എത്തിയത്. മുപ്പതിലധികം സീരിയലുകളിലും കനകലത വേഷമിട്ടു. പ്രമാണി ഇന്ദുലേഖ, സ്വാതി തിരുനാള് തുടങ്ങിയ നാടകങ്ങളിലും കനക ലത അഭിനയിച്ചിട്ടുണ്ട്.
ചില്ല്, കരിയിലക്കാറ്റുപോലെ, രാജാവിന്റെ മകന്, ജാഗ്രത, കിരീടം, എന്റെ സൂര്യപുത്രിക്ക്, കൗരവര്, അമ്മയാണെ സത്യം, ആദ്യത്തെ കണ്മണി, തച്ചോളി വര്ഗീസ് ചേകവര്, സ്ഫടികം, അനിയത്തിപ്രാവ്, ഹരികൃഷ്ണന്സ്, മാട്ടുപ്പെട്ടി മച്ചാന്, പ്രിയം, പഞ്ചവര്ണതത്ത, ആകാശഗംഗ തുടങ്ങി നിരവധി ചിത്രങ്ങളില് അവര് തന്റെ വേഷങ്ങള് മികച്ചതാക്കി. കഴിഞ്ഞ വര്ഷം പുറത്തിറങ്ങിയ പൂക്കാലമാണ് ഒടുവില് അഭിനയിച്ച ചിത്രം.
സിനിമയില് നിന്നുള്ള പിടിയറക്കം രാഷ്ട്രീയക്കാരനായി തന്നെ, രാഷ്ട്രീയ പ്രവേശനത്തിന് മുന്പുള്ള അവസാന ചിത്രത്തില് രാഷ്ട്രീയക്കാരനായി തന്നെ വേഷമിടാനൊരുങ്ങി വിജയ്
3>നടന് വിജയ്യുടെ രാഷ്ട്രീയ പ്രവേശനം ആരാധകര് ആവേശത്തോടെയാണ് ഏറ്റെടുത്തതെങ്കിലും താരം സിനിമകളില് നിന്നും എന്നന്നേക്കുമായി പിന്മാറുന്ന വാര്ത്ത വലിയ ഞെട്ടലോടെയാണ് കേട്ടത്. വിജയ്യുടെ ദളപതി 69 എന്ന് താത്കാലികമായി പേരിട്ടിരിക്കുന്ന ചിത്രം ആകാംക്ഷയും നിരാശയും നിറഞ്ഞതായിരിക്കും ആരാധകര്ക്ക്. ആ ചിത്രത്തിന് ശേഷം ഇനിയും താരം സിനിമകള് ചെയ്യണമെന്ന് ആഗ്രഹിക്കാത്ത ഒരു വിജയ് ആരാധകര് പോലും ഉണ്ടാകില്ല.
എച്ച്. വിനോദ് സംവിധാനം ചെയ്യുന്ന ചിത്രമാണ് ദളപതി 69. ചിത്രം രാഷ്ട്രീയ പശ്ചാത്തലത്തില് ആണെന്ന് നേരത്തെ തന്നെ പ്രഖ്യാപനത്തില് പറഞ്ഞിരുന്നു. എന്നാല് ഇപ്പോഴിതാ യാദൃശ്ചികമായ കാര്യമാണ് പുറത്ത് വരുന്നത്.
അവസാന ചിത്രത്തില് ഒരു തികഞ്ഞ രാഷ്ട്രീയക്കാരന്റെ വേഷത്തിലായിരിക്കും വിജയ് എത്തുക എന്നാണ് പുറത്ത് വരുന്ന വിവരം. ഇതിനു മുന്പും രാഷ്ട്രീയ പശ്ചാത്തലമുള്ള ചിത്രങ്ങളില് വിജയ് അഭിനയിച്ചിട്ടുണ്ട്. എന്നാല് പൂര്ണമായും രാഷ്ട്രീയത്തിലേക്കു ഇറങ്ങുന്ന വിജയ് അവസാനമായി അഭിനയിക്കുന്നത് രാഷ്ട്രീയക്കാരനായി എന്നത് ആരാധകര്ക്ക് കൗതുകമാവുകയാണ്.
വിജയ്യുടെ 50-ാം പിറന്നാള് ദിനമായ ജൂണ് 22 ന് ചിത്രത്തെക്കുറിച്ചുള്ള ഔദ്യോഗിക പ്രഖ്യാപനം ഉണ്ടാകും എന്നാണ് പ്രതീക്ഷ. ആഗസ്റ്റില് ചിത്രീകരണം ആരംഭിക്കാനാണ് തീരുമാനം. അടുത്ത വര്ഷം മധ്യത്തില് ചിത്രം റിലീസ് ചെയ്യും. കെ.വി.എന് പ്രൊഡക്ഷന്സിന്റെ ബാനറില് ആണ് നിര്മ്മാണം. യഷ് നായകനായി ഗീതു മോഹന്ദാസ് സംവിധാനം ചെയ്യുന്ന ടോക്സിക്കിനുശേഷം കെ.വി.എന് പ്രൊഡക്ഷന്സ് നിര്മ്മിക്കുന്ന ചിത്രമാണ് ദളപതി 69.
ദളപതി 69ല് വന്താരനിര അണിനിരക്കുന്നുണ്ട്. കമല്ഹാസനെ നായകനാക്കി ഒരുക്കുന്ന ചിത്രത്തിന്റെ ജോലികള് തത്ക്കാലം മാറ്റിവച്ചാണ് എച്ച്. വിനോദ് ദളപതി 69ല് മുഴുകിയിരിക്കുന്നത്. ദളപതി 69ലേക്ക് പല സംവിധായകരുടെയും പേരുകള് ഉയര്ന്നെങ്കിലും വിജയ് വിനോദിനെയാണ് പരിഗണിച്ചത്.
'ഒരു മനുഷ്യന് പോലും അതിനെതിരെ മോശമായി പറഞ്ഞില്ല, പക്ഷേ, ഒരാള് മോശമായ കമന്റ് പറഞ്ഞിട്ടുണ്ട്' മഞ്ജു പിള്ള പറഞ്ഞ കാര്യങ്ങള് ശ്രദ്ധിക്കപ്പെടുന്നു
3>നിരവധി സിനിമകളിലൂടെയും ടെലിഫിലിമുകളിലൂടെയും മലയാളികള്ക്ക് സുപരിചിതയായ താരമാണ് മഞ്ജു പിള്ള. 2021ല് പുറത്തിറങ്ങിയ ഹോം, 2023ല് പുറത്തിറങ്ങിയ ഫാലിമി എല്ലാം മഞ്ജുവിന്റെ മികച്ച അഭിനയം കണ്ട ഒന്നായിരുന്നു. താരം കൂടുതല് ശ്രദ്ധിക്കപ്പെട്ടിരുന്നു ഈ ചിത്രങ്ങളിലെ അമ്മ വേഷങ്ങളിലൂടെ.
ദിവസങ്ങള്ക്ക് മുമ്പ് റിലീസ് ചെയ്ത നിവിന് പോളി ചിത്രം 'മലയാളി ഫ്രം ഇന്ത്യ'യില് മഞ്ജു പ്രധാന വേഷം കൈകാര്യം ചെയ്യുന്നുണ്ട്. നിവിന് പോളിയുടെ അമ്മയായാണ് താരം എത്തുന്നത്. എന്നാല് സിനിമയുടെ വിശേഷങ്ങള് പങ്കുവയ്ക്കുന്നതിനിടെ താരം പറഞ്ഞ കാര്യങ്ങള് ശ്രദ്ധ നേടുകയാണ്.
ആര്ക്കും ആരെയും തൃപ്തിപ്പെടുത്തിക്കൊണ്ട് ഒരു സിനിമയെടുക്കാന് സാധിക്കില്ലെന്നാണ് മഞ്ജു പറയുന്നത്. എല്ലാവരും മികച്ച അഭിപ്രായം പ്രകടിപ്പിച്ച തന്റെ ഒരു സിനിമയെക്കുറിച്ച് ഒരാള് മോശമായി പറഞ്ഞെന്നും മഞ്ജു തുറന്ന് പറഞ്ഞു.
മഞ്ജുവിന്റെ വാക്കുകള് ഇങ്ങനെ:'എന്റെ വ്യക്തിപരമായ അഭിപ്രായമാണ്, ചിലപ്പോള് ഇതിനെതിരെ വിമര്ശനങ്ങള് വന്നേക്കാം. നമുക്ക് ആരെയും തൃപ്തിപ്പെടുത്തിക്കൊണ്ട് ഒന്നും ചെയ്യാന് പറ്റില്ല. നമുക്ക് ഈ പ്രേക്ഷകരെ തൃപ്തിപ്പെടുത്തിക്കൊണ്ട് ഒരു സിനിമയെടുക്കാന് സാധിക്കില്ല. എല്ലാവരും പുകഴ്ത്തിപ്പറഞ്ഞ സിനിമയാണ് 'ഹോം'. ഒരു മനുഷ്യന് പോലും അതിനെതിരെ മോശമായി പറഞ്ഞില്ല. പക്ഷേ, ഒരാള് പറഞ്ഞു, ഒരാള് മോശമായ കമന്റ് പറഞ്ഞിട്ടുണ്ട്. അതാ പറയുന്നത്, നമുക്ക് എല്ലാവരെയും തൃപ്തിപ്പെടുത്തിക്കൊണ്ട് ഒന്നും ചെയ്യാന് പറ്റില്ല. ഫാലിമിയിലും അങ്ങനെ മോശമായി ഒന്നും കേട്ടിട്ടില്ല. ഒരു പ്രത്യേക വിഭാഗം എപ്പോഴും അതിനെതിരെ പറഞ്ഞുകൊണ്ടിരിക്കും.'
ടൈറ്റാനിക്കിലെ ക്യാപ്റ്റന് ബെര്ണാഡ് ഹില് അന്തരിച്ചു, വിട പറയുന്നത് അഞ്ച് പതിറ്റാണ്ട് നീണ്ട അഭിനജീവിതം, വേര്പാടില് വേദന അറിയിച്ചെത്തി നിരവധി താരങ്ങള്
3>ലോക സിനിമയുടെ ചരിത്രത്തില് ഇടം നേടിയ ടൈറ്റാനിക്കിലെ ക്യാപ്റ്റന് ബെര്ണാഡ് ഹില് അന്തരിച്ചു. 79 വയസായിരുന്നു. സൂപ്പര്ഹിറ്റുകളായ ടൈറ്റാനിക്, ലോര്ഡ് ഓഫ് ദി റിങ്സ് എന്നിവയിലൂടെ ശ്രദ്ധേയനായ നടനാണ്. ഞായറാഴ്ച രാവിലെയായിരുന്നു അന്ത്യം. താരത്തിന്റെ ഏജന്റാണ് മരണവാര്ത്ത പുറത്തുവിട്ടത്.
ടൈറ്റാനിക്കിലെ എല്ലാവരും ശ്രദ്ധിച്ച വേഷമായിരുന്നു ക്യാപ്റ്റന് എഡ്വേഡ് സ്മിത് എന്ന കഥാപാത്രം. ലോര്ഡ് ഓഫ് ദി റിങ്സില് കിങ് തിയോഡെന്റെ വേഷത്തിലൂടെ ആരാധകരുടെ മനം കവര്ന്നു.
അഞ്ച് പതിറ്റാണ്ട് നീണ്ട അഭിനയ ജീവിതത്തില് നാടകത്തിലും ടെലിവിഷനിലും സിനിമയിലും വേഷമിട്ടു. താരങ്ങളും ആരാധകരും ഉള്പ്പടെ നിരവധി പേരാണ് ബെര്ണാഡ് ഹില്ലിന്റെ വേര്പാടില് വേദന പങ്കുവച്ചുവെക്കുന്നത്.
'മിനിമം പത്ത് വര്ഷമായി ഞാനിത് ശ്രദ്ധിക്കാന് തുടങ്ങിയിട്ട്, അന്ന് സോഷ്യല് മീഡിയ അത്ര സജീവമല്ല, ഇപ്പോഴെല്ലാം അതിന്റെ ഭാഗമായി പോകുന്നു': ദിലീപ്
3>ജനപ്രിയനായകന്റെ പവി കെയര് ടേക്കര് എന്ന ചിത്രം പ്രേക്ഷകര് ഇരുകൈയ്യും നീട്ടി സ്വീകരിച്ച് തീയറ്ററില് മുന്നോട്ട് പോകുകയാണ്. നേരത്തെ എല്ലാ വെക്കേഷനും കളറാക്കാന് ജനപ്രിയ താരത്തിന്റെ ഒരു കുടുംബ ചിത്രം എന്ന രീതിയില് നിന്നും മാറിയിട്ട് കുറച്ച് വര്ഷമായി. ദിലീപ് ചിത്രങ്ങള് ഈ അടുത്ത കാലത്താണ് വീണ്ടും പ്രേക്ഷകരെ തേടി എത്തുന്നത്. വലിയൊരു തകര്ച്ചയില് നിന്നും ദിലീപ് പ്രേക്ഷകരുടെ പിന്തുണ ഒന്ന് കൊണ്ട് മാത്രമാണ് മുന്നോട്ട് വന്നുകൊണ്ടിരിക്കുന്നത്.
തങ്ങളുടെ പഴയ ദിലീപിനെ തിരിച്ചു കിട്ടിയെന്നാണ് പലരും പവി കെയര് ടേക്കര് എന്ന ചിത്രം കണ്ട് അബിപ്രായം പറയുന്നത്. പക്ഷെ അപ്പോഴും താരത്തെയും സിനിമയെയും അടിച്ചു താഴ്ത്തുന്നവരും ഉണ്ട്. ഇതായിരുന്നില്ല ദിലീപ് എന്ന് സ്നേഹത്തോടെ പറയുന്നവരും ഉണ്ട്. ഇപ്പോഴിതാ തനിക്കു നേരെ വരുന്ന സോഷ്യല് മീഡിയ അറ്റാക്കിനെ കുറിച്ചെല്ലാം പ്രതികരിച്ചിരിക്കുകയാണ് താരം.
ഒരു ചാനലിന് നല്കിയ അഭിമുഖത്തിലാണ് താരം ഈ കാര്യം വെളിപ്പെടുത്തിയത്. ബോഡി ഗാര്ഡ് എന്ന ചിത്രവുമായി പവി കെയര് ടേക്കറിന് സാമ്യമുണ്ടെന്ന് പറയുന്നതിനെ കുറിച്ചും താരം പറയുന്നുണ്ട്. 'ഇതിനകത്ത് നമ്മളും പ്രേക്ഷകരുമെല്ലാം ഒന്നിച്ചാണ് യാത്ര ചെയ്യുന്നത്. ഭയങ്കര സസ്പെന്സ് മെയിന്റെയിന് ചെയ്യുകയാണ്. മറ്റേത് പ്രേക്ഷകര് മാറി നിന്ന് കഥ കാണുകയാണ്. ജനങ്ങള്ക്ക് അറിയാലോ.'- ദിലീപ് പറഞ്ഞു.
സിനിമകള് ഇറങ്ങുന്നതിന് തൊട്ടുമുമ്പുള്ള വിമര്ശകരെക്കുറിച്ചുള്ള അവതാരകന്റെ ചോദ്യത്തോടും ദിലീപ് പ്രതികരിച്ചു. 'ഇപ്പോഴല്ല. എനിക്ക് തോന്നുന്നു മിനിമം പത്ത് വര്ഷമായി ഞാനിത് ശ്രദ്ധിക്കാന് തുടങ്ങിയിട്ടെന്ന്. അന്ന് സോഷ്യല് മീഡിയയില് ഭയങ്കര അറ്റാക്ക് ചെയ്തതൊന്നും ബാധിച്ചിട്ടില്ല. കാരണം അന്ന് സോഷ്യല് മീഡിയ അത്ര സജീവമല്ല. അതെല്ലാം അതിന്റെ ഭാഗമായി പോകുന്നുവെന്നല്ലാതെ എന്ത് പറയാനാകും,'- ദിലീപ് പറഞ്ഞു. തന്റെ സംവിധാനത്തില് ഒരു സിനിമ വന്നേക്കാമെന്നും ദിലീപ് വ്യക്തമാക്കി. എന്നാല് ചിത്രത്തെക്കുറിച്ച് കൂടുതല് പ്രതികരിക്കാന് അദ്ദേഹം തയ്യാറായില്ല.
'പുകവലിയോ മദ്യപാനമോ ഇല്ലാത്ത തനിക്കെങ്ങനെ ഹൃദയാഘാതമുണ്ടായി, ഹൃദയാഘാതത്തിന് കാരണം കോവിഡ് വാക്സിന്റെ പാര്ശ്വഫലം': ശ്രേയസ് തല്പാഡെ
3>കോവിഡ് വാക്സിനായ കോവി ഷീല്ഡ് എടുത്തവരില് പാര്ശ്വഫലത്തിന് സാധ്യതയുണ്ടെന്ന് റിപ്പോര്ട്ടുകള് ഏറെ ഞെട്ടലോടെയാണ് കേട്ടത്. പല പല വാര്ത്തകളാണ് ഇതിനോട് അനുബന്ധിച്ച് പുറത്ത് വരുന്നത്. ഇപ്പോഴിതാ തനിക്ക് ഹൃദയാഘാതം ഉണ്ടായതിന് കാരണം കോവിഡ് വാക്സിന് ആണെന്ന് പറയുകയാണ് ബോളിവുഡ് താരം ശ്രേയസ് തല്പാഡെ.
പുകവലിയോ മദ്യപാനമോ ഇല്ലാത്ത തനിക്കെങ്ങനെ ഹൃദയാഘാതമുണ്ടായെന്നും കോവിഡ് -19 വാക്സിനേഷനേഷന് ശേഷം ക്ഷീണം അനുഭവപ്പെട്ടെന്നും നടന് അടുത്തു നല്കിയ അഭിമുഖത്തില് പറഞ്ഞു. കോവിഡ് വാക്സിനായ കോവി ഷീല്ഡ് എടുത്തവരില് പാര്ശ്വഫലത്തിന് സാധ്യതയുണ്ടെന്ന് അടുത്തിടെ റിപ്പോര്ട്ടുകള് വന്നിരുന്നു. അഭിമുഖത്തില് ഇതിനെക്കുറിച്ച് സംസാരിക്കവെയാണ് തനിക്കുണ്ടായ ഹൃദയാഘാതത്തെക്കുറിച്ച് പറഞ്ഞത്.
'ഞാന് പുകവലിക്കില്ല, സ്ഥിരം മദ്യപാനിയുമല്ല, മാസത്തിലൊരിക്കല് മാത്രമാണ് കഴിക്കുന്നത്. പുകയില ഉപയോഗിക്കില്ല. കൊളസ്ട്രോള് അല്പം കൂടുതലാണ്. അത് സാധാരണമെന്നാണ് ഡോക്ടര് പറഞ്ഞത്. അതിന് മരുന്ന് കഴിച്ചിരുന്നു. അതുപോലെ പ്രമേഹമോ രക്തസമ്മര്ദ്ദമോയില്ല. പിന്നെ എങ്ങനെയെനിക്ക് ഹൃദയാഘാതം വരും? എന്താണ് അതിന് കാരണം?- താരം ചോദിക്കുന്നു.
കോവിഡ് വാക്സിനായ കോവി ഷീല്ഡ് എടുത്തവരില് പാര്ശ്വഫലത്തിന് സാധ്യതയെ ഞാന് തള്ളിക്കളയുന്നില്ല. കോവിഡ് വാക്സിന് എടുത്തതിന് ശേഷം എനിക്ക് കുറച്ച് ക്ഷീണവും തളര്ച്ചയും അനുഭവപ്പെട്ടിരുന്നു.ഒരുപക്ഷേ അത് കോവിഡ് മൂലമോ അല്ലെങ്കില് വാക്സിന്റെ പാര്ശ്വഫലമോ ആയിരിക്കാം.കോവിഡ് വാക്സിനെക്കുറിച്ച് പ്രചരിക്കുന്നതില് അല്പം സത്യമുണ്ടായിരിക്കണം. അതിനെ പൂര്ണ്ണമായും നിഷേധിക്കാനാവില്ല. നമ്മുടെ ശരീരത്തിനുള്ളില് എന്താണ് നടക്കുന്നതെന്ന് നമ്മള് ശിക്കും അറിയുന്നില്ല. ഇത് വളരെ ദൗര്ഭാഗ്യകരമാണ്, നമ്മള് ഒഴുക്കിനൊപ്പം പോയി കമ്പനികളെ വിശ്വസിച്ചു. കോവിഡ് -19 ന് മുമ്പ് ഇത്തരം സംഭവങ്ങളെക്കുറിച്ച് താന് കേട്ടിട്ടില്ല'- ശ്രേയസ് പറഞ്ഞു.
വോട്ട് ചെയ്ത് എല്ലാവര്ക്കും മുന്നില് മാതൃക സൃഷ്ടിച്ചുകൂടേ എന്ന് മാധ്യമ പ്രവര്ത്തകര്, നടി ജ്യോതിക പറഞ്ഞ മറുപടി അബദ്ധമായി മാറി, സോഷ്യല് മീഡിയയില് ചര്ച്ച
3>സിനിമയുടെ പ്രമോഷന് ചടങ്ങിനിടയില് എത്തിയ നടി ജ്യോതികയോട് മാധ്യമപ്രവര്ത്തകന് ചോദിച്ച ചോദ്യം പക്ഷെ താരത്തിന് തന്നെ അബദ്ധമായി മാറിയിരിക്കുകയാണ്. തെരഞ്ഞെടുപ്പില് വോട്ട് ചെയ്യുന്നതുമായി ബന്ധപ്പെട്ടുള്ള ചോദ്യമാണ് നടിയോട് മാധ്യമപ്രവര്ത്തകന് ചോദിച്ചത്.
'വോട്ട് ചെയ്ത് എല്ലാവര്ക്കും മുന്നില് മാതൃക സൃഷ്ടിച്ചുകൂടേ' എന്നതായിരുന്നു മാധ്യമപ്രവര്ത്തകന്റെ ചോദ്യം. എല്ലാ വര്ഷവും വോട്ട് ചെയ്യാറുണ്ടെന്നുപറഞ്ഞാണ് ഇതിനുള്ള മറുപടി ജ്യോതിക ആരംഭിച്ചത്. 'ചില സമയങ്ങളില് നമ്മള് നാട്ടിലുണ്ടാകില്ല. ചിലപ്പോള് ജോലി സംബന്ധമായി പുറത്തായിരിക്കും. അല്ലെങ്കില് അസുഖം വന്നിരിക്കുകയായിരിക്കും. അതെല്ലാം വ്യക്തിപരമായ കാര്യങ്ങളാണ്. ചില അവസരങ്ങളില് രഹസ്യമായി വോട്ട് ചെയ്യും. ഓണ്ലൈനില് കൂടെയെല്ലാം അവസരമില്ലേ'- ജ്യോതിക പറഞ്ഞു.
എന്നാല് ഈ മറുപടി ഇപ്പോള് അബദ്ധമായി മാറിയിരിക്കുകയാണ്. തുഷാര് ഹിരാനന്ദാനി സംവിധാനം ചെയ്യുന്ന ശ്രീകാന്ത് എന്ന സിനിമയുടെ പ്രമോഷന് ചടങ്ങിനിടെ സംസാരിക്കുകയായിരുന്നു ജ്യോതിക. തൊട്ടുപിന്നാലെ എല്ലാ വര്ഷവും എന്ന പരാമര്ശം ജ്യോതിക എല്ലാ അഞ്ചു വര്ഷവും എന്നു തിരുത്തി.
വിദേശത്ത് ജീവിക്കുന്ന തങ്ങളില് പലര്ക്കും വലിയ വിമാനക്കൂലി നല്കി യാത്ര ചെയ്ത് തെരഞ്ഞെടുപ്പില് പങ്കെടുക്കാന് സാധിക്കുന്നില്ല. അതുകൊണ്ടു തന്നെ ഓണ്ലൈന് വോട്ടിങ് സഹായകരമാകുമെന്നും ജ്യോതിക മാര്ഗനിര്ദ്ദേശം നല്കണമെന്നും അഭിപ്രായപ്പെടുന്നവരുണ്ട്. രാജ്കുമാര് റാവു നായകനായെത്തുന്ന ഈ ബോളിവുഡ് ചിത്രത്തില് ജ്യോതിക, അലായ എഫ് എന്നിവരാണ് മറ്റു പ്രധാനകഥാപാത്രങ്ങളെ അവതരിപ്പിക്കുന്നത്.