യുവ തലമുറ ഏറെ ആകൃഷ്ടരാകുന്ന സോഷ്യല് മീഡിയ ആപ്പാണ് ഇന്സ്റ്റഗ്രാം. പിക്ച്ചര് വീഡിയോ ഷെയറിങ് ആപ്പായതിനാല് തന്നെ ഉപയോക്താക്കളുടെ ക്രിയാത്മകത ഏറെ കാണാന് സാധിക്കുന്ന ആപ്പാണിത്. അതിനാല് തന്നെ നിരവധി വ്യത്യസ്തമായ അപ്ഡേഷനുകളാണ് ഇതില് വരുന്നതും.
ഇപ്പോഴിതാ ഇന്സ്റ്റഗ്രാമില് വന്നിരിക്കുന്ന പുതിയ ഫീച്ചര് പ്രകാരം തിരഞ്ഞെടുത്ത ഫോളോവര്മാര്ക്കോ അടുത്ത സുഹൃത്തുക്കള്ക്കോ മാത്രം കാണാവുന്ന പ്രൈവറ്റ് പോസ്റ്റുകള് സൃഷ്ടിക്കാവുന്ന ഫീച്ചര് ആണ് അവതരിപ്പിച്ചിരിക്കുന്നത്.
'ഫ്ലിപ്സൈഡ്' എന്ന പേരിലാണ് പുതിയ ഫീച്ചര് കമ്പനി പരീക്ഷിക്കുന്നത്. പരിമിതമായ ഉപയോക്താക്കളില് മാത്രം ചുരുക്കിയിരിക്കുന്ന ഫീച്ചര് ഭാവിയില് എല്ലാ ഉപയോക്കള്ക്കും ലഭ്യമാക്കാമാണ് മെറ്റയുടെ തീരുമാനം.
സ്വകാര്യ പോസ്റ്റുകള്ക്കായി പ്രത്യേക ഇടം നിലനിര്ത്താന് ഫ്ലിപ്സൈഡ് ഉപയോക്താക്കളെ അനുവദിക്കുന്നു. കൂടാതെ ഈ പോസ്റ്റുകള് ആര്ക്കൊക്കെ കാണാന് കഴിയും എന്നോ കാണരുത് എന്നതിന്റെയോ നിയന്ത്രണം ഉപയോക്താക്കള്ക്ക് നല്കുന്നു. അടുത്ത സുഹൃത്തുക്കളുമായും കുടുംബാംഗങ്ങളുമായും മാത്രമായി കൂടുതല് സ്വകാര്യമോ വ്യക്തിഗതമോ ആയ ഉള്ളടക്കം പങ്കിടാന് ആഗ്രഹിക്കുന്നവര്ക്കായാണ് പുതിയ ഫീച്ചര് രൂപകല്പ്പന ചെയ്തിരിക്കുന്നത് എന്നാണ് പുറത്ത് വരുന്ന റിപ്പോര്ട്ടുകളില് പറയുന്നത്.