കഴിഞ്ഞ ദിവസമാണ് കേരളത്തില് ഒരാള് വിശപ്പ് സഹിക്കാനാവാതെ പൂച്ചയെ ജീവനോടെ കടിച്ചു തിന്നത്. ആ വാര്ത്ത ഏറെ ഞെട്ടലോടെയാണ് എല്ലാവരും കേട്ടത്. എന്നാല് ഇപ്പോഴിതാ അത്തരത്തില് മറ്റൊരു വാര്ത്തയാണ് അമേരിക്കയില് നിന്നും പുറത്ത് വരുന്നത്.
ജോണ് എന്ന അമേരിക്കന് ഇന്ഫ്ലൂവെന്സറാണ് ഇത്തരത്തില് വ്യത്യസ്തമായ ഒരു ഭക്ഷണ പരീക്ഷണം നടത്തിയത്. 'വയറുവേദന വരുന്നതുവരെ പച്ച ചിക്കന് കഴിക്കുന്നത് തുടരുക' എന്നതാണ് ഇയാളുടെ തീരുമാനം. അതിനു വേണ്ടി പതിനേഴു ദിവസമായി ഇദ്ദേഹം പച്ചയ്ത്ത് കോഴിയിറച്ചി കടിച്ചു തിന്നുന്നു.
'റോ ചിക്കന് എക്സ്പെരിമെന്റ്' എന്ന തന്റെ ഇന്സ്റ്റാഗ്രാം പേജില് അദ്ദേഹം അസംസ്കൃത കോഴി കഴിക്കുന്നതിന്റെ വീഡിയോകള് പങ്കിട്ടു. സാമൂഹിക മാധ്യമങ്ങളില് സ്വാധീനം ചെലുത്തുന്ന ജോണ് ജനുവരി 19-നാണ് ഈ പരീക്ഷണം ആദ്യമായി ആരംഭിച്ചത്. തുടര്ച്ചയായി ഇങ്ങനെയെല്ലാം ചെയ്തിട്ടും ഇതുവരെ അസുഖമൊന്നും പിടിപെട്ടിട്ടില്ലെന്നാണ് ഇദ്ദേഹം പറയുന്നത്. മാത്രമല്ല എല്ലാവരും ചെയ്യാന് മടിക്കുന്ന കാര്യങ്ങളും ശ്രമിച്ച് നോക്കുന്നതാണ് തന്റെ രീതിയെന്നും ഇയാള് പറയുന്നു.
പക്ഷെ ഇതല്പം കടന്ന കൈയ്യാണെന്നാണ് സോഷ്യല് മീഡിയ പറയുന്നത്. മറ്റുള്ളവര് ഇത ്കണ്ട് അനുകരിക്കാനുള്ള സാധ്യതകള് ഉണ്ടെന്നും. മറ്റുള്ളവര്ക്ക് ഇത്തരം വീഡിയോകളില് നിന്നും എന്ത് നല്ല കാര്യമാണ് പരഞ്ഞു കൊടുക്കുന്നതെന്നും പലരും കമന്റായി ചോദിക്കുന്നു.