സീറോ മലബാര്‍ സഭയുടെ ഗ്രേറ്റ് ബ്രിട്ടന്‍ രൂപതയുടെ കീഴിലുള്ള ലീഡ്‌സ് റീജണ്‍ ബൈബിള്‍ കലോത്സവം ഒക്ടോബര്‍ 21-ാം തീയതി ശനിയാഴ്ച നടത്തപ്പെടും. ലീഡ്‌സ് റീജണ്‍ രൂപീകൃതമായതിനുശേമുള്ള ആദ്യ ബൈബിള്‍ കലോത്സവം ബ്രാഡ്‌ഫോര്‍ഡിലുള്ള ഡിക്‌സണ്‍ കോട്ടിങ്ങിലി അക്കാദമിയില്‍ വച്ചാണ് നടത്തപ്പെടുക . ശനിയാഴ്ച രാവിലെ 9 മണിക്ക് ബൈബിള്‍ പ്രതിഷ്ഠയും തുടര്‍ന്ന് ബൈബിള്‍ കലോത്സവത്തിന്റെ ഉദ്ഘാടനവും നടത്തപ്പെടുന്നതാണ്. ഒമ്പതരയോട് ആരംഭിക്കുന്ന മത്സരങ്ങള്‍ വൈകിട്ട് 5 മണിയോടെ പൂര്‍ത്തിയാകുകയും തുടര്‍ന്ന് സമാപന സമ്മേളനം നടക്കുകയും ചെയ്യും. നാലോളം വേദികളില്‍ നടക്കുന്ന മത്സരങ്ങളില്‍ മാറ്റുരയ്ക്കാന്‍ ലീഡ്‌സ് റീജന്റെ കീഴിലുള്ള നൂറുകണക്കിന് മത്സരാര്‍ത്ഥികളാണ് തയ്യാറെടുക്കുന്നത്.
ഇടവക, മിഷന്‍, നിയുക്ത മിഷന്‍ തലങ്ങളില്‍ നടന്ന മത്സരങ്ങളില്‍ ഒന്നും, രണ്ടും, മൂന്നും സ്ഥാനങ്ങളില്‍ എത്തിയവരാണ് റീജണല്‍ തലത്തിലുള്ള മത്സരങ്ങളില്‍ മാറ്റുരയ്ക്കുക. ഗ്രേറ്റ് ബ്രിട്ടന്‍ രൂപത രൂപീകൃതമായതിനു ശേഷം വിശ്വാസികളുടെ പ്രത്യേകിച്ച് കുട്ടികളുടെ സര്‍ഗാത്മകമായ കഴിവുകളെ വളര്‍ത്തുന്നതിനായി ആരംഭിച്ച ബൈബിള്‍ കലോത്സവം പങ്കാളിത്തം കൊണ്ട് യൂറോപ്പിലെ ഏറ്റവും വലിയ കലാമേളയായി വളരാന്‍ കുറഞ്ഞ കാലം കൊണ്ട് സാധിച്ചിട്ടുണ്ട്. നാഷണല്‍ ബൈബിള്‍ കലോത്സവം നവംബര്‍ 18 -ന് സ്‌കതോര്‍പ്പില്‍ വച്ചാണ് നടത്തപ്പെടുക.
പ്രായമനുസരിച്ച് വിവിധ കാറ്റഗറിയായി നടക്കുന്ന മത്സരങ്ങളുടെ നിബന്ധനകള്‍ ഇതിനോടകം മത്സരാര്‍ത്ഥികള്‍ക്ക് ലഭ്യമാക്കിയിട്ടുണ്ട്. ബൈബിള്‍ കലോത്സവ വേദിയില്‍ മിതമായ നിരക്കില്‍ ഭക്ഷണം ലഭ്യമാണ്. മത്സരങ്ങളില്‍ പങ്കെടുത്തും മത്സരാര്‍ത്ഥികളെ പ്രോത്സാഹിപ്പിച്ചും ലീഡ്‌സ് റീജണല്‍ തലത്തില്‍ നടക്കുന്ന പ്രഥമ ബൈബിള്‍ കലോത്സവം ഒരു വന്‍ വിജയമാക്കണമെന്ന് സംഘാടകസമിതിക്ക് വേണ്ടി ലീഡ്‌സ് റീജണല്‍ ഡയറക്ടര്‍ ഫാ. ജോജോ പ്ലാപ്പള്ളിയില്‍ സിഎംഐ, ബൈബിള്‍ കലോത്സവം ലീഡ്‌സ് റീജണ്‍ കോ-ഓഡിനേറ്റര്‍ ഫാ. ജോസ് അന്ത്യാംകുളം എംസിബിഎസ്, ബൈബിള്‍ അപ്പസ്‌തോലിക് ലീഡ്‌സ് റീജണല്‍ കോ - ഓഡിനേറ്റര്‍ ഫാ. ജോഷി കൂട്ടുങ്ങലും അഭ്യര്‍ത്ഥിച്ചു.
ബൈബിള്‍ കലോത്സവ വേദിയുടെ അഡ്രസ്
Dixons Cottingley Academy
Cottingley New Rd. Bingley
BD16 1TZ
More Latest News
ഗ്രേറ്റ് ബ്രിട്ടന്‍ രൂപത പാസ്റ്ററല്‍ കൗണ്‍സില്‍ സംയുക്ത സമ്മേളനം ലെസ്റ്റര്‍ മദര്‍ ഓഫ് ഗോഡ് പള്ളിയില്‍ നടന്നു, രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ സമ്മേളനം ഉത്ഘാടനം ചെയ്തു
ഈസ്റ്റര്‍, വിഷു, ഈദ് ആഘോഷങ്ങള്‍ക്കൊപ്പം പുതിയ നേതൃത്വനിരയെ തിരഞ്ഞെടുത്ത് യോവില്‍ മലയാളി അസോസിയേഷന്, പുതിയ നേതൃനിരയിലൂടെ അടിമുടി മാറ്റങ്ങളുടെ തുടക്കം കുറിക്കുന്നു
റിയാദ് വിമാനത്താവളത്തില്‍ ലാന്റിങ്ങിനിടെ വിമാനം റണ്‍വേയില്‍ നിന്ന് തെന്നിമാറി, ആര്‍ക്കും പരിക്കുകളൊന്നുമില്ല
കൊല്ലത്ത് ആറ് വയസുകാരിയെ തട്ടികൊണ്ടുപോയ കേസ്: പഠനം തുടരാനായി അനുവദിക്കണമെന്ന് ആവശ്യപ്പെട്ട് മൂന്നാം പ്രതി അനുപമയുടെ ജാമ്യാപേക്ഷ കോടതി തള്ളി
വന്ദേഭാരത് കേരളത്തില്‍ ഓടി തുടങ്ങിയിട്ട് ഒരു വര്‍ഷം, ഓട്ടത്തിലും ജനപ്രീതിയിലും ഹിറ്റായി മലയാളികളുടെ യാത്രകള്‍ക്ക് മുന്നിലായി വന്ദേഭാരത്
Most Read
British Pathram Recommends
