നരേന്ദ്ര മോദി തുടര്ച്ചയായ മൂന്നാം തവണയും രാജ്യത്തിന്റെ പ്രധാനമന്ത്രിയാകുമെന്ന പ്രഖ്യാപനവുമായി കേന്ദ്ര ആഭ്യന്തര മന്ത്രി അമിത് ഷാ രംഗത്ത്. അസമിലെ ഗുവാഹത്തിയിലെ പൊതുചടങ്ങില് സംസാരിക്കവേ ആണ് അമിത് ഷായുടെ പ്രഖ്യാപനം.
പ്രതിപക്ഷ പാര്ട്ടികള് ഉദ്ഘാടനച്ചടങ്ങ് ബഹിഷ്കരിക്കുന്നത് രാജ്യത്തെ വലിയ ഒരു വിഭാഗം ജനങ്ങള് മോദിക്കൊപ്പമുണ്ടെന്ന കാര്യം അംഗീകരിക്കാതെയാണെന്നും അദ്ദേഹം ചൂണ്ടിക്കാട്ടി.
പുതിയ പാര്ലമെന്റ് മന്ദിരത്തിന്റെ ഉദ്ഘാടനച്ചടങ്ങ് ബഹിഷ്കരിക്കാന് പദ്ധതിയിടുന്ന കോണ്ഗ്രസും മറ്റു പ്രതിപക്ഷ പാര്ട്ടികളും അടുത്ത ലോക്സഭാ തെരഞ്ഞെടുപ്പില് വലിയ വില നല്കേണ്ടി വരുമെന്നും അദ്ദേഹം കൂട്ടിച്ചേര്ത്തു.
അടുത്ത വര്ഷം 300 ലധികം സീറ്റുകളോടെ നരേന്ദ്ര മോദി വീണ്ടും പ്രധാനമന്ത്രിയാകും. കോണ്ഗ്രസിന് പ്രതിപക്ഷ പദവി നഷ്ടപ്പെട്ടു. ലോക്സഭയില് ഇപ്പോഴുള്ള സീറ്റുകളുടെ എണ്ണം പോലും ഉറപ്പിക്കാന് കോണ്ഗ്രസിന് കഴിയില്ലെന്നും അമിത് ഷാ കൂട്ടിച്ചേര്ത്തു.