NAMMUDE NAADU
ഡ്രാഗന് ഫ്രൂട്ടിന്റെ മുള്ള് കാലില് തറച്ചു മണിക്കൂറുകള്ക്ക് ശേഷം വയറിളക്കവും ഛര്ദിയും, ആശുപത്രിയില് പ്രവേശിപ്പിച്ച വിദ്യാര്ത്ഥി മരിച്ചു, വിഷം ഉള്ളില്ച്ചെന്ന് മരണമെന്ന് എഫ് ഐ ആര്
3>തിരുവനന്തപുരം : കടുത്ത വയറിളക്കവും ഛര്ദിയും മൂലം പതിനാറുകാരനായ വിദ്യാര്ത്ഥി മരിച്ചു. മഞ്ചവിളാകം കിടങ്ങുവിള രാജ് നിവാസില് അലന്(16) ആണ് മെഡിക്കല് കോളേജില് ചികിത്സയില് ആയിരിക്കേ മരിച്ചത്.
അലന് മരിക്കുന്നതിന് തലേ ദിവസം ഫുട്ബോള് കളിക്കുന്നതിനിടെ കാലില് ഡ്രാഗന് ഫ്രൂട്ടിന്റെ മുള്ള് തറച്ചിരുന്നു. നന്നായി വേദനിച്ചെങ്കിലും ആശുപത്രിയില് പോയില്ല. തുടര്ന്ന് പിറ്റേന്ന് തമിഴ്നാട്ടിലേക്ക് പോയിരുന്നു. തിരിച്ചെത്തുമ്പോള് വയറിളക്കവും ഛര്ദിയും കൊണ്ട് അവശനായിരുന്നു. തുടര്ന്ന് മെഡിക്കല് കോളേജില് ചികിത്സ തേടുകയായിരുന്നു.
വിഷം ഉള്ളില്ച്ചെന്നതാണ് അലന്റെ മരണ കാരണമെന്നാണ് മാരായമുട്ടം പൊലീസിന്റെ എഫ് ഐ ആറില് പറയുന്നുണ്ടെങ്കില് കൂടുതല് വ്യക്തത കിട്ടാന് പോസ്റ്റ്മോര്ട്ടം റിപ്പോര്ട്ട് കിട്ടണം എന്നാണ് പൊലീസും ആശുപത്രി അധികൃതരും വ്യക്തമാക്കുന്നത്.
പത്താം ക്ലാസ് പരീക്ഷ പാസായി, പ്ലസ് വണ്ണിന് പ്രവേശനം നേടാനിരിക്കെയാണ് വിദ്യാര്ത്ഥിയുടെ മരണം. ധനുവച്ചപുരം എന് കെ എം ജി എച്ച് എസില് നിന്നാണ് അലന് പത്താം ക്ലാസ് പാസായത്. പിതാവ്: അനില് രാജ്, മാതാവ്: പ്രിജി
ആഴ്ചകള്ക്ക് മുന്പാണ് അരളിപ്പൂവിന്റെ ഇതളുകള് ഉള്ളില്ച്ചെന്നാണ് ഹരിപ്പാട് സ്വദേശിനിയായ സൂര്യാ സുരേന്ദ്രന് മരിച്ചതെന്ന റിപ്പോര്ട്ടുകള് പുറത്തുവന്നിരുന്നു. തുടര്ന്ന് തിരുവിതാംകൂര്, മലബാര് ദേവസ്വം ബോര്ഡുകള് അര്ച്ചനയിലും പ്രസാദത്തിലും അരളിപ്പൂവ് നിരോധിച്ചിരുന്നു. അതേരീതിയില് ഡ്രാഗന് ഫ്രൂട്ടിന്റെ മുള്ള് ആണോ ഇവിടെ വില്ലനായതെന്നും വ്യക്തമല്ല.
പത്തുവയസുകാരിയെ തട്ടിക്കൊണ്ടുപോയി പീഡിപ്പിച്ച സംഭവം, മലയാളം സംസാരിക്കുന്ന മെലിഞ്ഞ ശരീരപ്രകൃതമുള്ള ആളാണ് പ്രതിയെന്ന കുട്ടിയുടെ മൊഴിയനുസരിച്ച് തിരച്ചില്
3>കാസര്കോട് : പടന്നക്കാട് ഒഴിഞ്ഞവളപ്പില് വീട്ടിനുള്ളില് കയറി ഉറങ്ങിക്കിടന്ന പത്തു വയസ്സുകാരിയെ തട്ടിക്കൊണ്ടു പോയി പീഡിപ്പിച്ച സംഭവത്തില് കുട്ടിയുടെ മൊഴിയുടെ അടിസ്ഥാനത്തില് തിരച്ചില് ഊര്ജ്ജിതമാക്കി പൊലീസ്. ഉറങ്ങിക്കിടക്കുകയായിരുന്ന പത്തുവയസുകാരിയെ തട്ടിക്കൊണ്ടുപോയി സ്വര്ണ്ണാഭരണങ്ങള് കവരുകയും പീഡിപ്പിക്കുകയും ചെയ്ത ശേഷം ഉപേക്ഷിച്ച് കടന്നു കളയുകയായിരുന്നു പ്രതി.
ഇന്നലെ പുലര്ച്ചെ മൂന്നുമണിയോടെയാണ് പെണ്കുട്ടിയെ തട്ടിക്കാെണ്ടുപോയി സ്വര്ണ കമ്മല് കവര്ന്നശേഷം ഉപേക്ഷിച്ച് കടന്നത്. മലയാളം സംസാരിക്കുന്ന മെലിഞ്ഞ ശരീരപ്രകൃതമുള്ള ആളാണ് പ്രതിയെന്നാണ് കുട്ടിയുടെ മൊഴി. പൊലീസ് വിവിധ സംഘങ്ങളായി തിരിഞ്ഞ് അന്വേഷണം തുടരുന്നുണ്ട്. കണ്ണൂര് റേഞ്ച് ഡിഐജി തോംസണ് ജോസ് ഇന്നലെ പ്രത്യേക യോഗം വിളിച്ച് അന്വേഷണ പുരോഗതി വിലയിരുത്തിയിരുന്നു.
പുലര്ച്ചെ മൂന്നുമണിയോടെ കുട്ടിയുടെ മുത്തച്ഛന് പശുവിനെ കറക്കാനായി വീടിന്റെ അടുക്കളവാതില് തുറന്ന് പുറത്തിറങ്ങിയിരുന്നു. ഇതുവഴിയാണ് കുട്ടിയെ തട്ടിക്കൊണ്ടുപോയത്. പെണ്കുട്ടിയെ തട്ടിക്കൊണ്ട് പോയി സ്വര്ണാഭരണം കവര്ന്നുവെന്നായിരുന്നു ആദ്യം കരുതിയിരുന്നത്. എന്നാല് മെഡിക്കല് റിപ്പോര്ട്ട് വന്നതോടെയാണ് കുട്ടി ലൈംഗികാതിക്രമത്തിന് ഇരയായതായി മനസിലായത്. കാഞ്ഞങ്ങാട് ജില്ലാ ആശുപത്രിയിലാണ് കുട്ടി ഇപ്പോള്. ഇവിടെ നടത്തിയ പരിശോധനയിലാണ് ലൈംഗികാതിക്രമത്തിന് ഇരയായതായി കണ്ടെത്തയിത്. കുട്ടിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതര് വ്യക്തമാക്കി.
കണ്ണിലും കഴുത്തിലും മുറിവേറ്റ നിലയിലാണ് അക്രമി ഉപേക്ഷിച്ച പെണ്കുട്ടിയെ രാവിലെ നാട്ടുകാര് കണ്ടെത്തിയത്. പശുവിനെ കറക്കാനായി അതിരാവിലെ പതിവായി അടുക്കളവാതില് തുറക്കാറുണ്ടെന്നും കറവ കഴിഞ്ഞശേഷമേ അത് അടയ്ക്കാറുള്ളൂ എന്നും വ്യക്തമായി അറിയാവുന്ന ആരോ ആണ് സംഭവത്തിന് പിന്നിലെന്ന് തുടക്കത്തിലേ സംശയമുണ്ടായിരുന്നു.
ഗോശ്രീ പാലം കാണാന് ഗൂഗിള് മാപ്പിന്റെ സഹായം തേടി, പക്ഷെ വഴി തെറ്റി ചെന്നെത്തിയത് അതീവ സുരക്ഷാ മേഖലയായ രാജ്യാന്തര കണ്ടെയ്നര് ട്രാന്സ്ഷിപ്പ്മെന്റ് ടെര്മിനലില്, റഷ്യന് പൗരനെ അറസ്റ്റ് ചെയ്ത് പൊലീസ്
3>കൊച്ചിയില് വല്ലാര്പാടം ടെര്മിനലില് അതിക്രമിച്ച് കയറിയ 26കാരനായ റഷ്യന് പൗരന് അറസ്റ്റില്. ഗോശ്രീ പാലം കാണാന് ഗൂഗിള് മാപ്പിന്റെ സഹായം തേടിയപ്പോള് വഴി തെറ്റുകയായിരുന്നു എന്നാണ് ഇയാളുടെ വിശദീകരണം.
ഗൂഗിള് മാപ്പില് നോക്കിയപ്പോള് രാജ്യാന്തര കണ്ടെയ്നര് ട്രാന്സ്ഷിപ്പ്മെന്റ് ടെര്മിനല് മതിലിന്റെ മറുവശത്തായാണ് ഗോശ്രീ പാലം കാണിച്ചിരുന്നത്. ഗോശ്രീ പാലത്തില് കാണാന് വേണ്ടിയാണ് മതില് ചാടിക്കടന്നതെന്നും റഷ്യന് പൗരന് ഇലിയ എകിമോവ് പറഞ്ഞതായും പൊലീസ് പറയുന്നു.
ചൊവ്വാഴ്ച പുലര്ച്ചെ 6.30 ഓടേയാണ് സംഭവം. ഡിപി വേള്ഡിന് നടത്തിപ്പ് ചുമതലയുള്ള രാജ്യാന്തര കണ്ടെയ്നര് ട്രാന്സ്ഷിപ്പ്മെന്റ് ടെര്മിനലിന്റെ അതീവ സുരക്ഷാമേഖലയില് കിഴക്കുവശത്തുള്ള മതില് ചാടിക്കടന്നാണ് 26കാരനായ റഷ്യന് പൗരന് അതിക്രമിച്ച് കയറിയത്. ഉടന് തന്നെ സുരക്ഷാ ഉദ്യോഗസ്ഥര് റഷ്യന് പൗരനെ തടയുകയായിരുന്നു. പാസ്പോര്ട്ട് പരിശോധിച്ചപ്പോള് കഴിഞ്ഞവര്ഷം വിസയുടെ കാലാവധി അവസാനിച്ചതായി കണ്ടെത്തി. തുടര്ന്ന് ഇലിയ എകിമോവിനെ പൊലീസിന് കൈമാറുകയായിരുന്നു. 2022ലാണ് റഷ്യന് പൗരന് ഇന്ത്യയില് എത്തിയത്. ഒരു വര്ഷ വിസയാണ് റഷ്യന് പൗരന് അനുവദിച്ചിരുന്നത്. ഗോവയില് ജോലി ചെയ്തിരുന്ന റഷ്യന് പൗരന് വിസ പുതുക്കിയിരുന്നില്ല. തുടര്ന്ന് നിയമവിരുദ്ധമായി ഇന്ത്യയില് താമസിച്ച് വരികയായിരുന്നു. റഷ്യന് പൗരന് രണ്ടുദിവസം മുന്പാണ് കൊച്ചിയില് എത്തിയതെന്നും പൊലീസ് പറയുന്നു.
വിവിധ വകുപ്പുകള് അനുസരിച്ച് റഷ്യന് പൗരനെതിരെ മുളവുകാട് പൊലീസ് കേസ് രജിസ്റ്റര് ചെയ്തു. ഗോശ്രീ പാലം കാണാനായി പ്രഭാത സവാരിക്ക് ഇറങ്ങിയതാണെന്നാണ് റഷ്യന് പൗരന് നല്കിയ മൊഴി. ഗൂഗിള് മാപ്പിന്റെ സഹായത്തോടെ ഗോശ്രീ പാലം എവിടെയെന്ന് കണ്ടെത്താനുള്ള ശ്രമത്തിനിടെ വഴി തെറ്റുകയായിരുന്നുവെന്ന് ഇലിയ എകിമോവ് പറഞ്ഞതായും പൊലീസ് പറയുന്നു.
അന്വേഷണത്തില് റഷ്യന് പൗരനെതിരെ സംസ്ഥാനത്ത് ക്രിമിനല് കേസുകള് ഒന്നുമില്ലെന്ന് കണ്ടെത്തി. കേന്ദ്ര, സംസ്ഥാന അന്വേഷണ ഏജന്സികളെല്ലാം റഷ്യന് പൗരനെ ചോദ്യം ചെയ്തു. ഏതെങ്കിലും സംശയാസ്പദമായ പ്രവര്ത്തികളില് റഷ്യന് പൗരന് ഏര്പ്പെട്ടിട്ടില്ലെന്നും കണ്ടെത്തി. കോടതിയില് ഹാജരാക്കിയ ശേഷം ഇലിയ എകിമോവിനെ റഷ്യയിലേക്ക് നാടുകടത്താനുള്ള നടപടികള് കേന്ദ്രസര്ക്കാര് ആരംഭിക്കുമെന്നാണ് റിപ്പോര്ട്ടുകള്.
വിവാഹം കഴിഞ്ഞുള്ള ആദ്യ നാളുകളില് കുര്ക്കുറെ വാങ്ങി നല്കുന്നത് പതിവ്, ഒരു ദിവസം കുര്ക്കുറെ വാങ്ങാന് മറന്ന് പോയി, ഒടുവില് വിവാഹമോചനം ആവശ്യപ്പെട്ട് യുവതി
3>വിവാഹം കഴിഞ്ഞ ഒരു വര്ഷം കഴിഞ്ഞപ്പോഴേക്കും ഭര്ത്താവും ഭാര്യയും തമ്മില് കുര്ക്കുറെയും പേരില് വഴക്ക്. സംഭവം ഒടുവില് എത്തിയത് വിവാഹമോചനത്തിലേക്ക്.
ഉത്തര്പ്രദേശ് ആഗ്ര സ്വദേശിനിയായ യുവതിയാണ് വിവാഹമോചനം തേടിയത്. എന്നാല് വിവാഹ മോചനത്തിനായി പറഞ്ഞതോ നിസ്സാരമായ കാരണമായിരുന്നു. അഞ്ച് രൂപയുടെ കുര്കുറെ പാക്കറ്റ് വാങ്ങി നല്കാത്തതിനെ തുടര്ന്നാണ് യുവതി വിവാഹമോചനം ആവശ്യപ്പെട്ടത്.
ദമ്പതിമാരുടെ വിവാഹം ഒരു വര്ഷം മുമ്പായിരുന്നു.വിവാഹം കഴിഞ്ഞുള്ള ആദ്യനാളുകള് കുഴപ്പങ്ങളൊന്നുമുണ്ടായിരുന്നില്ല. കല്ല്യാണം കഴിഞ്ഞത് മുതല് എല്ലാ ദിവസവും അഞ്ച് രൂപയുടെ കുര്ക്കുറെ വാങ്ങി നല്കണമെന്നായിരുന്നു യുവതി ആവശ്യപ്പെട്ടിരുന്നത്. ആദ്യനാളുകളില് ജോലികഴിഞ്ഞെത്തിയ ഭര്ത്താവ് വാങ്ങിനല്കിയിരുന്നു. എന്നാല് ഒരു ദിവസം ഭര്ത്താവ് കുര്ക്കുറെ വാങ്ങാന് മറന്ന് പോവുകയായിരുന്നു. തുടര്ന്നാണ് കാര്യങ്ങള് വഷളാക്കിയത്. ഇത് ഇരുവരും തമ്മില് വാക്കേറ്റത്തിന് കാരണമായി. തുടര്ന്ന് യുവതി ഭര്ത്താവിനെ ഉപേക്ഷിച്ച് മാതാപിതാക്കളുടെ അടുത്തേക്ക് തിരികെ പോവുകയായിരുന്നു. ശേഷം പോലീസില് പരാതി നല്കിയ യുവതി തനിക്ക് ഭര്ത്താവില് വിവാഹമോചനം വേണമെന്ന് ആവശ്യപ്പെടുകയായിരുന്നു.
സ്ഥിരമായി കുര്ക്കുറെ കഴിക്കുന്ന യുവതിയുടെ ശീലമാണ് തര്ക്കത്തിന് കാരണമായതെന്ന് ഭര്ത്താവ് പൊലീസിനോട് വ്യക്തമാക്കി. എന്നാല് ഭര്ത്താവില് നിന്നും ശാരീരിക പീഡനമുണ്ടായെന്നും അതിനാലാണ് വീടുവിട്ടിറങ്ങിയതെന്നുമാണ് യുവതിയുടെ പരാതിയില് പറയുന്നത്. ആരോപണങ്ങളെപ്പറ്റി അന്വേഷിക്കുമെന്ന് പോലീസ് അറിയിച്ചു.
ഗുണ്ടാത്തലവന് ജയില് മോചനം, 'ആവേശം' ചിത്രം മോഡലില് പാര്ട്ടി, സംഭവത്തിന്റെ വീഡിയോ ദൃശ്യങ്ങള് റീല്സ് ആക്കി സോഷ്യല് മീഡിയയില് പങ്കിട്ടു
3>തൃശൂര്: ഗുണ്ടാത്തലവന് രംങ്കണ്ണനെ പോലെ ആവേശം മോഡലില് ഗുണ്ടാത്തലവന്റെ ജയില് റിലീസ് പാര്ട്ടി. ഫഹദ് ഫാസില് നായകനായ 'ആവേശം'ത്തിലേത് പോലെ ഒരു കൂട്ടം ആളുകള് ഒരുമിച്ചാണ് ജയില് മോചനം ആഘോഷമാക്കിയത്.
നാല് കൊലക്കേസുകളില് ഉള്പ്പെടെ പ്രതിയായ ഗുണ്ടാത്തലവന് അനൂപ് ആണ് പാര്ട്ടി നടത്തിയത്. ജയിലില് നിന്ന് പുറത്തിറങ്ങിയതിന്റെ ഭാഗമായുള്ള ആഘോഷമായിരുന്നു ഇത്. പാര്ട്ടിയുടെ ദൃശ്യങ്ങള് റീലുകളാക്കി ഇന്സ്റ്റഗ്രാമിലൂടെ പുറത്തുവിടുകയും ചെയ്തു.
രണ്ടാഴ്ച മുമ്പ് തൃശൂര് കുറ്റൂര് കൊട്ടേക്കാടുള്ള ഒരു സ്വകാര്യ പാടശേഖരത്തില് വച്ചാണ് പാര്ട്ടി നടത്തിയത്. 60ഓളം കുറ്റവാളികള് പാര്ട്ടിയില് പങ്കെടുത്തെന്നാണ് വിവരം. പൊലീസ് ജീപ്പിന് സമീപത്തായി ഇവര് നില്ക്കുന്നതിന്റെ ദൃശ്യങ്ങളും വീഡിയോയില് ഉള്പ്പെടുത്തിയിട്ടുണ്ട്. വിയ്യൂര് സ്റ്റേഷന് പരിധിയിലാണ് ഈ പാടശേഖരമുള്ളത്. ഗുണ്ടകളുടെ ഒത്തുചേരലിന് കേസുമായി യാതൊരു ബന്ധവുമില്ലാത്തതിനാലും പാടശേഖരം സ്വകാര്യ വ്യക്തിയുടേതായതിനാലും ഇക്കാര്യത്തില് പൊലീസ് നടപടിയൊന്നും സ്വീകരിക്കില്ല.
ഭര്തൃവീട്ടില് നവവധുവിന് മര്ദ്ദനമേറ്റ സംഭവം: മുഖ്യമന്ത്രിക്ക് പരാതി നല്കി കുടുംബം, പൊലീസ് കേസെടുക്കാന് വൈകിയ സാഹചര്യം ഉള്പ്പെടെ ചൂണ്ടികാട്ടിയാണ് പരാതി
3>കോഴിക്കോട് : ഭര്തൃവീട്ടില് നവവധുവിന് മര്ദ്ദനമേറ്റ സംഭവം കേരളത്തിലൊന്നാകെ ഞെട്ടലുണ്ടാക്കിയ സംഭവം ആയിരുന്നു. സംഭവത്തില് മുഖ്യമന്ത്രിക്ക് പരാതി നല്കി പെണ്കുട്ടിയുടെ കുടുംബം.
സംഭവം റിപ്പോര്ട്ട് ചെയ്തിട്ടും കോഴിക്കോട് പന്തീരാങ്കാവ് പൊലീസ് കേസെടുക്കാന് വൈകിയ സാഹചര്യം ഉള്പ്പെടെ ചൂണ്ടികാട്ടിയാണ് പരാതി നല്കിയിരിക്കുന്നത്. കോഴിക്കോട് സ്വദേശിയായ രാഹുല് മൊബൈല് ചാര്ജര് കേബിള് ഉപയോഗിച്ച് കഴുത്തുഞെരിച്ച് കൊലപ്പെടുത്താന് ശ്രമിച്ചെന്നാണ് യുവതിയുടെ പരാതി. രാഹുലിനെതിരെ വധശ്രമം ഉള്പ്പെടെയുള്ള വകുപ്പുകള് ചേര്ക്കണമെന്നാണ് കുടുംബത്തിന്റെ ആവശ്യം.
എറണാകുളം പറവൂര് സ്വദേശിയാണ് യുവതി. എറണാകുളത്ത് നിന്ന് വിവാഹ സല്ക്കാരച്ചടങ്ങിന് എത്തിയ ബന്ധുക്കളാണ് യുവതിയുടെ ശരീരത്തിലെ പരിക്കുകള് കണ്ടത്. വീട്ടുകാര് യുവതിയുടെ മുഖത്തും കഴുത്തിലും മര്ദ്ദനമേറ്റതിന്റെ പാടുകള് കണ്ട് കാര്യം തിരക്കിയപ്പോഴാണ് വിവരം പുറത്തറിഞ്ഞത്. മെയ് 5ന് എറണാകുളത്ത് വെച്ചായിരുന്നു ഇവരുടെ വിവാഹം.
പൊന്നാനിയില് മത്സ്യബന്ധന ബോട്ടില് കപ്പലിടിച്ച് രണ്ട് മത്സ്യത്തൊഴിലാളികളെ കാണാതായി, ഇന്ന് പുലര്ച്ചെ പൊന്നാനിയില് നിന്ന് 38 നോട്ടിക്കല്മൈല് അകലെവച്ചാണ് അപകടം
3>പൊന്നാനിയില് മത്സ്യബന്ധന ബോട്ടില് കപ്പലിടിച്ച് രണ്ട് മത്സ്യത്തൊഴിലാളികളെ കാണാതായി. ഇടിയുടെ ആഘാതത്തില് ബോട്ട് രണ്ടായി മുറിഞ്ഞ് കടലില് താഴ്ന്നെന്നാണ് പുറത്ത് വരുന്ന വിവരം.
ഇന്ന് പുലര്ച്ചെ പൊന്നാനിയില് നിന്ന് 38 നോട്ടിക്കല്മൈല് അകലെവച്ചാണ് അപകടമുണ്ടായത്. സ്രാങ്ക് അഴീക്കല് സ്വദേശി അബ്ദുല്സലാം, ഗഫൂര് എന്നിവരെയാണ് കാണാതായത്. അഴീക്കല് സ്വദേശി മരക്കാട്ട് നൈനാറിന്റെ ഉടമസ്ഥതയിലുള്ള 'ഇസ്ലാഹി' എന്ന ബോട്ടാണ് അപകടത്തില്പ്പെട്ടത്.
ബോട്ടിലുണ്ടായിരുന്ന ആറു പേരില് നാലു പേരെ മറ്റ് കപ്പലുകാര് രക്ഷപ്പെടുത്തി. കാണാതായ രണ്ടു പേര്ക്ക് വേണ്ടിയുള്ള തിരച്ചില് പുരോഗമിക്കുകയാണ്.
തീരത്തോട് ചേര്ന്നാണ് കപ്പല് സഞ്ചരിച്ചിരുന്നതെന്ന് മത്സ്യത്തൊഴിലാളികള് പറഞ്ഞു.
എയര് ഇന്ത്യ വിമാനത്തില് നിന്നും താഴേക്ക് ചാടുമെന്ന് യാത്രക്കാരന്, വിമാനത്തില് പ്രശ്നമുണ്ടാക്കിയ യുവാവിനെ മംഗളൂരു പൊലീസ് അറസ്റ്റ് ചെയ്തു
3>മംഗളൂരു: എയര് ഇന്ത്യാ വിമാനത്തില് പ്രശ്നമുണ്ടാക്കിയ യുവാവിനെ പൊലീസ് അറസ്റ്റ് ചെയ്തു. വിമാനത്തില് നിന്ന് ചാടുമെന്ന് ഭീഷണിപ്പെടുത്തിയ കണ്ണൂര് സ്വദേശിയെ ആണ് മംഗളൂരുവില് പൊലീസ് അറസ്റ്റ് ചെയ്തത്. ഇയാള് വിമാനയാത്രക്കിടയില് പ്രശ്നമുണ്ടാക്കുകയായിരുന്നു.
വിമാനത്തില് വെച്ച് ജീവനക്കാരോട് മോശമായി പെരുമാറുകയും ഭീഷണി മുഴക്കുകയും ചെയ്തെന്ന് ഇയാളെ കുറിച്ചുള്ള പരാതിയില് പറയുന്നു. കണ്ണൂര് സ്വദേശി മുഹമ്മദ് ബിസി എന്നയാളെയാണ് മംഗളൂരു പോലീസ് അറസ്റ്റ് ചെയ്തിരിക്കുന്നത്.
വിമാനം പറന്നുകൊണ്ടിരിക്കേ വിമാനത്തില്നിന്ന് പുറത്തേക്ക് ചാടുമെന്ന് ഇയാള് ഭീഷണിപ്പെടുത്തുകയായിരുന്നു. ഇതോടെ ജീവനക്കാരും സഹയാത്രികരും പരിഭ്രാന്തരായി. എയര് ഇന്ത്യ എക്സ്പ്രസിന്റെ സുരക്ഷാ കോ-ഓര്ഡിനേറ്റര് സിദ്ധാര്ത്ഥ ദാസ് നല്കിയ പരാതിയിലാണ് പോലീസ് കേസെടുത്തത്.
മേയ് 8നാണ് സംഭവം. ദുബായില് നിന്ന് മംഗളൂരുവിലേക്ക് തിരിക്കുകയായിരുന്നു എയര് ഇന്ത്യ എക്സ്പ്രസിന്റെ വിമാനം. ജീവനക്കാരുടെ പരാതിയെ തുടര്ന്ന് വിമാനം മംഗളൂരുവിലെത്തിയ ഉടനെ ഇയാളെ അറസ്റ്റ് ചെയ്തു.
ഡല്ഹിയില് ശക്തമായ പൊടിക്കാറ്റില് കടുത്ത നാശനഷ്ടം, വിമാനങ്ങള് വഴിതിരിച്ചുവിട്ടതായി വിമാനത്താവള അധികൃതര്, വാഹനങ്ങളുടെ മുകളിലേക്ക് മരം കടപുഴകി വീണു
3>ഡല്ഹിയില് ശക്തമായ പൊടിക്കാറ്റ് റിപ്പോര്ട്ട് ചെയ്തു. ശക്തമായ കാറ്റിനെ തുടര്ന്ന് വിമാനം വഴിതിരിച്ചുവിട്ടതായി വിമാനത്താവള അധികൃതര് അറിയിച്ചു.
ഒമ്പത് വിമാനങ്ങളെങ്കിലും ജയ്പൂരിലേക്ക് വഴിതിരിച്ചുവിട്ടതായാണ് വിമാനത്താവളത്തില് നിന്നുള്ള റിപ്പോര്ട്ടില് പറയുന്നത്. ഇന്നലെ കേന്ദ്ര കാലാവസ്ഥാ വകുപ്പ് മോശം കാലാസ്ഥയുണ്ടായേക്കുമെന്ന് യെല്ലോ അലേര്ട്ട് പുറപ്പെടുവിച്ചിരുന്നു. രാത്രി 8 മണിയോടെ അത് ഓറഞ്ച് അലര്ട്ടാക്കിയിരുന്നു. രാത്രി 9 മണിയോടെയാണ് കൊടുങ്കാറ്റ് ആരംഭിച്ചത്, രാത്രി 10 മണിക്ക് ഉജ്വയില് 77 കിലോമീറ്റര് വേഗതയിലും പ്രഗതി മൈതാനില് 63 കിലോമീറ്റര് വേഗതയിലും ലോധി റോഡില് 61 കിലോമീറ്റര് വേഗതയിലും കാറ്റ് വീശിയെന്ന് കേന്ദ്ര കാലാവസ്ഥവകുപ്പ് അറിയിച്ചു.
ശക്തമായ പൊടിക്കാറ്റിനെ തുടര്ന്ന് കടുത്ത നാശനഷ്ടം ആണ് ഉണ്ടായിരിക്കുന്നത്. ഒറ്റപ്പെട്ട പ്രദേശങ്ങളില് നേരിയ മഴയും ലഭിച്ചു. രാത്രി 9 മണിക്കും 11 മണിക്കും ഇടയിലുണ്ടായ കാറ്റില് ചില വീടുകളുടെ മേല്ക്കൂരകള്ക്ക് കേടുപാടുകള് സംഭവിച്ചു. മണിക്കൂറില് 70 കിലോ മീറ്റര് വരെ വേഗതയില് കാറ്റ് വീശാന് സാധ്യതയുള്ളതിനാല് ഇന്നലെ തന്നെ അധികൃതര് മുന്നറിയിപ്പ് നല്കിയിരുന്നു.
കൊണാക്ട് പ്ലേസില് നിര്ത്തിയിട്ടിരുന്ന വാഹനങ്ങളുടെ മുകളിലേക്ക് മരം കടപുഴകി വീണു. മരങ്ങള് കടപുഴകി വീണതിനെ കുറിച്ച് 60 കോളുകള് ലഭിച്ചതായും വീട് തകര്ന്നതും മതില് ഇടിഞ്ഞതുമായി ബന്ധപ്പെട്ട 22 കോളുകള് ലഭിച്ചതായും ഡല്ഹി പൊലീസിന് അറിയിച്ചു. കാറ്റില് സഹായം ആവശ്യപ്പെട്ട് അഗ്നിശമന സേനയ്ക്ക് അമ്പതോളം കോളുകള് ലഭിച്ചതായി ഉദ്യോഗസ്ഥര് പറഞ്ഞു. കൊടുങ്കാറ്റ് മൂലമുണ്ടായ നാശനഷ്ടങ്ങളോ മരണങ്ങളോ പരിക്കുകളോ സംബന്ധിച്ച് കൃത്യമായ അറിവില്ലെന്നും പൊലീസ് അറിയിച്ചു.
ഡല്ഹിയില് അതിശക്തമായ പൊടിക്കാറ്റിന് സാധ്യതയെന്ന് ഇന്നലെ തന്നെ അധികൃതര് മുന്നറിയിപ്പ് നല്കിയിരുന്നു. മണിക്കൂറില് 70 കിലോമീറ്റര് വേഗത്തില് രാജ്യതലസ്ഥാനത്ത് കാറ്റ് വീശുമെന്നായിരുന്നു അറിയിപ്പ്. അതിശക്തമായ കാറ്റില് കൃഷി നശിക്കാന് സാധ്യതയുണ്ട്. കെട്ടിടങ്ങള്ക്ക് ഭാഗികമായി കേടുപാടുണ്ടായേക്കുമെന്നും പുല്വീടുകളും കുടിലുകളും തകരുമെന്നും അധികം കനമില്ലാത്ത വസ്തുക്കള് പറന്നുപോകുമെന്നും മുന്നറിയിപ്പില് പറഞ്ഞിരുന്നു.
അമ്മയാവുക എന്നത് സ്വാഭാവിക പ്രതിഭാസം, തൊഴില് ദാതാവ് അതു മനസ്സിലാക്കി വനിതാ ജീവനക്കാരോട് പരിഗണനാപൂര്വം പെരുമാറേണ്ടതുണ്ട്: ബോംബെ ഹൈക്കോടതി
3>മൂന്നാമതും ഗര്ഭിണിയായ ജീവനക്കാരിക്കു മറ്റേണിറ്റി ലീവ് നിഷേധിച്ച എയര്പോര്ട്ട് അതോറിറ്റിയുടെ തീരുമാനം റദ്ദാക്കിക്കൊണ്ട് ഹൈക്കോടതി. 'അമ്മയാവുക എന്നത് സ്വാഭാവിക പ്രതിഭാസമാണെന്നും, തൊഴില് ദാതാവ് അതു മനസ്സിലാക്കി വനിതാ ജീവനക്കാരോട് പരിഗണനാപൂര്വം പെരുമാറേണ്ടതുണ്ടെന്നും ബോംബെ ഹൈക്കോടതി അറിയിച്ചു.
സമൂഹത്തില് പാതി വരുന്ന സ്ത്രീകളോട് ആദരവോടെ പെരുമാറേണ്ടതുണ്ട്. ജീവിതമാര്ഗം കണ്ടെത്തുന്നതിനായി ജോലി ചെയ്യുന്ന അവരെ തൊഴിലിടങ്ങളില് അന്തസ്സോടെ പരിഗണിക്കണം- ജസ്റ്റിസുമാരായ എഎസ് ചന്ദുര്ക്കറും ജിതേന്ദ്ര ജയിനും അടങ്ങിയ ബെഞ്ച് പറഞ്ഞു. ജോലിയുടെ സ്വഭാവം എന്തുതന്നെയായാലും വനിതകള്ക്ക് അര്ഹമായ ആനുകൂല്യം നല്കുക തന്നെ വേണമെന്ന് കോടതി വ്യക്തമാക്കി.
അമ്മയാവുക എന്നത് ഒരു സ്ത്രീയുടെ ജീവിതത്തിലെ ഏറ്റവും സ്വാഭാവികമായ പ്രക്രിയണ്. കുഞ്ഞിനു ജന്മം നല്കുന്നതിന്, ജീവനക്കാരിക്ക് നല്കാവുന്ന സൗകര്യങ്ങള് തൊഴില് ദാതാവ് പരിഗണനാപൂര്വം നല്കണം. ജോലിക്കിടെ അവര്ക്കുണ്ടാവുന്ന ശാരീരിക വൈഷമ്യങ്ങള് തൊഴില്ദാതാവ് മനസ്സിലാക്കേണ്ടതുണ്ട്- കോടതി പറഞ്ഞു.
രണ്ടു കുട്ടികള് ഉണ്ടെന്നു ചൂണ്ടിക്കാട്ടി ജീവനക്കാരിയുടെ മറ്റേണിറ്റി ലീവ് നിഷേധിച്ച എഎഐ നടപടി ചോദ്യം ചെയ്താണ്, ജീവനക്കാരുടെ സംഘടന കോടതിയില് എത്തിയത്.