ഇടുക്കി ചാരിറ്റി ഗ്രൂപ്പ് യു കെ കരിമ്പനിലെ നടക്കാന്‍ കൊതിക്കുന്ന മൂന്നു കുഞ്ഞുങ്ങള്‍ക്കു വേണ്ടിയും ക്യന്‍സര്‍ ബാധിച്ചു കട്ടിലില്‍ കിടക്കുമ്പോഴും രണ്ടു പെണ്‍കുട്ടികളുടെ ഭാവി ഓര്‍ത്തു കണ്ണീര്‍ ഒഴുക്കുന്ന തോപ്രാംകുടിയിലെ അമ്മക്കുവേണ്ടിയും നടത്തിയ ചാരിറ്റി അവസാനിച്ചപ്പോള്‍ 3500 പൗണ്ട് ഏകദേശം (350000 രൂപ) ലഭിച്ചു സഹായിച്ച എല്ലാവര്‍ക്കും ഞങ്ങളുടെ ഹൃദയം നിറഞ്ഞ നന്ദി അറിയിക്കുന്നു പണം നല്‍കിയ എല്ലാവര്‍ക്കും ബാങ്കിന്റെ കളക്ഷന്‍ സ്റ്റേറ്റ്‌മെന്റ് അയച്ചിട്ടുണ്ട് കിട്ടാത്തവര്‍ താഴെ കാണുന്ന ഞങ്ങളുടെ ഫോണ്‍ നമ്പറില്‍ ബന്ധപ്പെടണമെന്ന് അറിയിക്കുന്നു.
കിട്ടിയ തുകയില്‍ 175000 രൂപ കരിമ്പനിലെ നടക്കാന്‍ കൊതിക്കുന്ന മൂന്നു കുഞ്ഞുങ്ങളുടെ പിതാവായ വിജോ വര്‍ഗീസിനും, 175000രൂപ ക്യന്‍സര്‍ ബാധിച്ചു കഷ്ട്ടപ്പെടുന്ന തോപ്രാംകുടിയിലെ ചക്കുന്നുപുറത്തു സോഫി സാബുവിനും നല്‍കുമെന്ന് അറിയിക്കുന്നു.
തോപ്രാംകുടിയിലെ സോഫി എന്ന അമ്മയുടെ വേദന നിറഞ്ഞ ജീവിതം ഞങ്ങളെ അറിയിച്ചത് അവരുടെ സഹപാഠിയായ തോപ്രാംകുടി സ്വദേശിയും ഇപ്പോള്‍ യു കെയിലെ ഓസ്ഫോര്‍ഡ് ഷെയറില്‍ താമസിക്കുന്ന സൂസന്‍ ജസ്‌റിനാണ്. കരിമ്പനിലെ നടക്കാന്‍ കൊതിക്കുന്ന കുട്ടികളുടെ വീഡിയോ കണ്ട് ഞങ്ങള്‍ സാമൂഹിക പ്രവര്‍ത്തകനായ എപി ഉസ്മാനുമായി ബന്ധപ്പെട്ടു വിവരങ്ങള്‍ അറിയുകയും പിന്നീട് കുട്ടികളുടെ പിതാവിനെ നേരിട്ടു ബന്ധപ്പെട്ടു സഹായം വാഗ്ദാനം ചെയ്യുകയായിരുന്നു.
ബാങ്കിന്റെ സമ്മറി സ്റ്റേറ്റ്‌മെന്റ് കൂടെ പ്രസിദ്ധികരിക്കുന്നു. ഒരാഴ്ചകൊണ്ട് ഇത്രയും പണം ശേഖരിക്കാന്‍ കഴിഞ്ഞതില്‍ ഞങ്ങള്‍ക്ക് അഭിമാനമുണ്ട്.
ഇടുക്കി ചാരിറ്റി ഗ്രൂപ്പ് യു കെ എന്നത് കേരളത്തില്‍ നിന്നും യുകെ യില്‍ കുടിയേറിയ കഷ്ട്ടപാടും ബുദ്ധിമുട്ടും അറിഞ്ഞവരുടെ ഒരു കൂട്ടായ്മയാണ്.
ഞങ്ങള്‍ ഇതുവരെ സൂതാരൃവും സതൃസന്തവുമായി ജാതി, മത, വര്‍ഗ, വര്‍ണ്ണ, സ്ഥല, കാല ഭേതമെന്യയെ കേരളത്തിലും യു കെയിലും നടത്തിയ ചാരിറ്റി പ്രവര്‍ത്തനത്തിലൂടെ ഇതുവരെ 10250000(ഒരുകോടി രണ്ടുലക്ഷത്തി അന്‍പതിനായിരം) രൂപയുടെ സഹായം അര്‍ഹിക്കുന്നവര്‍ക്കു നല്‍കുവാന്‍ കഴിഞ്ഞിട്ടുണ്ട്.
2004 ല്‍ ഉണ്ടായ സുനാമിക്ക് പണം പിരിച്ചു അന്നത്തെ മുഖ്യമന്ത്രി ഉമ്മന്‍ ചാണ്ടിക്കു നല്‍കിക്കൊണ്ടാണ് ഞങ്ങള്‍ പ്രവര്‍ത്തനം ആരംഭിച്ചത്. ഞങ്ങളുടെ ഈ എളിയ പ്രവര്‍ത്തനത്തിനു മലയാളം യുകെ പത്രത്തിന്റെ അവാര്‍ഡ്, ലിവര്‍പൂള്‍ ക്‌നാനായ കമ്മ്യൂണിറ്റിയുടെ അംഗീകാരം പടമുഖം സ്‌നേഹമന്ദിരത്തിന്റെ അംഗീകാരം എന്നിവ ലഭിച്ചിട്ടുണ്ട്.
ഇടുക്കി ചാരിറ്റിക്കു നേതൃത്വം കൊടുക്കുന്നത് സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ് 07803276626 എന്നിവരാണ്.
'ദാരിദ്രൃം എന്തെന്നറിഞ്ഞവര്‍ക്കെ പാരില്‍ പരക്ലേശവിവേകമുള്ളു'.
More Latest News
പീറ്റര്‍ ചേരാനലൂര്‍ നയിക്കുന്ന സ്നേഹ സംഗീത രാവ്, അനേകം പ്രതിഭകള്‍ നയിക്കുന്ന കലാവിരുന്ന മെയ് നാലിന് ഈസ്റ്റ് ലണ്ടനില്‍; കലാപ്രേമികള്‍ക്ക് സ്വാഗതം
അബര്‍ഡീനില്‍ ഗീവര്‍ഗീസ് സഹദായുടെ പെരുന്നാള്‍ ഇന്നും നാളെയും; നാഗ്പൂര്‍ സെമിനാരി പ്രൊഫസര്‍ പ്രൊഫ. ഡോ. ജോണ്‍ മാത്യു മുഖ്യകാര്‍മ്മികത്വം വഹിക്കും
കോഴിക്കോട് ഫറോക്കില്‍ പുലര്‍ച്ചെ അപകടം, നിയന്ത്രണം വിട്ട ടൂറിസ്റ്റ് ബസ് മറിഞ്ഞ് കര്‍ണാടക സ്വദേശിയായ ഒരാള്‍ മരിച്ചു, പതിനെട്ട് പേര്‍ക്ക് പരിക്കേറ്റു
വാട്‌സ്ആപ്പില്‍ ഇനി വോയ്സ് കോള്‍ വളരെ എളുപ്പം, ഇന്‍-ആപ്പ് ഡയലറിലൂടെ കോണ്‍ടാക്ട്സില്‍ ഇല്ലാത്ത നമ്പറിലേക്കും എളുപ്പത്തില്‍ വിളിക്കാം
സോഷ്യല്‍മീഡിയില്‍ വിശ്വാസയോഗ്യമല്ലാതെ വരുന്ന എല്ലാ ലിങ്കിലും ക്ലിക്ക് ചെയ്യരുത്, വഞ്ചിതരാകാതിരിക്കാന്‍ പ്രത്യേകം ശ്രദ്ധിക്കണമെന്ന് മുന്നറിയിപ്പ് നല്‍കി പൊലീസ്
Most Read
British Pathram Recommends
