ചിലര് ഒട്ടും പ്രതീക്ഷിക്കാത്ത വഴികളിലൂടെയാകും ഭാഗ്യം വന്നു ചേരുക. ചിലര് പൂര്വ്വികര് സമ്പാദിച്ച് വെച്ച അമൂല്യമായ സമ്പത്ത് കണ്ടെത്തി ഒറ്റരാത്രികൊണ്ട് സമ്പന്നരായിട്ടുണ്ട്. ഇതാ അത്തരത്തില് മുത്തച്ഛന് ചെയ്ത ഒരു കാര്യം കൊണ്ട് ലക്ഷങ്ങള് സ്വന്തമാക്കിയ ഒരു വ്യക്തിയാണ് തന്റെ ഭാഗ്യത്തെ കുറിച്ച് സോഷ്യല് മീഡിയയില് വ്യക്തമാക്കുന്നത്.
30 വര്ഷങ്ങള്ക്ക് മുന്പ് മുത്തച്ഛന് എസ്ബിഐ ബാങ്കിന്റെ ഓഹരി വാങ്ങിയ സര്ട്ടിഫിക്കറ്റ് കണ്ടതോടെയാണ് ഇദ്ദേഹത്തിന് ഞെട്ടലുണ്ടായത്. ഇന്ന് അതിന്റെ മൂല്യം ഇദ്ദേഹത്തെ ഒരു പണക്കാരനാക്കിയിരിക്കുകയാണ്.
വര്ഷങ്ങള്ക്ക് മുന്പ് അതായത് 1994ല് 500 രൂപ മുടക്കിയാണ് മുത്തച്ഛന് എസ്ബിഐ ഓഹരികള് വാങ്ങിയത്. പക്ഷെ ഇതിനു ശേഷം ഈ സര്ട്ടിഫിക്കറ്റ് എവിടെയാണ് വെച്ചതെന്ന് അദ്ദേഹം മറന്നു പോയിട്ടുണ്ടാകും എന്നാണ് ഇദ്ദേഹം പറയുന്നത്. കുട്ടികളുടെ ഡോക്ടര് ആയ ഡോ. തന്മയ് മോത്തിവാല ആണ് ഈ കാര്യം സോഷ്യല് മീഡിയ പ്ലാറ്റ്ഫോമായ എക്സില് കുറിച്ചത്.
ഇപ്പോള് എസ്ബിഐ ഓഹരികള്ക്ക് 3.75 ലക്ഷം രൂപ മൂല്യം വരുമത്രേ. ഇക്വിറ്റി കൈവശം വെയ്ക്കുന്നതിന്റെ ശക്തി എന്ന തലക്കെട്ടോടെയാണ് ഈ കാര്യം ട്വീറ്റ് ചെയ്തത്. ട്വീറ്റ് ഇങ്ങനെ: 'എന്റെ മുത്തച്ഛന് 1994ല് 500 രൂപ മൂല്യമുള്ള എസ്ബിഐ ഓഹരികള് വാങ്ങിയിരുന്നു. അവര് അത് മറന്നുപോയി. വാസ്തവത്തില്, അവര് എന്തിനാണ് ഇത് വാങ്ങിയതെന്നും അവരുടെ കൈവശം ഉണ്ടോ എന്നും അവര്ക്ക് അറിയില്ലായിരുന്നു. കുടുംബത്തിന്റെ ആസ്തികള് പരിശോധിക്കുന്നതിനിടെയാണ് ഇത് കണ്ടെത്തിയത്. ഡീമാറ്റ് ചെയ്യുന്നതിന് ഷെയര് സര്ട്ടിഫിക്കറ്റ് ഇതിനോടകം തന്നെ അയച്ചുകൊടുത്തു'- തന്മയ് മോത്തിവാല കുറിച്ചു.
ആ ഷെയറുകളുടെ നിലവിലെ മൂല്യം എന്താണ് എന്ന് നിരവധിപ്പേരാണ് ചോദിച്ചത്. ഈ ചോദ്യത്തിന് മറുപടിയായി ഡോക്ടര് പങ്കുവെച്ച മറ്റൊരു പോസ്റ്റിലാണ് മൂല്യത്തിന്റെ കണക്ക് പുറത്തുവിട്ടത്. 'ഡിവിഡന്റ് ഒഴികെ ഇത് ഏകദേശം 3.75 ലക്ഷം വരും. ഒറ്റനോട്ടത്തില് വലിയ തുകയല്ല, 30 വര്ഷത്തിനുള്ളില് 750 മടങ്ങ് വര്ധന. അങ്ങനെ നോക്കിയാല് തീര്ച്ചയായും വലുതാണ്.'- ഡോക്ടര് പറഞ്ഞു. ഫിസിക്കല് ഷെയര് സര്ട്ടിഫിക്കറ്റുകള് ഡീമാറ്റ് അക്കൗണ്ടിലേക്ക് മാറ്റുന്നതിനുള്ള ദൈര്ഘ്യമേറിയ പ്രക്രിയയെക്കുറിച്ചും അദ്ദേഹം വിശദീകരിച്ചു.
More Latest News
'ഇപ്പോഴും ഞാന് വിശ്വസിക്കുന്നത് ആ വീട്ടില് എന്നെ ഇത്രയും നാള് പിടിച്ചു നിര്ത്തിയത് ജാസ്മിന്റെ സാമിപ്യം തന്നെ ആയിരുന്നു എന്നാണ്' ബിഗ്ബോസ് ഷോയ്ക്ക് പുറത്തിറങ്ങിയ ശേഷം ഗബ്രി
വോട്ട് ചെയ്ത് എല്ലാവര്ക്കും മുന്നില് മാതൃക സൃഷ്ടിച്ചുകൂടേ എന്ന് മാധ്യമ പ്രവര്ത്തകര്, നടി ജ്യോതിക പറഞ്ഞ മറുപടി അബദ്ധമായി മാറി, സോഷ്യല് മീഡിയയില് ചര്ച്ച
നടി ശ്രീദേവി ആദ്യമായി സ്വന്തമാക്കിയ ആഡംബര ബംഗ്ലാവില് താമസിക്കാന് ആഗ്രഹമുള്ളവര് നേരെ ചെന്നൈക്ക് വിട്ടോളൂ, വീട് ആഡംബര ഹോട്ടലാക്കാന് തീരുമാനിച്ച് മകള് ജാന്വി കപൂര്
പുതിയ ചിത്രങ്ങള് പങ്കിട്ട് സനൂഷ, 'കടല വെള്ളത്തില് ഇട്ടപോലെ ആയല്ലോ, ഇനി അമ്മൂമ്മ വേഷം ചെയ്യാം' എന്ന് ബോഡി ഷെയ്മിങ് കമന്റുകളാല് നിറഞ്ഞ് താരത്തിന്റെ കമന്റ് ബോക്സ്
ഭാര്യയുടെ 73ാം പിറന്നാള് ദിനത്തില് 78കാരനായ ഭര്ത്താവ് നല്കിയ സര്പ്രൈസ്, വാര്ദ്ധക്യത്തിലും ഇങ്ങനെ ഒരു പ്രണയം അനുഭവിക്കുക എന്നത് വലിയൊരു ഭാഗ്യം ആണെന്ന് സോഷ്യല് മീഡിയ
Other News in this category |
||||
|