CINEMA
ഒടിടിയില് നിന്നും ഇതാ പുസ്തകമാകാന് തയ്യാറെടുത്ത് പ്രേമലു, റീനുവിന്റെയും സച്ചിന്റെയും ഒഴിവാക്കിയ രംഗങ്ങള് ഇനി പുസ്തകത്തില് വായിക്കാം
3>തീയറ്ററിലും ഒടിടിയിലും സച്ചിനും റീനുവും ഏറെ ചിരിപ്പിച്ചും സന്തോഷിപ്പിച്ചും കരയിച്ചും കൈയ്യടി നേടിയപ്പോള് അണിയറപ്രവര്ത്തകര് ചിത്രത്തിന്റെ രണ്ടാം ഭാഗം അനൗണ്സ് ചെയ്യുകയുണ്ടായി. ഇപ്പോഴിതാ ചിത്രം ബുക്കാക്കി പുറത്തിറക്കാന് തയ്യാറെടുക്കുകയാണ്.
പാന് ഇന്ത്യന് ലെവലില് വരെ ഹിറ്റായ ചിത്രം ബുക്കാക്കുന്ന സന്തോഷത്തിലാണ് അണിയറപ്രവര്ത്തകര്. നസ്ലിനും മമിതാ ബൈജുവും പ്രധാന കഥാപാത്രങ്ങളില് എത്തിയ ചിത്രം ഹൈദരാബാദിന്റെ പശ്ചാത്തലത്തില് ആയിരുന്നു ഷൂട്ട് ചെയ്തത്.
പ്രേമലു തിരക്കഥ പുസ്തകമായി വിപണിയില് എത്തിക്കുക എന്നതാണ് ലക്ഷ്യം. മാന്കൈന്ഡ് പുബ്ലിക്കേഷനാണ് പുസ്തകം പുറത്തിറക്കുന്നത്. ചിത്രത്തില് നിന്ന് നീക്കം ചെയ്ത സീനുകളും സംഭാഷണങ്ങളും പുസ്തകത്തില് ഉള്പ്പെടുത്തും. ജൂണ് അഞ്ചു മുതല് ലഭ്യമാക്കുകയും ചെയ്യും. ചിത്രത്തിന്റെ സംവിധായകന് തന്നെയാണ് ഈ കാര്യം അറിയിച്ചിരിക്കുന്നത്.
ചിത്രത്തിന്റെ രണ്ടാം ഭാഗത്തിന് വലിയ പ്രതീക്ഷയാണ് ആരാധകര് നല്കുന്നത്. സച്ചിന്റെയും റീനുവിന്റെയും പ്രണയത്തിന് വലിയ സ്വീകാര്യതയാണ് ലഭിക്കുന്നത്.
'എന്റെ സ്വപ്നങ്ങള് എല്ലായ്പ്പോഴും അവന്റെ സ്വപ്നങ്ങളാണ് അവന്റെ സ്വപ്നങ്ങള് എല്ലായ്പ്പോഴും എന്റെ സ്വപ്നങ്ങളും ആണ്' പൊതുവേദിയില് പ്രണയം പറഞ്ഞ ജാന്വി കപൂര്
3>അമ്മ ശ്രീദേവിയെ പോലെ തന്നെ ഇന്റസ്ട്രിയില് ഒരുപാട് ആരാധകരുള്ള താരമണ് മകള് ജാന്വി കപൂറും. അഭിനയം കൊണ്ടും ലുക്കു കൊണ്ടും അമ്മയ്ക്കൊപ്പം എത്താന് യോഗ്യതയുള്ള മകള് എന്നാണ് ബോളീവുഡ് തന്നെ സമ്മതിക്കുന്നുണ്ട്. ശ്രീദേവിയുടെ മരണ ശേഷം ജാന്വിക്ക് പിറകെ ആണ് ബോളീവുഡ്. ഇപ്പോഴിതാ ജാന്വി തന്റെ പ്രണയം തുറന്ന് പറഞ്ഞത് ഏറെ ശ്രദ്ധിക്കപ്പെട്ടിരിക്കുകയാണ്.
തന്റെ പതിനഞ്ചാം വയസ്സ് മുതല് ശിഖര് പഹാരി കൂടെയുണ്ടെന്നാണ് ജാന്വി പറഞ്ഞത്. ജാന്വിയുടെ പുതിയ ചിത്രമായ 'മിസ്റ്റര് ആന്ഡ് മിസിസ് മഹി'യുടെ പ്രൊമോഷന് പരിപാടിക്കിടെയാണ് ഇക്കാര്യം പറഞ്ഞത്.
ജാന്വിയുടെ വാക്കുകള് ഇങ്ങനെ: തന്റെ സ്വപ്നങ്ങള് എല്ലായ്പ്പോഴും അവന്റെ സ്വപ്നങ്ങളാണെന്നും അവന്റെ സ്വപ്നങ്ങള് എല്ലായ്പ്പോഴും തന്റെ സ്വപ്നങ്ങളാണെന്നും ഞങ്ങള് പരസ്പരം കരുതുന്നുവെന്നും സപ്പോര്ട്ട് സിസ്റ്റമായി നിലകൊള്ളുന്നുവെന്നുമാണ് ജാന്വി പറഞ്ഞത്. പരസ്പരം സ്വപ്നങ്ങള് പങ്കുവെച്ച് താനാണ് ജീവിക്കുകയാണെന്നും ജാന്വി വ്യക്തമാക്കി.
മഹാരാഷ്ട്ര മുന് മുഖ്യമന്ത്രി സുശീല്കുമാര് ഷിന്ഡെയുടെ കൊച്ചുമകന് കൂടിയാണ് ശിഖര് പഹാരിയ. പോളോ കളിക്കാരന് കൂടിയായ ശിഖര് അന്താരാഷ്ട മത്സരങ്ങളില് ഇന്ത്യയെ പ്രതിനിധീകരിച്ചിട്ടുണ്ട്.
കൈയ്യിലെ പരിക്ക് വിഷയമല്ല, കാനിലേക്ക് പതിവ് സ്റ്റൈല് തെറ്റാതെ എത്തി ഐശ്വര്യ റായ്, ഈ വര്ഷവും റെഡ് കാര്പ്പറ്റില് ഐശ്വര്യ തന്നെ താരം (ചിത്രങ്ങള്)
3>കാന് ചലച്ചിത്ര മേളയ്ക്ക് എത്തുന്ന ഐശ്വര്യയുടെ ലുക്ക് എപ്പോഴും ചര്ച്ചയാകാറുണ്ട്. എന്നാല് ഇക്കുറി ഐശ്വര്യയുടെ ലുക്ക് മാത്രമല്ല ആരാധകര്ക്കിടയില് ചര്ച്ചയായത് കൈയ്യിലെ പരിക്കാണ്. ഈ പരിക്ക് വെച്ച് ഐശ്വര്യ എത്തുമോ എന്നായിരുന്നു ആരാധകരുടെ സംശയം. ഇപ്പോഴിതാ ആരാധകരെ നിരാശ്ശരാക്കാതെ തന്നെ റെഡ് കാര്പ്പറ്റില് എത്തിയിരിക്കുകയാണ് ഐശ്വര്യ.
നീലയിലും സില്വറിലും വരുന്ന ഷിമ്മറി ഗൗണാണ് താരം അണിഞ്ഞത്. കാനിലെ ഐശ്വര്യയുടെ രണ്ടാമത്തെ ലുക്കായിരുന്നു ഇത്. ഫാല്ഗുനി ഷേന് പീകോക്കാണ് വസ്ത്രം ഡിസൈന് ചെയ്തത്. കൈയ്യിലെ പരിക്ക് കാര്യമാക്കാതെയാണ് താരം എത്തിയത്. ഇക്കുറി മുകള് ആരാധ്യയും ഉണ്ടായിരുന്നു.
വെട്ടിത്തിളങ്ങുന്ന ഗൗണില് വളരെ ഡ്രാമറ്റിക്കലായാണ് ഐശ്വര്യ പ്രത്യക്ഷപ്പെട്ടത്. സ്ലീവ്സിനും സ്വീപ്പിങ് ട്രെയിലിനും പ്രാധാന്യം നല്കിക്കൊണ്ടുള്ളതായിരുന്നു വസ്ത്രം. മിനിമല് ആക്സസറീസ് ആണ് താരം അണിഞ്ഞത്. കണ്ണുകള്ക്ക് പ്രാധാന്യം നല്കിക്കൊണ്ടുള്ള മേക്കപ്പില് ലൂസ് ഹെയറിലാണ് താരം പ്രത്യക്ഷപ്പെട്ടത്.
കാനിലെ സ്ഥിര സാന്നിധ്യമാണ് ഐശ്വര്യ. ആദ്യത്തെ ലുക്കില് മോണോക്രോം ഗൗണാണ് താരം അണിഞ്ഞത്. കറുപ്പ് ഗൗണില് ത്രിഡി മെറ്റാലിക് എലമന്റ്സ് നല്കിയാണ് ഒരുക്കിയത്. ഫാല്ഹുനി ഷേന് പീകോക്ക് തന്നെയാണ് വസ്ത്രം ഒരുക്കിയത്.
താരത്തിന്റെ ലുക്ക് സോഷ്യല് മീഡിയയില് വൈറലായിരിക്കുകയാണ്. എന്നാല് നിരവധി ആരാധകരാണ് താരത്തിന്റെ ലുക്കില് അതൃപ്തി വ്യക്തമാക്കിയത്. ഇത്ര അലങ്കാരത്തിന്റെ ആവശ്യമുണ്ടോ എന്നാണ് പലരുടേയും ചോദ്യം. ഐശ്വര്യ സുന്ദരിയാണെന്നും പക്ഷേ ഈ ലുക്ക് മുള്ളന്പന്നിയെ പോലെയും ക്രിസ്മസ് ട്രീ പോലെയുമുണ്ട് എന്നാണ് ഒരുവിഭാഗം ആരാധകര് പറയുന്നത്.
'എനിക്കേറെ പ്രത്യേകതയുള്ള ഒരാള് ജീവിതത്തിലേക്ക് കടന്നുവരാന് പോകുന്നു, കാത്തിരിക്കൂ': ആരാധകരെ ആകാംക്ഷയിലാക്കി ബാഹുബലി താരം പ്രഭാസ്
3>ബാഹുബലിക്ക് ശേഷം എല്ലാവരും ചിന്തിച്ചിരുന്ന അല്ലെങ്കില് ആഗ്രഹിച്ചിരുന്ന കാര്യമായിരുന്നു പ്രഭാസ് അനുഷ്ക വിവാഹം. ഇരുവരും നല്ല കപ്പിളായിരിക്കും എന്നാണ് പലരും പറയുന്നത്. ഇപ്പോഴിതാ പ്രഭാസിന്റെ ജീവിത്തിലെ ആ പ്രധാന വിശേഷം ആണ് താരം പങ്കുവെച്ചിരിക്കുന്നത്.
താരം തന്റെ ഇന്സ്റ്റഗ്രാം സ്റ്റോറിയായി പങ്കുവച്ചിരിക്കുന്ന ഒരു കുറിപ്പാണ് ആരാധകരെ കണ്ഫ്യൂഷനിലാക്കിയിരിക്കുന്നത്. എന്തിനേക്കുറിച്ചാണ് പ്രഭാസ് പറയാന് പോകുന്നത് എന്നറിയാനുള്ള കാത്തിരിപ്പിലാണ് ഓരോരുത്തരും. പ്രിയപ്പെട്ടവരേ, എനിക്കേറെ പ്രത്യേകതയുള്ള ഒരാള് ജീവിതത്തിലേക്ക് കടന്നുവരാന് പോകുന്നു, കാത്തിരിക്കൂ എന്നാണ് പ്രഭാസ് സ്റ്റോറിയായി കുറിച്ചിരിക്കുന്നത്. സ്റ്റോറി വന്നതിന് പിന്നാലെ സോഷ്യല് മീഡിയയില് ചര്ച്ചയും തുടങ്ങിക്കഴിഞ്ഞു.
വിവാഹം അല്ലെങ്കില് പ്രണയത്തെക്കുറിച്ചായിരിക്കും പ്രഭാസ് പറയാന് പോകുന്നതെന്നാണ് ഒരു വിഭാ?ഗം ആളുകള് പറയുന്നത്. എന്നാലിത് പ്രഭാസിന്റെ പുതിയ ചിത്രത്തിന്റെ പ്രൊമോഷനായിരിക്കും എന്ന് പറയുന്നവരും കുറവല്ല. നടിമാരായ അനുഷ്ക ഷെട്ടി, കൃതി സനോണ് എന്നിവരുമായി പ്രഭാസ് പ്രണയത്തിലാണെന്ന തരത്തില് മുന്പ് അഭ്യൂഹങ്ങള് പ്രചരിച്ചിരുന്നു. കല്ക്കി 2898 എഡിയാണ് പ്രഭാസിന്റെ റിലീസിന് തയ്യാറെടുക്കുന്ന ചിത്രം. നാ?ഗ് അശ്വിന് സംവിധാനം ചെയ്യുന്ന ചിത്രം ജൂണ് 27 നാണ് തിയറ്ററുകളിലെത്തുന്നത്.
അമിതാഭ് ബച്ചന്, ദീപിക പദുക്കോണ്, ജൂനിയര് എന്ടിആര്, വിജയ് ദേവരക്കൊണ്ട, ദുല്ഖര് സല്മാന് തുടങ്ങി വന് താരനിരയാണ് ചിത്രത്തില് അ
ചാര്ലി ചിത്രത്തിലെ 'നായിക' അമ്മയായി, കാണാന് മൈസൂരിലേക്ക് ഓടിയെത്തി നടന് രക്ഷിത് ഷെട്ടി; ആറ് കുഞ്ഞുങ്ങള്ക്കാണ് 'ചാര്ലി' ജന്മം നല്കിയത്
3>മനുഷ്യനും നായയും തമ്മിലുള്ള ബന്ധത്തെ കുറിച്ച് പറഞ്ഞ ചിത്രമാണ് '777 ചാര്ലി'. സിനിമയുടെ അവസാനം എല്ലാവരെയും കരയിപ്പിച്ച ചിത്രം കൂടിയായിരുന്നു ചാര്ലി. ചിത്രത്തില് ചാര്ലിയായത് ലാബ്രഡോര് ഇനത്തില്പ്പെടുന്ന നായയായിരുന്നു.
ഇപ്പോഴിതാ ആ മനോഹര ബന്ധത്തിന്റെ കഥയിലെ ഏറ്റവും മനോഹരമായ നിമിഷം നടന്നിരിക്കുന്നു എന്നാണ് സിനിമയിലെ നായകന് ആയിരുന്ന രക്ഷിത് ഷെട്ടി പറയുന്നത്. ഒരു സന്തോഷവാര്ത്തയുമായാണ് രക്ഷിത് ഷെട്ടി എത്തിയത്. ചിത്രത്തില് 'നായിക'യായി എത്തിയ ചാര്ളി അമ്മയായിരിക്കുകയാണ്.
സോഷ്യല് മീഡിയയിലൂടെയാണ് രക്ഷിത് സന്തോഷ വാര്ത്ത പങ്കുവച്ചത്. നായ പരിശീലകനായ ബി.സി. പ്രമോദ് ആണ് ഇപ്പോള് ചാര്ളിയെ സംരക്ഷിക്കുന്നത്. കുഞ്ഞു ജനിച്ച വിവരം അറിഞ്ഞ താരം ചാര്ളിയെ കാണാനായി മൈസൂരില് എത്തുകയായിരുന്നു. 777 ചാര്ളി യാത്ര പൂര്ണമായി എന്നാണ് കരുതുന്നത്. ചാര്ളി അമ്മയായി കാണണമെന്ന് ഞങ്ങള് വളരെ അധികം ആഗ്രഹിച്ചിരുന്നു. സംവിധായകന് കിരണ് രാജാണ് ഈ ആഗ്രഹം ആദ്യം പറഞ്ഞത്. ഞാന് പ്രമോദിനെക്കുറിച്ച് എപ്പോഴും ചോദിക്കുമായിരുന്നു. എന്നാല് അവള് പ്രായമായിട്ടില്ല എന്നാണ് പറയാറ്. മേയ് 9നാണ് ചാര്ളി ആറ് കുഞ്ഞുങ്ങള്ക്ക് ജന്മം നല്കിയത്. ചാര്ളിയേയും കുഞ്ഞുങ്ങളേയും കാണാനാണ് ഞാന് മൈസൂരില് വന്നത്.- താരം പറഞ്ഞു.
മലയാളിയായ കിരണ് രാജ് ആദ്യമായി സംവിധാനം ചെയ്ത സിനിമയാണ് 777 ചാര്ളി. കന്നഡ ചിത്രമായി ഒരുക്കിയ സിനിമ മലയാളത്തിലടക്കം ഹിറ്റായിരുന്നു. മികച്ച കന്നഡ സിനിമയ്ക്കുള്ള ദേശീയ പുരസ്കാരവും സിനിമ നേടുകയുണ്ടായി. 20 കോടി മുതല് മുടക്കില് നിര്മിച്ച ചിത്രം ബോക്സ്ഓഫിസില് നിന്നും 100 കോടിയാണ് വാരിയത്.
'മഞ്ഞുമ്മല് ബോയ്സിനെതിരെ ഉള്ളത് സിവില് കേസ് ക്രിമിനല് നടപടികള്ക്ക് പ്രസക്തിയില്ല', നിര്മ്മാതാക്കള്ക്കെതിരായ നീക്കത്തില് പരാതിക്കാരന് തിരിച്ചടി, നടപടിക്ക് കോടതി സ്റ്റേ
3>ഹിറ്റുകളുടെ ചരിത്രം തിരുത്തി കുറിച്ച സൗഹൃദത്തിന്റെ കഥ പറഞ്ഞ ചിത്രമാണ് മഞ്ഞുമ്മല് ബോയ്സ്. യഥാര്ത്ഥ കഥ ദൃശ്യവത്കരിച്ചപ്പോള് മലയാളികളും മറ്റ് ഭാഷക്കാരും ഒന്നിച്ച് കയ്യടിച്ചു. എന്നാല് സിനിമ തീയറ്ററില് നിന്നും ഓടിടിയിലേക്ക് പ്രഖ്യാപിച്ചപ്പോഴാണ് ചിത്രത്തിന്റെ നിര്മ്മാതാക്കള്ക്കെതിരെ കേസുമായി സിറാജ് വലിയതറ എന്ന വ്യക്തി എത്തിയത്. സിനിമയുടെ ലാഭവിഹിതം പങ്കുവച്ചില്ലെന്നതായിരുന്നു കേസ്. ഇപ്പോഴിതാ കേസിന് കോടതി സ്റ്റേ കൊടുത്തിരിക്കുകയാണ്.
'മഞ്ഞുമ്മല് ബോയ്സ്' നിര്മ്മാതാക്കള്ക്കെതിരായ ക്രിമിനല് നടപടികള്ക്കാണ് കോടതിയുടെ സ്റ്റേ. സൗബിന്റെ പിതാവ് സമര്പ്പിച്ച ഹര്ജിയിലാണ് കോടതിയുടെ ഇടക്കാല ഉത്തരവ്. കേസിലെ ആരോപണ വിധേയരായ സൗബിന്റേയും ഷോണ് ആന്റണിയുടേയും അറസ്റ്റ് നേരത്തെ കോടതി തടഞ്ഞിരുന്നു.
സിനിമയുടെ ലാഭവിഹിതം പങ്കുവച്ചില്ലെന്നായിരുന്നു സിറാജ് വലിയ തറയുടെ പരാതി. എന്നാല് ഇതൊരു സിവില് കേസാണെന്നും ക്രിമിനല് നടപടികള്ക്ക് പ്രസക്തിയില്ലെന്നുമായിരുന്നു സൗബിന്റെ പിതാവും കുറ്റാരോപിതരില് ഒരാളുമായ ഷാഹിര് ബാബുവിന്റെ വാദം. ജസ്റ്റിസ് വിജു എബ്രഹാം ആണ് ഒരു മാസത്തേക്ക് ഇത് സംബന്ധിച്ച നടപടികള്ക്ക് സ്റ്റേ നല്കിയത്.
സിറാജ് വലിയതറ എന്ന പരാതിക്കാരന് സിനിമക്ക് വേണ്ടി നല്കേണ്ടിയിരുന്ന പണം കൃത്യ സമയത്ത് നല്കാതിരിക്കുകയും, അത് മൂലം കനത്ത നഷ്ടം സഹിക്കേണ്ടി വന്നു എന്നും ആയിരുന്നു കുറ്റാരോപിതരുടെ വാദം. കൃത്യ സമയത്ത് പണം ലഭിക്കാത്തതിനാല് ഷൂട്ട് ഷെഡ്യൂളുകള് മുടങ്ങുകയും, ഷൂട്ടിംഗ് നീണ്ടു പോകുകയും ചെയ്തെന്നും അവര് കോടതിയെ അറിയിച്ചു.
ഇരുന്നൂറ് കോടിയോളം രൂപ നേടി ഇന്ഡസ്ട്രിയല് ഹിറ്റ് ആയി മാറിയ ചിത്രമാണ് മഞ്ഞുമ്മല് ബോയ്സ്. ചിദംബരം സംവിധാനം ചെയ്ത ചിത്രം കേരളത്തിനകത്തും പുറത്തും വലിയ രീതിയിലുള്ള സ്വീകാര്യത നേടി. ഫെബ്രുവരി 22 നാണ് ചിത്രം പ്രേക്ഷകര്ക്ക് മുന്നിലെത്തിയത്.
'ലാലേട്ടന്റെ മുന്നില് ഒന്ന് ഷൈന് ചെയ്യാമെന്ന് കരുതി ആ ഡയലോഗ് ഒറ്റ ടേക്കില് പറഞ്ഞു, പക്ഷെ അഭിനന്ദനം പ്രതീക്ഷിച്ച എനിക്ക് ലഭിച്ചത് മറ്റൊന്നായിരുന്നു' അനുഭവം തുറന്ന് പറഞ്ഞ് കലാഭവന് ഷാജോണ്
3>കൊമേഡിയനായി തുടക്കമിട്ട് പിന്നീട് സവന്തം കഴിവു കൊണ്ട് സിനിമയില് വില്ലനായും നായകനായും തിളങ്ങിക്കൊണ്ടിരിക്കുന്ന താരമാണ് കലാഭവന് ഷാജോണ്. മോഹന്ലാലിനൊപ്പമുള്ള ദൃശ്യത്തില് സഹദേനവെന്ന കഥാപാത്രം കലാഭവന് ഷാജോണിന്റെ കരിയര് ഗ്രാഫ് തന്നെ മാറ്റി മറിച്ചു.
ഇപ്പോഴിതാ ഷാജോണ് നായകനാകുന്ന സിഐഡി രാമചന്ദ്രന് എന്ന ചിത്രത്തിന്റെ പ്രമോഷനുമായി ബന്ധപ്പെട്ട് നടത്തിയ അഭിമുഖത്തില് മോഹന്ലാലിനൊപ്പമുള്ള അനുഭവം വ്യക്തമാക്കുകയാണ് താരം. ലാലേട്ടനൊപ്പം 'ലേഡീസ് ആന്റ് ജെന്റില്മാന്' എന്ന സിനിമയുടെ സെറ്റില് വച്ചുണ്ടായ അനുഭവമാണ് നടന് ഒരു അഭിമുഖത്തില് വെളിപ്പെടുത്തിയത്. ഷാജോണ് കേന്ദ്ര കഥാപാത്രമായി എത്തുന്ന സിഐഡി രാമചന്ദ്രന് എന്ന ചിത്രത്തിന്റെ പ്രമോഷനുമായി ബന്ധപ്പെട്ടായിരുന്നു അഭിമുഖം.
മോഹന്ലാലുമൊത്തുള്ള ചിത്രത്തിലെ ഒരു സീനില് ഡയലോഗ് മുഴുവനും തനിക്കായിരുന്നു. ലാലേട്ടന്റെ മുന്നില് ഒന്ന് ഷൈന് ചെയ്യാം എന്ന് കരുതി മുഴുവന് ഡയലോഗും ഒറ്റയടിക്ക് കാണാതെ പഠിച്ചു. ആ സീനില് ലാലേട്ടന് ഡയലോഗ് ഉണ്ടായിരുന്നില്ലെന്നും എക്സ്പ്രെഷന് മാത്രമാണ് ഉണ്ടായിരുന്നതെന്നും നടന് പറയുന്നു.
'സിദ്ദിഖ് ഇക്ക ആയിരുന്നു പടത്തിന്റെ ഡയറക്ടര്, ആ സീന് എടുക്കുന്നതിന് മുമ്പ് തന്നെ ഞാന് ഡയലോഗ് മുഴുവനും കാണാതെ പഠിച്ചു. അവസരം മുതലെടുക്കാനായി ഒറ്റ ടേക്കില് തന്നെ പഠിടച്ച ഡയലോഗ് മുഴുവന് പറഞ്ഞു. സിദ്ദിഖ് ഇക്ക കട്ട് പറഞ്ഞതും ഞാന് ലാലേട്ടന്റെ അഭിനന്ദനം കേള്ക്കാന് കാത്തുനിന്നു. പക്ഷേ ലാലേട്ടന് ഒന്നും പറഞ്ഞില്ല. ഞാന് അപ്പോള് അങ്ങോട്ട് പോയി ചോദിച്ചു എങ്ങനെയുണ്ടായിരുന്നു എന്ന്, നീ നന്നായി ഡയലോഗ് പറഞ്ഞു എന്നായിരുന്നു ലാലേട്ടന്റെ മറുപടി' ഷാജോണ് പറഞ്ഞു.
പിന്നീട് അതല്ല അഭിനയം എങ്ങനെ ഉണ്ടായിരുന്നുവെന്ന് ചോദിച്ചപ്പോള് ഇങ്ങനെയാണോ അഭിനയിക്കുന്നത് എന്നായിരുന്നു ലാലേട്ടന് തിരിച്ച് ചോദിച്ചതെന്നും കലാഭവന് ഷാജോണ് പറയുന്നു. അങ്ങനെ പറഞ്ഞ ശേഷം ഓരോ ഡയലോഗ് പറയുമ്പോഴും എങ്ങനെയാണ് ബിഹേവ് ചെയ്യേണ്ടതെന്ന് ലാലേട്ടന് പഠിപ്പിച്ചു തന്നുവെന്നും ഷാജോണ് കൂട്ടിച്ചേര്ത്തു.
'42 കൊല്ലമായി ഇവിടെ, ഇവരുടെ ധൈര്യത്തിലാ നമ്മള് നില്ക്കുന്നത്, വിട്ടിട്ടില്ല ഇതുവരെ, ഇനി വിടത്തില്ല എന്ന് ഉറപ്പുണ്ട്':മമ്മൂട്ടിയുടെ വാക്കുകള് ഇങ്ങനെ
3>മമ്മൂട്ടിയുടെ ടര്ബോ മലയാളി ആരാധകര് ഏറെ കാത്തിരിക്കുന്ന ചിത്രമാണ്. പലയിടത്തു വെച്ചും മമ്മൂട്ടി ടര്ബോ ലുക്കില് എത്തിയത് ആരാധകര്ക്ക് ഏറെ ആവേശമായിരുന്നു. ഈ മാസം 23ന് ടര്ബോ റിലീസാണ്. ചിത്രത്തിന്റെ പ്രമോഷന്റെ ഭാഗമായി മമ്മൂട്ടിക്കമ്പനി പുറത്തുവിട്ട ഒരു പ്രമൊ വീഡിയോ ആണ് വൈറലാകുന്നത്.
പ്രേക്ഷകരുടെ ധൈര്യത്തിലാണ് താന് ഇവിടെ നില്ക്കുന്നതെന്നാണ് പറയുന്ന വീഡിയോ ആരാധകരെ എല്ലാവരെയും ഒരുപോലെ കോരിത്തരിപ്പിക്കുകയാണ്.
മ്മമൂട്ടിയുടെ വാക്കുകള് ഇങ്ങനെ:'ഇവരുടെ ധൈര്യത്തിലാ നമ്മള് നില്ക്കുന്നത്. 42 കൊല്ലമായി, വിട്ടിട്ടില്ല, ഇനി വിടത്തില്ല'', എന്നാണ് താരം വിഡിയോയില് പറയുന്നത്. ഈ സിനിമയില് രണ്ട് ആളുകളുടെ അനുഭവമാണ് പറയുന്നത്. യഥാര്ഥത്തില് നടന്ന ഒരു തട്ടിപ്പിന്റെ കഥയുണ്ട്. അതിപ്പോഴും നടക്കുന്ന, ഇനിയും നടക്കാന് സാധ്യതയുള്ള തട്ടിപ്പ്. നമ്മള് പലതും അറിയുന്നില്ലെന്നേ ഒള്ളൂ. ഈ സിനിമയുടെ കഥയുടെ ആധാരം ജോസിനു പറ്റുന്ന ഒരു കയ്യബദ്ധമാണ്. ജോസ് ഒരു മാസ് ഹീറോയല്ല, ജോസ് നിഷ്കളങ്കനാണ്. എന്തുകണ്ടാലും ചാടിയിറങ്ങുന്ന ഒരു പാവത്താന്.
ജോസ് ചട്ടമ്പിയോ തെമ്മാടിയോ വഴക്കാളിയോ ഒന്നും അല്ല. ഒരു ഡ്രൈവറാണ്. ജോസിന് ജീവിതത്തില് നേരിടേണ്ടി വരുന്നത് ഒരു വലിയ അടിയാണ്. അവിടെ പതറിപ്പോകും. ഈ സാഹചര്യത്തില് ഒരു ശക്തി എവിടുന്നോ വന്നുചേരും. അതുപോലെയാണ് ജോസിനൊരു ശക്തിയുണ്ടാവുന്നത്. അതിനെ വേണമെങ്കില് നമുക്ക് 'ടര്ബോ' എന്ന് വിളിക്കാം.
ഇടിക്കാന് വേണ്ടിയുള്ള ഇടിയല്ല. ഇടികൊള്ളാതിരിക്കാനുള്ള ഇടിയാണ് സിനിമയിലുള്ളത്. വേണമെങ്കില് ഇതിനെ സര്വൈവല് ത്രില്ലറൊന്നൊക്കെ പറയാം. കഥയുടെ ഒരു ഒരുപാട് ഭാഗങ്ങള് തമിഴ്നാട്ടിലാണ് സംഭവിക്കുന്നത്. തമിഴ് കഥാപാത്രങ്ങളും ഒരുപാട് വന്നുപോകുന്നുണ്ട്. തെലുങ്ക് താരങ്ങളും ഒരുപാടുണ്ട്. യഥാര്ഥ ജീവിതത്തില് സംഭവിച്ച ഒന്നു രണ്ട് സംഭവങ്ങള് സിനിമയില് ചേര്ത്തിട്ടുണ്ട്. കഥയുമായി ചേര്ന്നുപോകുന്ന ചെറിയ തമാശകള്, കുടുംബ ബന്ധങ്ങള്, വികാരവിക്ഷോഭങ്ങള്, ദേഷ്യം, രക്ഷപ്പെടാനുള്ള ശ്രമങ്ങള് അങ്ങനെ സ്വാഭാവികമായി മനുഷ്യന് ചെയ്യുന്നതൊക്കെയാണ് സിനിമയുടെ ബലം.
ഇങ്ങനെയൊരു തരം സിനിമ കൂടി എടുക്കണമെന്നുണ്ടായിരുന്നു. മമ്മൂട്ടി കമ്പനിയുടെ ചെലവേറിയ സിനിമയാണിത്. കുറച്ചൊക്കെ പോയിട്ടും കുറച്ച് കിട്ടിയിട്ടുണ്ട്. എല്ലാം കൂടെ ചുരുട്ടി കൂട്ടി ഇതില് ഇട്ടിരിക്കുകയാണ്. ഇതിനു മുടക്കിയത് വന്നാല്, അടുത്തതിനിറങ്ങാം. ഇവരുടെ ധൈര്യത്തിനാണ് നമ്മള് ഇറങ്ങിയിരിക്കുന്നത്. 42 കൊല്ലമായി വിട്ടിട്ടില്ല, ഇനി വിടത്തില്ല.
സിനിമയിലെ സംഘട്ടന രംഗങ്ങളെല്ലാം കൂടുതല് സമയമെടുത്താണ് ചെയ്തത്. 120 ദിവസത്തോളം ചിത്രീകരണം നടത്തിയിട്ടുണ്ട്. അതില് കൂടുതലും ആക്ഷനായിരുന്നു. എന്തെങ്കിലും തട്ടുകേടുവന്നാല് കാത്തോളണം. കാര് ചേസിങ് രംഗമെല്ലാം പുറത്തുപോയാണ് എടുത്തത്. നല്ല ചെലവായിരുന്നു. എന്റെ കമ്പനിയാണെങ്കില് കൂടി ഞാന് ജോലി ചെയ്യുമ്പോള് പ്രതിഫലം വാങ്ങണമെന്നാണ് കണക്ക്. അതുകൊണ്ട് എന്റെ ശമ്പളം എഴുതിയെടുത്തേ പറ്റൂ. അതിന് നികുതിയും നല്കണം.
ഇത്തവണ കാന് ഫിലിം ഫെസ്റ്റിവലില് എത്തിയ ഐശ്വര്യയുടെ ലുക്കോ ഔട്ട്ഫിറ്റോ ഒന്നിലുമല്ല ആരാധകരുടെ കണ്ണ് ഉടക്കിയത്, കൈയ്യില് പരുക്കുമായി എത്തിയ ഐശ്വര്യയ്ക്ക് എന്ത് പറ്റിയെന്ന് ആരാധകര്
3>കാന് ഫിലിം ഫെസ്റ്റിവലില് എത്തുന്ന ഐശ്വര്യയുടെ ലുക്ക് എപ്പോഴും ബോളീവുഡ്ഡില് സെന്സേഷന് ആണ്. ഇക്കുറിയും കാന് ഫിലിം ഫെസ്റ്റിവലില് എത്തുന്ന ഐശ്വര്യയുടെ ഔട്ട്ഫിറ്റ് എങ്ങനെയായിരിക്കും എന്നാണ് ആരാധകര് ചിന്തിച്ചത്. പക്ഷെ എല്ലാവരെയും ഞെട്ടിച്ച് മറ്റൊരു പ്രത്യേകതയോടെയാണ് ഐശ്വര്യ എത്തിയത്.
77-ാമത് കാന് ഫിലിം ഫെസ്റ്റിവലില് റെഡ്കാര്പ്പറ്റില് എത്തുന്ന ഐശ്വര്യയെ കാത്തിരുന്നവര്ക്ക് പക്ഷെ പുറത്ത് വന്ന ഒരു വീഡിയോ ഞെട്ടലുണ്ടാക്കി. കൈയ്യില് പരിക്ക് പറ്റിയ വിധത്തില് പ്ലാസ്റ്ററിട്ടാണ് താരം മകള്ക്കൊപ്പം എത്തിയത്. വിമാനത്താവളത്തില് നിന്നുള്ള വീഡിയോ വേഗമാണ് വൈറലായത്.
ഐശ്വര്യയ്ക്ക് ഇതെന്തുപറ്റിയെന്നാണ് ആരാധകരുടെ ചോദ്യം. താരം വേഗം തന്നെ സുഖം പ്രാപിക്കട്ടെയെന്ന് ആശംസിക്കുന്നവരും കുറവല്ല. പരുക്കേറ്റ കൈയ്യുമായി മകള്ക്കൊപ്പം എയര്പോര്ട്ടിലെത്തിയ ഐശ്വര്യയെ അഭിനന്ദിക്കുന്നവരുമുണ്ട്. സഞ്ജയ് ലീല ബന്സാലി സംവിധാനം ചെയ്ത ദേവദാസ് എന്ന ചിത്രത്തിന്റെ പ്രദര്ശനത്തിന്റെ ഭാഗമായിട്ടാണ് ഐശ്വര്യ ആദ്യമായി അന്ന് കാനിലെത്തുന്നത്.
'ധനുഷും ഐശ്വര്യയും വിവാഹത്തിന് ശേഷവും അവിഹിത ബന്ധങ്ങള് തുടര്ന്നിരുന്നു' വിവാദ വെളിപ്പെടുത്തല് നടത്തി ഗായിക സുചിത്ര
3>തമിഴകത്തെ ഏറെ ഞെട്ടിച്ച വിവാഹമോന വാര്ത്തയായിരുന്നു ധനുഷ് ഐശ്വര്യയുടേത്. ഇപ്പോഴിതാ ഇവരുടെ വിവാഹ മോചനത്തെ കുറിച്ചുള്ള കൂടുതല് കാര്യങ്ങളാണ് ഗായിക സുചിത്ര പുറത്ത് വിട്ടിരിക്കുന്നത്. താരങ്ങളെ കുറിച്ചുള്ള വിവാദ വെളിപ്പെടുത്തല് ആണ് ഗായിക നടത്തിയിരിക്കുന്നത്.
ധനുഷും ഐശ്വര്യയും വിവാഹത്തിന് ശേഷവും അവിഹിത ബന്ധങ്ങള് തുടര്ന്നിരുന്നെന്ന് ഗായിക സുചിത്ര. ഒരു തമിഴ് യൂട്യൂബ് ചാനലിന് നല്കിയ അഭിമുഖത്തിലാണ് താരം വിവാദ വെളിപ്പെടുത്തല് നടത്തിയിരിക്കുന്നത്. വിവാഹത്തിന് ശേഷവും ധനുഷിനും ഐശ്വര്യക്കും ചില രഹസ്യബന്ധങ്ങള് ഉണ്ടായിരുന്നു എന്നാണ് സുചിത്ര പറയുന്നത്. രണ്ടുപേരും പരസ്പരം ചതിച്ചിട്ടുണ്ടെന്നും കല്യാണം കഴിഞ്ഞിട്ടും ഐശ്വര്യ ഡേറ്റിംഗിന് പോയിട്ടുണ്ടെന്നും സുചിത്ര അഭിമുഖത്തില് വെളിപ്പെടുത്തി.
മുന് ഭാര്ത്താവ് കാര്ത്തിക്കും ധനുഷും തന്നോട് ചെയ്തത് ഒരിക്കലും പൊറുക്കാനാകില്ലെന്നും അവര് വ്യക്തമാക്കി. അവര് ചെയ്ത ഒരു പ്രാങ്ക് കാരണം എന്റെ ജീവിതം, കരിയര് എല്ലാം നാശമായെന്നും സുചിത്ര ആരോപിച്ചു.'കാര്ത്തിക് ഒരു ഗേ ആണ്. എന്നാല് അത് തുറന്ന് പറയാനുള്ള ധൈര്യം അയാള്ക്കില്ല. കല്യാണം കഴിഞ്ഞ് എട്ട് വര്ഷത്തിനുള്ളിലാണ് ഞാനത് കണ്ടുപിടിച്ചത്. അയാള്ക്ക് രണ്ട് ബോയ്ഫ്രണ്ട്സ് ഉണ്ടായിരുന്നു. ഇവര് തമ്മിലുള്ള ചിത്രങ്ങള് ഞാന് കണ്ടിട്ടുണ്ടിരുന്നു. തുടര്ന്നാണ് ഞാന് വിവാഹമോചനം ആവശ്യപ്പെട്ടത്', സുചിത്ര പറഞ്ഞു.
ഇന്ത്യന് സിനിമാലോകത്തെ തന്നെ ഞെട്ടിച്ച വാര്ത്തകളിലൊന്നായിരുന്നു തമിഴ് നടന് ധനുഷും രജനീകാന്തിന്റെ മകള് ഐശ്വര്യയും തമ്മിലുള്ള വിവാഹമോചനം. 18 വര്ഷത്തെ ദാമ്പത്യത്തിനൊടുവിലാണ് ഇരുവരും വേര്പിരിയുന്നത്. ഇപ്പോഴിതാ, താരദമ്പതികളുടെ ജീവിതത്തില് എന്താണ് സംഭവിച്ചതെന്ന ഞെട്ടിക്കുന്ന ചില വെളിപ്പെടുത്തലുകള് നടത്തിയിരിക്കുകയാണ് ഗായിക സുചിത്ര.