സ്റ്റീവനേജ് : കഴിഞ്ഞ ആറു വര്ഷങ്ങളായി സംഗീത-നൃത്ത സദസ്സുകളൊരുക്കി യു കെ യിലെ മലയാളി കലാഹൃദയങ്ങളില് ഇടംപിടിച്ച 7 ബീറ്റ്സ് സംഗീതോത്സവം അതിന്റെ സീസണ് 7നുള്ള ഒരുക്കങ്ങള് പൂര്ത്തിയായതായി സംഘാടകര് അറിയിച്ചു. 7 ബീറ്റ്സിന്റെ ജൈത്ര യാത്രയില് സീസണ് 7 നു ആഥിതേയത്വം വഹിക്കുന്നത് പ്രമുഖ സാസ്കാരിക-സാമൂഹിക മലയാളി കൂട്ടായ്മയായ 'സര്ഗ്ഗം സ്റ്റീവനേജ്' ആണ്.
മലയാള ഭാഷയ്ക്കു നിരവധി നിത്യ ഹരിത ഗാനങ്ങള് സമ്മാനിച്ച അന്തരിച്ച പത്മഭൂഷണ് ഓഎന്വി കുറുപ്പ് മാഷിന്റെ അനുസ്മരണവും, അദ്ദേഹത്തിന്റെ ശ്രദ്ധേയമായ നിരവധി ഗാനങ്ങള് കോര്ത്തിണക്കി സംഗീതാദദരവും തദവസരത്തില് അര്പ്പിക്കും. കലാസ്വാദകര്ക്ക് അദ്ദേഹത്തിന്റെ മധുരഗാനങ്ങള് വീണ്ടും ശ്രവിക്കുവാനുള്ള വേദി കൂടിയയാവും സ്റ്റീവനേജില് ഉയരുക.
യുകെയില് നിരവധി പുതുമുഖ ഗായകര്ക്കും കലാകാര്ക്കും തങ്ങളുടെ സംഗീത നൃത്ത പ്രാവീണ്യവും പ്രതിഭയും തെളിയിക്കുവാന് അവസരം ഒരുക്കുന്നതോടൊപ്പം, കൂടുതല് ശ്രദ്ധേയമാകുവാനും 7 ബീറ്റ്സിന്റെ വേദി ഉപകരിച്ചിട്ടുണ്ട്.
21 പേരടങ്ങുന്ന സ്റ്റീവനേജിന്റെ സ്വന്തം ശിങ്കാരി മേളം അടക്കം പുതുമയാര്ന്ന വിവിധ കലാവിസ്മയങ്ങള് ഈ വര്ഷത്തെ സംഗീതോത്സവത്തില് ഉള്പ്പെടുത്തിയിട്ടുണ്ട്. ചാരിറ്റി പ്രവര്ത്തനങ്ങളിലൂടെ കേരളത്തില് നിരവധി കുടുംബങ്ങള്ക്ക് താങ്ങും തണലുമായി മാറിയ 7 ബീറ്റ്സ്, ജീവ കാരുണ്യ പ്രവര്ത്തിനാണ് സംഗീതോത്സവ വരുമാനം ഉപയോഗിക്കുന്നത്.
7 ബീറ്റ്സ് സംഗീതോത്സവത്തില് യു കെ യിലുള്ള ഏറ്റവും പ്രഗത്ഭരായ സംഗീത നൃത്ത താരങ്ങളുടെ സര്ഗ്ഗാത്മക കഴിവുകളുടെ ആവനാഴിയിലെ ഏറ്റവും മികച്ച പ്രകടനങ്ങള് പുറത്തെടുക്കുമ്പോള് അത് ഉള്ളു നിറയെ ആനന്ദിക്കുവാനും, ആവോളം ആസ്വദിക്കുവാനുള്ള മെഗാ കലാവിരുന്നാവും സ്റ്റീവനേജില് ഒരുങ്ങുക.
വിശാലമായ ഓഡിറ്റോറിയവും, വിസ്തൃതമായ കാര് പാര്ക്കിങ്ങ് സൗകര്യവുമുള്ള ബാര്ക്ലെയ്സ് അക്കാഡമി ഓഡിറ്റോറിയത്തിലാണ് സംഗീതോത്സവത്തിനു ഈ വര്ഷം യവനിക ഉയരുക.
7 ബീറ്റ്സ് സംഗീതോത്സവത്തില് ഏഴാം തവണയും ടൈറ്റില് സ്പോണ്സറായി എത്തുന്നത്, പ്രമുഖ മോര്ട്ടഗേജ് & ഇന്ഷുറന്സ് സ്ഥാപനമായ ലൈഫ് ലൈന് പ്രൊട്ടക്ട് ഇന്ഷുറന്സ് & മോര്ട്ടഗേജ് സര്വീസസ് ആണ്. ഡൂ ഡ്രോപ്സ് കരിയര് സൊല്യൂഷന്സ്, പോള് ജോണ് സോളിസിറ്റേഴ്സ്, ഗ്ലോബല് സ്റ്റഡി ലിങ്ക്, മലബാര് ഫുഡ്സ്, കറി വില്ലേജ് കാറ്ററേഴ്സ് & റെസ്റ്റോറന്റ് സ്റ്റീവനേജ്, ജോയി ആലുക്കാസ്, സ്മാര്ട്ട് വെയര് ഔട്ട്ഫിറ്റ്സ് സ്റ്റീവനേജ് തുടങ്ങിയ സ്ഥാപനങ്ങളും 7 ബീറ്റ്സ് സംഗീതോത്സവത്തിനു പ്രായോജകരായി ഈ ചാരിറ്റി ഇവന്റിന് സപ്പോര്ട്ട് ചെയ്യുന്നുണ്ട്.
കലാസ്വാദകര്ക്കു സൗജന്യമായി പ്രവേശനമൊരുക്കുന്ന 7 ബീറ്റ്സ് അതിസമ്പന്നമായ ദൃശ്യ-ശ്രവണ കലാവിരുന്നാണ് ആസ്വാദകര്ക്കായി ഒരുക്കുക. സംഗീത വിരുന്നും, സംഘാടക മികവും, ഒപ്പം ജീവ കാരുണ്യ പ്രവര്ത്തനവും കൊണ്ട് യൂകെ മലയാളികള് ഹൃദയത്തിലേറ്റിയ 7 ബീറ്റ്സ് സംഗീതോത്സവം സീസണ് 7 ന്റെ ഭാഗമാകുവാന് ഏവരെയും ഹൃദയപൂര്വ്വം ക്ഷണിച്ചുകൊള്ളുന്നു.
കൂടുതല് വിവരങ്ങള്ക്ക് ബന്ധപ്പെടുക:
Sunnymon Mathai:07727993229
Cllr Dr Sivakumar:0747426997
Jomon Mammoottil:07930431445
Manoj Thomas:07846475589
Appachan Kannanchira: 07737 956977
വേദിയുടെ വിലാസം:
Barclay Academy, walkern Road,
Stevenage, SG1 3RB