ഒരു നീണ്ട ഉറക്കത്തിലെന്ന പോലെ അവള് കോമയിലായിട്ട് അഞ്ച് വര്ഷമായി. പക്ഷെ അവളെ അതില് നിന്നും എഴുന്നേല്ക്കാന് സഹായിച്ചത് അമ്മയുടെ ഒരു തമാശയായിരുന്നു.
യുഎസിലാണ് സംഭവം. 2017 സെപ്തംബറില് ഒരു വാഹനാപകടത്തില് ആണ് ജെന്നിഫര് ഫ്ലെവെല്ലന് എന്ന 41 കാരി കോമയിലേക്ക് പോയത്. പിന്നീടുള്ള ചികിത്സയില് പ്രതീക്ഷ നശിക്കാതെ കുടുംബം ജെന്നിഫറിനെ സംരക്ഷിച്ചു. ചികിത്സയും പ്രാര്ത്ഥനയുമായുള്ള അഞ്ച് വര്ഷങ്ങളായിരുന്നു പിന്നീട്.
ജെന്നിഫറിന്റെ അമ്മയായ പെഗ്ഗി മീന്സ് എപ്പോഴും മകളെ നോക്കി ഒപ്പമുണ്ടാകും. ഒരിക്കല് വളരെ യാഥര്ശ്ചികമായി അമ്മ പറഞ്ഞ ഒരു തമാശ കേട്ട് യുവതി ആദ്യമായി ചിരിച്ചു.
ഒരു തിരിച്ചുവരവിന്റെ തുടക്കമായിരുന്നു അത്. ഇപ്പോള് ജെന്നിഫറിന്റെ സംസാരശേഷിയും ചലനശേഷിയും വീണ്ടെടുക്കാനുള്ള ശ്രമത്തിലാണ് കുടുംബം. അവളുടെ ആദ്യ ഉണര്വ് 2022 ഓഗസ്റ്റില് സംഭവിച്ചു. അത് ഇപ്പോള് പുരോഗതിയുടെ പാതയിലാണ്. ഈ വീണ്ടെടുക്കല് അപൂര്വമാണെന്നാണ് യുവതിയെ ചികിത്സിച്ച ഡോക്ടര് വിശേഷിപ്പിച്ചത്.