ഭര്ത്താവിന്റെ സുഹൃത്ത് വീട്ടമ്മയെ ഹോട്ടല് മുറിയിലേയ്ക്ക് കൊണ്ടു പോയി ബലാത്സംഗം ചെയ്തു. സംഭവത്തില് പൊലീസില് പരാതി നല്കിയ യുവതിയായ വീട്ടമ്മയെ കൊല്ലുമെന്ന് ഭീഷണിപ്പെടുത്തി യുവാവ്. അങ്കമാലി സ്വദേശി മാക്സ് വെല് ടോമിനെതിരെയാണ് മരട് പൊലീസില് യുവതി വീണ്ടും പരാതി നല്കിയത്.
മുപ്പതുകാരിയായ പരാതിക്കാരിയുടെ ഭര്ത്താവിന്റെ സുഹൃത്താണ് 25 കാരനായ മാക്സ് വെല് ടോം.ഇയാള് തെറ്റിദ്ധരിപ്പിച്ച് നെടുമ്പാശ്ശേരി വിമാനത്താവളത്തിനടുത്തുള്ള ഹോട്ടലില് കൊണ്ടുപോയി ബലാത്സംഗം ചെയ്ത്, ദൃശ്യങ്ങള് മൊബൈല് ഫോണില് പകര്ത്തി എന്ന് ആരോപിച്ചായിരുന്നു യുവതി ആദ്യം പരാതി നല്കിയത്. തുടര്ന്ന് നെടുമ്പാശ്ശേരി പൊലീസ് പ്രതിയെ അറസ്റ്റ് ചെയ്തിരുന്നു.എന്നാല് പുറത്തിറങ്ങിയ ഇയാള് നിരന്തരം വധഭീഷണി മുഴക്കുകയും അപമാനിക്കുകയുമായിരുന്നു. കഴിഞ്ഞ ദിവസം കാറില് യാത്ര ചെയ്യുന്നതിനിടെ തന്നെയും മക്കളേയും ദേഹോപദ്രവം ഏല്പ്പിക്കുകയും ചെയ്തെന്ന് വീട്ടമ്മ പറഞ്ഞു.