മലങ്കര ഓര്ത്തോഡോക്സ് സുറിയാനി സഭയുടെ സൗത്ത് വെസ്റ്റ് അമേരിക്കന് ഭദ്രാസനത്തിലെ സീനിയര് വൈദീകരില് പ്രമുഖനായ ബഹുമാനപ്പെട്ട ഡോ.സി.ഒ. വറുഗ്ഗീസ് അച്ചന് ഇന്ന് രാവിലെ 11.30 ന് സഹോദരന് വെര്ജീനിയയിലുള്ള സഹോദരന് ബേബികുട്ടിയുടെ വസതിയില് നിര്യാതനായി. ഏതാനും മാസങ്ങളായി വാര്ദ്ധക്യസഹജമായ അസുഖത്തെ തുടര്ന്ന് വിശ്രമ ജീവിതം നയിക്കുകയായിരുന്നു.
1936 ഏപ്രില് 23ന് തുമ്പമണ്ണില് ചക്കിട്ടടത്ത് കുടുംബത്തില് വറുഗ്ഗീസ് ഉമ്മന്റെയും തങ്കമ്മയുടെയും മകനായാണ് വറുഗ്ഗീസ് ജനിച്ചത്. യോഹന്നാന്, ഏലിയാമ്മ, മാത്യു, മേരിക്കുട്ടി, തോമസ്, ആനി എന്നിവരാണ് സഹോദരങ്ങള്.
കോട്ടയം കാതോലിക്കേറ്റ് കോളേജ് (ബി.എസ്.സി.), ഓര്ത്തഡോക്സ് തിയോളജിക്കല് സെമിനാരി, കോട്ടയം (ജി.എസ്.ടി.), യൂണിയന് സെമിനാരി, ന്യൂയോര്ക്ക് (എസ്.ടി.എം.), സെന്റ് വ്ളാഡിമിര് സെമിനാരി, ഡ്യൂക്ക് യൂണിവേഴ്സിറ്റി (എം.ആര്.ഇ), കോര്പ്പസ് ക്രിസ്റ്റി സ്റ്റേറ്റ് യൂണിവേഴ്സിറ്റി (എം.എസ്), ടെക്സസ് സതേണ് യൂണിവേഴ്സിറ്റി ( Ed.D) എന്നീവ നേടി. 1957-ല് ഭാഗ്യ സ്മരണാര്ഹനായ ഡാനിയേല് മാര് ഫീലക്സനോസ് തിരുമേനിയില് നിന്ന് ശെമ്മാശ്ശപട്ടവും 1961 ജൂണ് 16-ന് ഭാഗ്യ സ്മരണാര്ഹനായബസേലിയോസ് ഗീവര്ഗീസ് ദ്വിതീയന് കാതോലിക്കാ ബാവയില് നിന്ന് വൈദീക പട്ടവും സ്വീകരിച്ചു.
ആറാട്ടുപുഴ സെന്റ് മേരീസ് ഓര്ത്തോഡോക്സ് ഇടവക (2 വര്ഷം), കാരൂര് സെന്റ് പീറ്റേഴ്സ് ഓര്ത്തോഡോക്സ് ഇടവക (2 വര്ഷം), കുമ്പഴ സെന്റ് മേരീസ് ഓര്ത്തോഡോക്സ് ഇടവക (2 വര്ഷം), മദ്രാസ് സെന്റ് തോമസ് കത്തീണ്ട്രല് (1 വര്ഷം), തിരുവട്ടിയൂര് സെന്റ് മേരീസ് ഓര്ത്തോഡോക്സ് ഇടവക, താംബരം സെന്റ് ഗ്രീഗോറിയോസ് ഓര്ത്തോഡോക്സ് ഇടവക, ആവഡി സെന്റ് ജോര്ജ്ജ് ഓര്ത്തോഡോക്സ് ഇടവക, കാണ്പൂര് സെന്റ് മേരീസ് ഓര്ത്തോഡോക്സ് ഇടവക, സെന്റ് തോമസ് ഹൂസ്റ്റണ് (14 വര്ഷം), സെന്റ് സ്റ്റീഫന്സ് ഓര്ത്തോഡോക്സ് ഇടവക എന്നിവിടങ്ങളില് ഇടവക വികാരിയായി സേവനമനുഷ്ഠിച്ചു.
കഴിഞ്ഞ 50 വര്ഷമായി ബഹുമാനപ്പെട്ട സി ഒ വറുഗ്ഗീസ് അച്ചന് മലങ്കര ഓര്ത്തോഡോക്സ് സഭയുടെ ഒരു വൈദികനായി സൗത്ത് വെസ്റ്റ് അമേരിക്കന് ഭദ്രാസനത്തില് ഉള്പ്പെടെ വിവിധ ദേവാലയങ്ങളില് സ്തുത്യര്ഹമായ സേവനം അനുഷ്ഠിച്ചു വരികയായിരുന്നു. ഹൂസ്റ്റണിലെ ഇന്ത്യന് ഓര്ത്തഡോക്സ് സഭയുടെ പയനിയര് കൂടിയാണ് ബഹുമാനപ്പെട്ട അച്ചന്. 1970 -കളില് ഹൂസ്റ്റണില് വിശുദ്ധ കുര്ബാന അര്പ്പിക്കുവാനായി അദ്ദേഹം കോര്പ്പസ് ക്രിസ്റ്റിയില് നിന്ന് യാത്ര ചെയ്തു. ഹൂസ്റ്റണിലെ ആദ്യത്തെ ഓര്ത്തഡോക്സ് ഇടവക സമൂഹത്തിന്റെ സ്ഥാപക വികാരിയായിരുന്നു അദ്ദേഹം.
തന്റെ അജപാലന ശുശ്രൂഷയില്, ഭവനങ്ങള് സന്ദര്ശിക്കാന് അദ്ദേഹം പ്രത്യേകം പരിശ്രമിക്കുകയും ആത്മീയ പരിചരണം ആവശ്യമുള്ള എല്ലാവര്ക്കും ഒരു വൈദികന്റെ സേവനം വ്യാപിപ്പിക്കുകയും ചെയ്യുവാന് പ്രത്യേകം ശ്രദ്ധിച്ചിരുന്നു. യുവതീ-യുവാക്കളെ അവരുടെ വിശ്വാസത്തിലും പഠനത്തിലും ജോലിയിലും പ്രചോദിപ്പിക്കുവാന് ബഹുമാനപ്പെട്ട അച്ചന് പ്രത്യേകം താല്പര്യം എടുത്തിരുന്നു. അമേരിക്കയിലെ യുവതലമുറയുടെ ഉപയോഗത്തിനായി വിശുദ്ധ കുര്ബാനയുടെ പൊതു പ്രാര്ത്ഥന പുസ്തകവും പ്രസിദ്ധീകരിക്കാന് അദ്ദേഹം പ്രത്യേകം പരിശ്രമിച്ചു.
അദ്ദേഹത്തിന്റെ ശുശ്രൂഷയെയും വിശുദ്ധ സഭയ്ക്കുള്ള അദ്ദേഹത്തിന്റെ സേവനത്തെയും ദൈവം പ്രതിഫലം നല്കട്ടെ എന്ന് പ്രാര്ത്ഥിക്കുന്നു. സംസ്കാര ശുശ്രൂഷകള് ഹൂസ്റ്റണ് സെന്റ് സ്റ്റീഫന്സ് ഓര്ത്തോഡോക്സ് ദേവാലയത്തില് പിന്നീട് നടക്കും. മലങ്കര ഓര്ത്തോഡോക്സ് സഭയുടെ സീനിയര് വൈദീകരില് ഒരാളായ ബഹുമാനപ്പെട്ട സി.ഒ. വറുഗ്ഗീസ് അച്ചന്റെ വേര്പാടില് മലങ്കര ഓര്ത്തോഡോക്സ് സുറിയാനി സഭയുടെ പരമാദ്ധ്യക്ഷന് പരിശുദ്ധ ബസേലിയോസ് മാര്ത്തോമാ മാത്യൂസ് തൃതീയന് കാതോലിക്കാ ബാവ, സൗത്ത് വെസ്റ്റ് അമേരിക്കന് ഭദ്രാസന സഹായ മെത്രാപോലീത്ത ഡോ. സഖറിയാസ് മാര് അപ്രേം, അഹമ്മദാബാദ് ഭദ്രാസന മെത്രാപോലീത്ത ഡോ. ഗീവറുഗീസ് മാര് യൂലിയോസ്, സൗത്ത് വെസ്റ്റ് ഭദ്രാസന സെക്രട്ടറി ഫാ. ഫിലിപ്പ് എബ്രഹാം, വൈദീക സംഘം സെക്രട്ടറി ഫാ. മാത്യൂസ് ജോര്ജ്ജ്. ഓര്ത്തോഡോക്സ് ടിവിക്കു വേണ്ടി ഫാ.ജോണ്സന് പുഞ്ചക്കോണം എന്നിവര് അനുശോചനം രേഖപ്പെടുത്തി.
കൂടുതല് വിവരങ്ങള്ക്ക്
ഫാ. ജോണ്സണ് പുഞ്ചക്കോണം
770 -310-9050