ത്രേസ്യാമ്മാ ജോർജ് നങ്യാലിൽ (79) വയലാ, കോട്ടയം നാട്ടിൽ നിര്യാതയായി
Story Dated: 2022-10-06
ലണ്ടൻ : യുകെ മലയാളീകളായ സട്ടനിൽ താമസിക്കുന്ന സൈജു ജോർജിന്റെയും (മാസ് - മുൻ പ്രസിഡന്റ്) , ബർമിംഗ്ഹാമിൽ താമസിക്കുന്ന ബിജോ ജോർജിന്റെയും മാതാവും , ജോർജ് നങ്യാലിന്റെ ഭാര്യയുമായ ത്രേസ്യാമ്മ ജോർജ് (റിട്ട . ഹെഡ് നേഴ്സ് ) ഇന്ന് നാട്ടിൽ നിര്യാതയായി. സംസ്കാരം നാളെ (07/10/22) വെള്ളിയാഴ്ച ഉച്ചകഴിഞ്ഞ് 3.30ന് വയലാ സെന്റ് ജോർജ് പള്ളിയിൽ.
മക്കൾ : ജോസഫ് ജോർജ് (ബൈജു) (S.I. of police, ഏറ്റുമാനൂർ), സൈജു ജോർജ് (London, U.K.), ബിജോ ജോർജ് (Birmingham, U.K.), സിജോ ജോർജ് (Brisbane, Australia).
മരുമക്കൾ : മിനി ജോസഫ് (വല്ലടിയിൽ, കാളികാവ് ), ജെയ്സി (അരയത്ത്, വാലാച്ചിറ, London, U.K.) ബിജി (പറൂക്കര, മല്ലപ്പള്ളി,U.K), ജിൻസി (ചക്കുങ്ങൽ, പഴങ്ങനാട്, Brisbane)
More Latest News
'നീട്ടി വളര്ത്തിയ മുടി, കൂടെ കണ്ണട കൂടി വെച്ചതോടെ സ്റ്റൈല് കംപ്ലീറ്റ്' വീണ്ടും ചുള്ളന് ലുക്കില് മമ്മൂട്ടി, ഇദ്ദേഹത്തിന്റൈ പോക്ക് എങ്ങോട്ടാണെന്ന് സോഷ്യല് മീഡിയ
സോഷ്യല് മീഡിയയില് മമ്മൂട്ടിയുടെ ലുക്ക് ചെറുപ്പക്കാര്ക്കിടയില് എപ്പോഴും സെന്സേഷന് ആകാറുണ്ട്. ചെറുപ്പക്കാരുടെ സ്റൈല് എൈക്കണായി മമ്മൂട്ടി മാറിയിട്ട് വര്ഷങ്ങളായി. ഏതൊരു ചെറുപ്പക്കാരനും മമ്മൂട്ടിയുടെ ഓരോ ലുക്കും കണ്ട് അസൂയ വന്നിട്ടുണ്ടാകും.
ഇപ്പോള് വൈറലാവുന്നത് മമ്മൂട്ടിയുടെ പുതിയ ചിത്രമാണ്. കൗ ബോയ് ഹാറ്റ് ധരിച്ച് സൂപ്പര് കൂള് ലുക്കില് നില്ക്കുന്ന മമ്മൂട്ടിയെ ആണ് ഫോട്ടോയില് കാണുന്നത്. വീണ്ടും സോഷ്യല് ഹിറ്റാവുകയാണ് മമ്മൂട്ടിയുടെ ചിത്രം.
വെള്ള ടീ ഷര്ട്ടും ബ്ല്യൂ ഡെനിം ജീന്സും ധരിച്ചാണ് നില്പ്പ്. നീട്ടി വളര്ത്തിയ മുടി താരം കെട്ടിവച്ചിരിക്കുകയാണ്. കൂടെ കണ്ണട കൂടി വെച്ചതോടെ സ്റ്റൈല് കംപ്ലീറ്റായി. ഊരുചുറ്റുന്നവന് (rambler) എന്ന അടിക്കുറിപ്പിലാണ് താരം ചിത്രം പോസ്റ്റ് ചെയ്തിരിക്കുന്നത്. ഷാനി ഷാകിയാണ് ചിത്രം പകര്ത്തിയിരിക്കുന്നത്.
എന്തായാലും ആരാധകര്ക്കിടയില് വൈറലാവുകയാണ് ചിത്രം. ചെറുപ്പക്കാരെയൊന്നും ജീവിക്കാന് സമ്മതിക്കില്ല അല്ലേ- എന്നായിരുന്നു അഭിഭാഷകന് ഹരീഷ് വാസുദേവന്റെ കമന്റ്. ഇന്ന് സോഷ്യല്മീഡിയ കത്തും എന്റെ പൊന്ന് ഇക്ക എന്നാണ് മറ്റൊരാള് കുറിച്ചത്. അതിനിടെ മമ്മൂട്ടിയുടെ ഫോട്ടോ ഷെയര് ചെയ്തുകൊണ്ട് അജു വര്ഗീസ് കുറിച്ചത് ദി റിയല് ജാഡ എന്നാണ്.
'ഒരിക്കലും വളരാത്ത ഹോപ്പിന്റെ അപ്പനു ജന്മദിനാശംസകള്' ബേസില് ജോസഫിന്റെ പിറന്നാള് ദിനത്തില് ഭാര്യ എലിസബത്തിന്റെ വക പിറന്നാള് ആശംസകള് അറിയിച്ച് ചിരി പടര്ത്തുന്ന കുറിപ്പ്
നടനും സംവിധായകനുമായ ബേസില് ജോസഫിന്റെ പിറന്നാള് ദിനത്തില് താരത്തിന് പലയിടത്ത് നിന്നും ആശംസകള് അറിയിച്ച് സുഹൃത്തുക്കള് എത്തിയിരുന്നു. ബേസിലിന്റെ പ്രിയപ്പെട്ട സുഹൃത്തായ ടൊവിനോ ഒരു വീഡിയോ ആണ് ആശംസ ആയി അറിയിച്ചത്.
'വെണ്ണിലാ ചന്ദനക്കിണ്ണം പുന്നമടക്കായലില് വീണേ...' എന്നു പാടികൊണ്ട് വള്ളം തുഴഞ്ഞുപോവുന്ന ബേസിലിന്റെ രസകരമായൊരു വീഡിയോ ആണ് ടൊവിനോ പങ്കുവച്ചിരിക്കുന്നത്. മുടി ഒരുവശത്തേക്ക് ചീവിയൊതുക്കി, കണ്ണാടിവച്ച് വിന്റേജ് ലുക്കിലുള്ള ബേസിലിനെയാണ് വീഡിയോയില് കാണുക. ഈ വീഡിയോ ആരാധകര് ഇതിനകം തന്നെ ഏറ്റെടുത്തു കഴിഞ്ഞു. പതിവു പോലെ പരസ്തപരം ട്രോളിയും ചിരിപടര്ത്തിയും ആശംസകള് അറിയിക്കുന്നത് ഇക്കുറിയും തെറ്റിക്കാതെ ടൊവിനോ ചെയ്തിട്ടുണ്ട്. എന്നാല് ബേസിലിന്റെ ഭാര്യ എലിസബത്ത് അറിയിച്ച ആശംസ ആണ് വൈറലാകുന്നത്.
മകള് ഹോപ്പിനെ അരമണിക്കൂര് സമയത്തേക്ക് ബേസിലിനെ ഏല്പ്പിച്ചു പോയപ്പോഴുണ്ടായ രസകരമായൊരു അനുഭവം വീഡിയോയിലൂടെ പങ്കിടുകയാണ് എലിസബത്ത്. എലിസബത്ത് എവിടെയോ പോയി തിരിച്ചു വരുമ്പോള് വാതിലും തുറന്നിട്ട് പുറത്തേക്ക് നോക്കിയിരിക്കുന്ന ബേസിലിനെയും കുഞ്ഞു ഹോപ്പിനെയുമാണ് വീഡിയോയില് കാണാനാവുക.'ഇതെന്താ ഇവിടെയിരിക്കുന്നേ? ഞാന് പോയപ്പോള് ഹോപ്പിന് ഇച്ചിരി കൂടി തുണിയുണ്ടായിരുന്നല്ലോ? ആ പാന്റ് എവിടെ പോയി?' എലിസബത്ത് തിരക്കുന്നു.'അത് വാഷ് ബേസിലിലെ വെള്ളം മേലായിട്ട് ഊരി കളഞ്ഞെന്നാണ്' ബേസിലിന്റെ മറുപടി.അതിന് വാഷ് ബേസിലില് എന്തിനാ പോയതെന്നായി എലിസബത്ത്.'കരഞ്ഞപ്പോള് ഞാന് അതിനകത്തുകൊണ്ടിരുത്തി. പിന്നെ കുറച്ചുനേരം ഫ്രിഡ്ജില് കയറ്റി. ചോക്ക്ലേറ്റൊക്കെ നിലത്തിട്ടിട്ടുണ്ട്. പിന്നെ ബോറടിച്ചപ്പോ ലിഫ്റ്റ് കാണിക്കാമെന്നോര്ത്ത് പുറത്തിറങ്ങി ഇരുന്നതാ.ലിഫ്റ്റ് കണ്ടപ്പോള് ഇച്ചിരി സമാധാനമായി,' സ്വതസിദ്ധമായ ചിരിയുടെ അകമ്പടിയോടെ ബേസിലിന്റെ മറുപടിയിങ്ങനെ.'ഒരിക്കലും വളരാത്ത ഹോപ്പിന്റെ അപ്പനു ജന്മദിനാശംസകള്,' എന്ന അടിക്കുറിപ്പോടെയാണ് എലിസബത്ത് വീഡിയോ ഷെയര് ചെയ്തിരിക്കുന്നത്.
'ഇങ്ങനെ ഒരു നോട്ടിഫിക്കേഷന് നിങ്ങള്ക്കുവന്നാല് നിങ്ങള് അത് നോക്കാന് പോകേണ്ട', തന്റെ ഫേസ്ബുക്ക് അക്കൗണ്ട് ഹാക്ക് ചെയ്യപ്പെട്ടതിനെ കുറിച്ച് വിഷ്ണു ഉണ്ണി കൃഷ്ണന്
കുറച്ച് ദിവസങ്ങള്ക്ക് മുന്പാണ് നടനും തിരക്കഥാകൃത്തുമായ വിഷ്ണു ഉണ്ണികൃഷ്ണന്റെ ഫെയ്സ്ബുക്ക് ഹാക്ക് ചെയ്യപ്പെട്ടത്. മണിക്കൂറുകള്ക്കുള്ളില് തന്നെ അക്കൗണ്ട് തിരിച്ചു ലഭിച്ചെങ്കിലും സംഭവം വലിയ വാര്ത്തയായിരുന്നു. അക്കൗണ്ട് ഹാക്ക് ചെയ്യപ്പെട്ടത് പാക്കിസ്ഥാനില് നിന്നായിരുന്നു എന്ന് പിന്നീട് വിഷ്ണു തന്നെ പറയുകയുണ്ടായി. ഇപ്പോഴിതാ അക്കൗണ്ട് ഹാക്ക് ചെയ്യപ്പെടാന് കാരണമായി ടെക്നീഷ്യന്സ് പറഞ്ഞ കാര്യങ്ങളാണ് താരം സോഷ്യല് മീഡിയയിലൂടെ പറയുന്നത്.
ഫെയ്സ്ബുക്ക് എങ്ങനെയാണ് നഷ്ടപ്പെട്ടതെന്നും എങ്ങനെയാണ് വീണ്ടെടുത്തതെന്നും ചോദിച്ച് നിരവധിപേര് തന്നെ സമീപിച്ചെന്നും അതിനാലാണ് വിഡിയോ ചെയ്യുന്നത് എന്നാണ് താരം പറഞ്ഞത്. കമ്യൂണിറ്റി ഗൈഡ്ലൈന് തെറ്റിച്ചു എന്ന് പറഞ്ഞുവെന്ന നോട്ടിഫിക്കേഷന് ക്ലിക്ക് ചെയ്തതാണ് ഫെയ്സ്ബുക്ക് പോകാന് കാരണമായത് എന്നാണ് താരം പറയുന്നത്. വീഡിയോ സന്ദേശത്തിലൂടെയാണ് താരം ഈ കാര്യം അറിയിച്ചത്.വിഷ്ണു ഉണ്ണികൃഷ്ണന്റെ വാക്കുകള്:'ഒടുവില് ആ സത്യം ഞാന് തുറന്നു പറയുകയാണ്. എങ്ങനെ എന്റെ പേജ് നഷ്ടപ്പെട്ടു എന്ന്. ഞാന് ടൂ ഫാക്റ്റര് ഓഥന്റിഫിക്കേഷന് എല്ലാം ചെയ്തിരുന്നു. എന്നിട്ടും എന്റെ പേജ് പോയതില് എനിക്ക് അത്ഭുതമുണ്ടായിരുന്നു. കഴിഞ്ഞ ദിവസം എന്റെ ഒരു സുഹൃത്തിന്റെ പേജും പോയി എന്ന് പറഞ്ഞ് വിളിച്ചു. ഒരുപാട് പേര് എങ്ങനെയാണ് പേജ് പോയതെന്നും എങ്ങനെയാണ് അത് തിരിച്ചുകിട്ടിയതെന്നും ചോദിച്ച് ഒരുപാട് മെസേജുകളും കോളുകളും എനിക്ക് വരുന്നുണ്ട്. എല്ലാവര്ക്കും വേണ്ടിയാണ് ഈ വിഡിയോ. വിഷുവിന്റെ അന്ന് ഞാന് എന്റെ കുടുംബത്തിനൊപ്പമുള്ള ഫോട്ടോ പോസ്റ്റ് ചെയ്തിരുന്നു. നന്ദനം സിനിമയിലെ പാട്ട് അതില് ഞാന് ആഡ് ചെയ്തിട്ടുണ്ടായി.
രണ്ട് ദിവസം കഴിഞ്ഞ് ഫെയ്സ്ബുക്കില് നിന്ന് എനിക്കൊരു നോട്ടിഫിക്കേഷന് വന്നു. കമ്യൂണിക്കേഷന് ഗൗഡ്ലൈന് വയലേറ്റ് ചെയ്തു എന്ന് പറഞ്ഞുകൊണ്ട്. 24 മണിക്കൂറിനുള്ളില് റിവ്യൂ ചെയ്തില്ലെങ്കില് അക്കൗണ്ട് റെസ്ട്രിക്റ്റ് ആകും എന്നാണ് പറഞ്ഞിരുന്നത്. ആറേഴ് നോട്ടിഫിക്കേഷന് വന്നപ്പോള് ഞാന് അത് എന്താണെന്ന് നോക്കി. പാട്ട് ആഡ് ചെയ്തതുകൊണ്ട് അതിന്റെ കോപ്പിറൈറ്റ് വന്നതാണ് എന്നാണ് ഞാന് കരുതിയത്. ഞാന് അത് നോക്കിയെങ്കിലും അത് കംപ്ലീറ്റായില്ല. അതാണ് ഹാക്കേഴ്സ് അയച്ച ലിങ്ക് എന്നാണ് ഫെയ്സ്ബുക്ക് ടീം എന്നോട് പറഞ്ഞത്. ഇങ്ങനെ ഒരു നോട്ടിഫിക്കേഷന് നിങ്ങള്ക്കുവന്നാല് നിങ്ങള് അത് നോക്കാന് പോകേണ്ട. അങ്ങനെയൊരു നോട്ടിഫിക്കേഷന് അവര് അയക്കില്ല. അത് നോക്കാന് പോയാല് ഗുദാഹവാ. ആദ്യം ചെയ്ത വിഡിയോയ്ക്ക് കുറേ ട്രോളൊക്കെ വന്നതുകണ്ടിട്ട് ക്ലാരിഫിക്കേഷനുവേണ്ടി ചെയ്തതാണെന്ന് ആരും പറയരുത്. എന്റെ ആയിരത്തോളം ഫ്രണ്ട്സ് ആവശ്യപ്പെട്ടതുകൊണ്ടാണ് ഞാന് ഈ വിഡിയോ ചെയ്തത്. തെറ്റുണ്ടെങ്കില് ക്ഷമിക്കുക.'
വീട്ടിലെ പൂച്ചയ്ക്ക് പറ്റിയൊരു അബദ്ധം, വീട്ടുടമയുടെ അടുക്കളയുടെ പാതി കത്തി നശിച്ചു, 12 ലക്ഷം രൂപയുടെ നാശനഷ്ടം, സിസിടിവിയില് കണ്ടത് ഞെട്ടിപ്പിക്കുന്ന കാര്യങ്ങള്
വീട്ടില് അരുമയായി വളര്ത്തിയിരുന്ന പൂച്ചയ്ക്ക് സംഭവിച്ച ഒരു കൈയ്യബദ്ധം ഉടമയ്ക്ക് ഉണ്ടാക്കിയത് വലിയ നാശനഷ്ടമായിരുന്നു. തെക്കുപടിഞ്ഞാറന് ചൈനയിലെ സിചുവാന് പ്രവിശ്യയിലുള്ള ദണ്ഡന് എന്ന വ്യക്തിയുടെ ഉടമസ്ഥതയിലുള്ള ഫ്ലാറ്റാണ് പാതിയും കത്തി നശിച്ചത്.
ഉടമ ഫ്ലാറ്റിലുണ്ടാകാതിരുന്ന സമയത്ത് അയാളുടെ പൂച്ചയായ ജിങ്കൗഡിയോ മാത്രമാണ് ഉണ്ടായിരുന്നത്. ഏപ്രിന് നാലിനാ് സംഭവം. ഫ്ലാറ്റിന് തീ പിടിച്ചുവെന്ന് കോമ്പൗണ്ടിലെ പ്രോപ്പര്ട്ടി മാനേജുമെന്റ് സ്റ്റാഫില് നിന്ന് വിവരം ലഭിച്ചതിനെ തുടര്ന്നാണ് ദണ്ഡന് സ്ഥലത്തെത്തിയത്. ഫ്ലാറ്റിലെത്തി പരിശോധിച്ചപ്പോഴാണ് അടുക്കളയുള്പ്പെടുന്ന വീടിന്റെ ഒരു ഭാഗം കത്തിനശിച്ചതായി കണ്ടെത്തിയത്.
സിസിടിവി വീഡിയോ കണ്ടപ്പോഴാണ് ഫ്ലാറ്റ് എങ്ങനെ കത്തി നശിച്ചു എന്ന് മനസ്സിലായത്. ഇന്ഡക്ഷന് കുക്കര് ഓണായ വിവരം വീട്ടുടമ അറിയാതെ പോയതാണ് അപകടത്തിന് കാരണമായത്. പൂച്ചയുടെ കാല് തട്ടി ഇന്ഡക്ഷന് കുക്കര് ഓണായത് കണ്ടെത്തിയത്. ജിന്ഗൗഡിയാവോ അടുക്കളയില് കളിക്കുന്നതിനിടയില് ഇന്ഡക്ഷന് കുക്കറിന്റെ ടച്ച് പാനലില് അബദ്ധത്തില് ചവിട്ടിയതോടെ അത് ഓണാവുകയായിരുന്നു.
തീപിടുത്തതില് 1,00,000 യുവാന് അതായത് 12 ലക്ഷം രൂപയുടെ നഷ്ടമാണ് കണക്കായിരിക്കുന്നത്. തീപിടുത്തതില് ജിങ്കൗഡിയോ സാരമായ പരിക്കുകളോടെ രക്ഷപ്പെട്ടു. ഇന്ഡക്ഷന് കുക്കര് അധിക സമയം ഓണായി ഇരുന്നതിനെ തുടര്ന്നാണ് അപകടം ഉണ്ടായത്. സിസടിവി ദൃശ്യങ്ങള് പരിശോധിച്ചപ്പോഴാണ് .
ദണ്ഡന് തന്നെയാണ് തന്റെ സോഷ്യല് മീഡിയ അക്കൗണ്ടിലൂടെ ഈ വിവരങ്ങള് പുറത്തുവിട്ടത്. വീടിന്റെ പകുതിയും കത്തി നശിച്ചിട്ടും അപകടത്തോടുള്ള ഉടമയുടെ ലഘുവായ പ്രതികരണവും പൂച്ചയുടെ ഭംഗിയുള്ള രൂപവും കുറിപ്പ് ഏറെ പേരെ ആകര്ഷിച്ചു. 8 ദശലക്ഷം പേരാണ് ഇതിനകം ഡൂയിനിലെ കുറിപ്പ് കണ്ടത്. നിരവധി ആളുകളാണ് ഉടമയെ അനുകൂലിച്ചും പ്രതികൂലിച്ചും രംഗത്തെത്തിയ
ഭക്ഷണം വരാന് വൈകിയാല് ഈ ഹോട്ടലില് ഫോണ് നോക്കി ഇരിക്കേണ്ട, ആളുകളെ വീണ്ടും പുസ്തക വായനാ ശീലത്തിലേക്കെത്തിക്കാന് കണ്ടുപിടിച്ച ഈ ബുദ്ധി ഒരു പഴയ ആറാം ക്ലാസ്സുകാരിയുടേത്
ജീവിതത്തില് തിരക്ക് കൂടി വന്നപ്പോള് ആളുകള് മറന്നു പോയ ഒന്നാണ് പുസ്തക വായന. എവിടെയും ഒരു അഞ്ച് മിനുറ്റ് ലഭിച്ചാല് ഫോണില് നോക്കി സമയം കളയുന്ന ജനത ഇന്ന് പുസ്തകങ്ങള് വായിക്കാന് മറന്നു പോകുന്നു. എന്നാല് ഈ ഹോട്ടലിലെത്തിയാല് നിങ്ങള് ഒരു പുസ്തകത്തിലെ ഒരു വരിയെങ്കിലും വായിക്കാതെ പോകില്ല.
'അജ്ജിച്യ പുസ്തകാഞ്ച' ഹോട്ടല് ആണ് വേറിട്ട ഒരു അനുഭവത്തിലൂടെ ആളുകളെ പഴയ ശീലത്തിലേക്ക് എത്തിക്കുന്നത്. ചെറുപ്പം മുതല് വായന ഏറെ ഇഷ്ടപ്പെട്ടിരുന്ന ഭീമാബായി ആണ് ഈ ഹോട്ടലിന്റെ ഉടമ. ജീവിതത്തില് നേരിടേണ്ട വന്ന കഷ്ടപ്പാടുകളില് നിന്നും ഇന്ന് ഒരു സംരംഭകയിലേക്ക് എത്തിയപ്പോള് പഴയ മൂല്യങ്ങളെയും കൂട്ട് പിടിക്കുകയാണ് ഇവര്.
വെറും ആറാം ക്ലാസ്സ് വിദ്യാഭ്യാസ യോഗ്യത ഉള്ളപ്പോഴാണ് ഇവരുടെ വിവാഹം. ഒരു ചെറിയ ഗ്രാമത്തിലേക്ക് പിന്നീട് ജീവിതം പറിച്ചു നടപ്പെട്ടപ്പോള് കഷ്ടപ്പാടുകളും ഭര്ത്താവിന്റെ ദുശീലങ്ങളും അവരെ തളര്ത്തിയില്ല. കുഞ്ഞുങ്ങള്ക്ക് വേണ്ടി എല്ലാത്തിനോടും പടവെട്ടി ജീവിച്ചു.
ഒടുവിലാണ് അവര് ചെറിയ രീതിയില് കട തുടങ്ങുന്നത്. അതിനു മുന്പ് മകന് തുടങ്ങിയ പബ്ലിഷിങ് കമ്പനി പൂട്ടേണ്ടി വന്നിരുന്നു. അന്ന് അവിടെ ബാക്കിയായത് കുറച്ച് മറാത്തി പുസ്തങ്ങളായിരുന്നു. പുതിയ ചായക്കടയിലേക്ക് അവര് ആ പുസ്തകങ്ങളും കൂട്ടി.
പുതിയ ചായക്കടയിലൂടെ പുതിയൊരു കാഴ്ചപ്പാടാണ് ഇവര് ഉണ്ടാക്കിയത്. ഭക്ഷണം വരാന് കാത്തിരിക്കുന്ന സമയത്ത് എല്ലാവരും ഫോണില് തന്നെ മുഖം താഴ്ത്തിയിരിക്കുന്ന കാഴ്ച ബീമാഭായിക്ക് മാറ്റണമെന്ന് തോന്നി. വായനയില് താല്പ്പര്യമുണ്ടെങ്കിലും അതിന് ഒരിക്കലും അവസരം ലഭിക്കാത്ത സ്ത്രീ എന്ന നിലയില്, ആളുകളില് വായനാ ശീലം പുനരാരംഭിക്കാന് അവര് തീരുമാനിച്ചു. ഭക്ഷണശാലയിലെ ഒരു സ്റ്റാന്ഡില് വെറും 25 പുസ്തകങ്ങളുമായി അവര് തുടങ്ങി. പിന്നീടത് വളര്ന്നുകൊണ്ടിരുന്നു.
ഇന്ന് ഭക്ഷണം മേശയില് എത്തുമ്പോഴേക്കും പലരും പുസ്തകത്തിന്റെ രണ്ടാം അധ്യായത്തില് എത്തിയിരിക്കും. ഭീമാബായിയുടെ ഉദ്യമത്തെ ആളുകള് അഭിനന്ദിക്കാന് തുടങ്ങി. കേവലം 25 പുസ്തകങ്ങളുമായി തുടങ്ങിയ പുസ്തക ശേഖരം ഇന്ന് 5000 പുസ്തകങ്ങളായി വളര്ന്നിരിക്കുന്നു.