ന്യൂയോര്‍ക്ക്: വെസ്റ്റ് ചെസ്റ്റര്‍ മലയാളി അസ്സോസിയേഷന്റെ ആദ്യത്തെ പ്രസിഡന്റും മുന്‍ ട്രസ്റ്റി ബോര്‍ഡ് ചെയര്‍മാനും ആയിരുന്ന എം.വി. ചാക്കോയുടെ നിര്യണത്തില്‍ വെസ്റ്റ്‌ചെസ്റ്റര്‍ മലയാളീ അസോസിയേഷന് അഗാധ ദുഃഖവും അനുശോചനവും രേഖപ്പെടുത്തുന്നു.
ഒരു ചരിത്ര നിയോഗം പോലെ വെസ്റ്റ് ചെസ്റ്റര്‍ മലയാളി അസ്സോസിയേഷന്റെ രൂപികരണത്തില്‍ പ്രധാന പങ്ക് വഹിക്കുകയും ആദ്യത്തെ മുന്ന് വര്‍ഷക്കാലം അസ്സോസിയേഷന്റെ പ്രസിഡന്റ് ആയി സേവനം അനുഷ്ടിക്കുകയും അസോസിയേഷന് ഒരു താങ്ങും തണലും ആയി നിന്നിടുള്ള എം.വി. ചാക്കോയുടെ സേവനം വെസ്റ്റ് ചെസ്റ്റര്‍ മലയാളി അസോസിയേഷന് എന്നും സ്മരിക്കപ്പെടും.
അമേരിക്കയില്‍ മലയാളികള്‍ കുടിയേറുന്ന സമയത്തു തന്നെ വെസ്റ്റ്‌ചെസ്റ്ററില്‍ ഉള്ള മലയാളികളെ സംഘടിപ്പിച്ചു മലയാളീ ഐക്യത്തിന് നേതൃത്വം നല്‍കിയ ആദരണീയനായ എം വി ചാക്കോയുടെ പ്രവര്‍ത്തനം എത്ര പ്രശംസിച്ചാലും മതിയാവില്ല. പണ്ടെക്കെ വെസ്റ്റ്‌ചെസ്റ്റര്‍ മലയാളി അസ്സോസിയേഷന്റെ ആഘോഷ പരിപാടികളില്‍ പങ്കെടുക്കുവാന്‍ വേണ്ടി മറ്റ് സംസ്ഥാങ്ങളില്‍ നിന്നു പോലും മലയാളികള്‍ എത്തിച്ചേര്‍ന്നിരുന്നു. അദ്ദേഹത്തിന്റെ പ്രവര്‍ത്തന മികവ് ഒന്നുകൊണ്ടു കൂടിയാണ് അസോസിയേഷന് കേരളീയ തനിമയും നിറഭംഗികളും കൈമോശം വരാതെ അമേരിക്കയിലെ തന്നെ ഏറ്റവും വലിയ മലയാളീ അസോസിയേഷനുകളില്‍ ഒന്നാക്കി ആക്കി മാറ്റിയെടുക്കാന്‍ കഴിഞ്ഞത്.
എം.വി. ചാക്കോ ജനിച്ചതും വളര്‍ന്നതും തിരുവല്ലയിലുള്ള വളഞ്ഞവെട്ടത്താണ്. ഏട്ട് വര്‍ഷക്കാലം ഭിലായ് സ്റ്റീല്‍ പ്ലാന്റില്‍ സുപെര്‍വ്യസര്‍ ആയി ജോലിനോക്കിയ ശേഷം ബോര്‍ടര്‍ റോഡ്‌സില്‍ (GREF) ല്‍ അഞ്ചു വര്‍ഷം സുപ്പര്‍വൈസര്‍ ആയി, മുംബയിലും നാല് വര്‍ഷം സേവനം നടത്തി, 1974 അമേരിക്കയില്‍ എത്തുകയും പതിമുന്നു വര്‍ഷം ഡല്‍ ഇലട്രോണിസില്‍ സേവനം അനുഷ്ടിച്ചു, പതിനെട്ട് വര്‍ഷക്കാലം ന്യൂയോര്‍ക്ക് സിറ്റി ട്രാന്‍സിറ്റ് അതൊറിറ്റിയില്‍ സേവനം അനുഷ്ടിച്ചത്തിനു ശേഷം 2006 മുതല്‍ റിട്ടയേര്‍മെന്റ്റ് ജിവിതം നയിക്കുക ആയിരുന്നെങ്കില്‍ കുടി അസ്സോസിയേഷന്റെ എല്ലാ പരിപാടികളിലും നിറസാന്നിധ്യം ആയിരുന്നു.
ഭാര്യ ലീലാമ്മ പത്തനാപുരം പുന്നല വെട്ടശേരി കുടുംബാംഗം. മക്കള്‍: ജയ, ഷിനോ, ജീമോന്‍. മരുമക്കള്‍: ലിജു, നീല്‍, ഹെലന്‍. എട്ട് കൊച്ചുമക്കളുമുണ്ട്. രാജു വര്‍ഗീസ്, എം.വി. എബ്രഹാം, അമ്മിണി, കുഞ്ഞുഞ്ഞമ്മ, ഏലമ്മ എന്നിവരാണ് സഹോദരങ്ങളാണ്.
എം.വി. ചാക്കോയുടെ നിര്യാണത്തില്‍ അനുശോചനം രേഖപ്പെടുത്തുന്നതിനോടൊപ്പം അദ്ദേഹത്തിന്റെ അന്മാവിന് വേണ്ടി പ്രാര്‍ത്ഥിക്കുന്നതായി പ്രസിഡന്റ് ഗണേഷ് നായര്‍, സെക്രട്ടറി ടെറന്‍സണ്‍ തോമസ്; ട്രഷറര്‍: രാജന്‍ ടി ജേക്കബ്, വൈസ് പ്രസിഡന്റ്: കെ ജി ജനാര്‍ദ്ദനന്‍, ജോ. സെക്രട്ടറി: ഷാജന്‍ ജോര്‍ജ്. ട്രസ്റ്റീ ബോര്‍ഡ് ചെയര്‍ ചാക്കോ പി ജോര്‍ജ് (അനി), കമ്മിറ്റി മെംബേര്‍സ് ആയ ജോയി ഇട്ടന്‍, തോമസ് കോശി, ശ്രീകുമാര്‍ ഉണ്ണിത്താന്‍, ജോണ്‍ സി വര്‍ഗീസ്, ഫിലിപ്പ് ജോര്‍ജ്, ആന്റോ വര്‍ക്കി, ജോണ്‍ തോമസ്, ഇട്ടൂപ്പ് ദേവസ്യ, ലിജോ ജോണ്‍, ബിപിന്‍ ദിവാകരന്‍, ഷോളി കുമ്പിളുവേലില്‍, സുരേന്ദ്രന്‍ നായര്‍, നിരീഷ് ഉമ്മന്‍, പ്രിന്‍സ് തോമസ്, കെ. കെ ജോണ്‍സന്‍ ട്രസ്റ്റീ ബോര്‍ഡ് മെംബേര്‍സ് ആയ എം.വി.കുര്യന്‍, ജോണ്‍ മാത്യു (ബോബി), രാജ് തോമസ്, കെ.ജെ. ഗ്രിഗറി. ഓഡിറ്റേഴ്സ് ആയ ലീന ആലപ്പാട്ട്, മാത്യു ജോസഫ്, രാധാ മേനോന്‍ എന്നിവര്‍ ഒരു അനുശോചന കുറിപ്പില്‍ അറിയിച്ചു.
More Latest News
സൗത്ത് ഇന്ത്യന്‍ മലയാളി അസോസിയേഷനായ സൈമ പ്രെസ്റ്റന് പുതിയ നേതൃത്വം, സൈമയുടെ മുഖ്യ സാരഥികളും എക്‌സിക്യൂട്ടീവ് മെമ്പേഴ്‌സുമായി തിരഞ്ഞെടുക്കപ്പെട്ടത് ഇവര്‍
ഫാ.സേവ്യര്‍ ഖാന്‍ വട്ടായില്‍ നയിക്കുന്ന ഗ്രാന്‍ഡ് യൂത്ത് കോണ്‍ഫറന്‍സ് ജൂണ്‍ 28 മുതല്‍ ജൂലൈ 1 വരെ; രജിസ്ട്രേഷന്‍ ഉടന്‍ അവസാനിക്കും
എറണാകുളം നഗരമധ്യത്തിലെ ഹോസ്റ്റലിലെ ശുചിമുറിയില്‍ അവിവാഹിതയായ യുവതി പ്രസവിച്ചു, പൊലീസ് സ്ഥലത്തെത്തി അമ്മയേയും കുഞ്ഞിനേയും ആശുപത്രിയിലേക്ക് മാറ്റി
ദിവസവും പത്ത് മണിക്കൂര്‍ നേരം ഇരുന്ന് ജോലി ചെയ്യുന്നവരാണോ? നിങ്ങള്‍ക്ക് ഈ രോഗം വരാന്‍ സാധ്യതകള്‍ ഏറെയെന്ന് പഠനം
ക്രിക്കറ്റ് ലോകത്തെ അമ്പരപ്പിച്ച് പറക്കും ക്യാച്ചുമായി മലയാളി താരം, കേരള സീനിയര്‍ താരം അലീന സുരേന്ദ്രന്റെ അത്ഭുത ക്യാച്ച് വൈറലാകുമ്പോള്‍
Most Read
British Pathram Recommends
