ഇംഗ്ലണ്ടിലെ പ്രമുഖ കലാസാംസ്കാരിക സംഘടനായ കോസ്മോപോളിറ്റൻ ക്ലബ്ബ്, ബ്രിസ്റ്റോളിന്റെ ആഭിമുഖ്യത്തിൽ തിരുവനന്തപുരത്തെ ഡിഫറെൻറ് ആർട്ട് സെന്റർ, മാജിക് പ്ലാനറ്റ് എന്നിവയുടെ സഹകരണത്തോടെ നടത്തുന്ന "സാന്ത്വന സ്പർശം " എന്ന ഓൺലൈൻ ചാരിറ്റി ഷോ ഈ വരുന്ന മാർച്ച് അഞ്ച്, ശനിയാഴ്ച ഉച്ചയ്ക്ക് 1 മണി (യുകെ സമയം ), വൈകുന്നേരം 6 :30 ന് (ഇന്ത്യൻ സമയം ) പ്രദർശിപ്പിക്കും.
ഡിഫറെൻറ് ആർട്ട് സെന്ററിന്റെയും, മാജിക് അക്കാദമിയുടെയും സ്ഥാപകനും പ്രമുഖ മോട്ടിവേഷണൽ സ്പീക്കറും മജീഷ്യനുമായ ശ്രീ ഗോപിനാഥ് മുതുകാട് തത്സമയം പ്രേക്ഷകരോട് സംവദിക്കും.
ഭിന്നശേഷിക്കാരായ കുട്ടികളുടെ ക്ഷേമത്തിനു വേണ്ടി , തികച്ചും വ്യത്യസ്തമായ രീതിയിൽ പ്രവർത്തിക്കുന്ന ലോകത്തിലെ തന്നെ അപൂർവം ചില സ്ഥാപനങ്ങളിലൊന്നാണ് തിരുവനന്തപുരത്തെ ഡിഫറൻറ് ആർട്ട് സെന്റർ (Different Art Centre ). ഭിന്ന ശേഷിക്കാരായ കുട്ടികളുടെ കഴിവുകൾ പ്രോത്സാഹിപ്പിച്ച് അവരുടെയും മാതാപിതാക്കളുടെയും ജീവിതത്തിൽ വളരെയധികം മാറ്റങ്ങൾ വരുത്തുവാൻ ഈ സ്ഥാപനത്തിന്റെ പ്രവർത്തനം സഹായിക്കുന്നു. മാർച്ച് അഞ്ചിന് നടക്കുന്ന ഈ പരിപാടിയിൽ സിനിമ, കലാസാംസ്കാരിക മേഖലയിലെ പ്രമുഖർ പങ്കെടുക്കും .
ഫേസ്ബുക്കിലും , യൂട്യുബിലും ലൈവ് ആയി നടക്കുന്ന ഈ പരിപാടി ലോകമെമ്പാടുമുള്ള പ്രേക്ഷകർക്ക് ലൈവ് ആയി കാണുകയും, പങ്കെടുക്കുകയും ചെയ്യാം .
മലയാളി മനസ്സുകളിൽ ഓർമ്മകളുടെ മധുരം ചൊരിയുന്ന ഗാനങ്ങൾ കോർത്തിണക്കിയ സംഗീത വിരുന്നുമായി അനൂപ് ആനന്ദ് & പ്രവീണ അനൂപ് (Praan couple Band ) ഇന്ത്യയിലെ സ്റ്റുഡിയോയിൽ നിന്ന് പങ്കെടുക്കും.
തികച്ചും സൗജന്യമായി നടത്തുന്ന ഈ പരിപാടി ഭിന്നശേഷിക്കാരുടെ ഉന്നമനത്തിനായി പ്രവർത്തിക്കുന്ന Different Art സെന്ററിന്റെ ധനസമാഹരണത്തിന് വേണ്ടിയാണു നടത്തുന്നത്.
ലോകമെമ്പാടുമുള്ള മലയാളി സംഘടനകൾക്ക് ഈ ചാരിറ്റി ഷോയുമായി സഹകരിക്കാൻ കോസ്മോപൊളിറ്റൻ ക്ലബ്ബ് ബ്രിസ്റ്റോളിന്റെ താഴെ നൽകിയിട്ടുള്ള ഇമെയിൽ അഡ്രസ്സിൽ ബന്ധപെടുക.
Email: cosmopolitanclub.bristol@outlook. com
"Santhwana Sparsam " "സാന്ത്വന സ്പർശം "
March 5 ശനിയാഴ്ച ഇന്ത്യൻ സമയം വൈകുന്നേരം 6:30 ന്...
കാണാൻ മറക്കരുത്...
Programme Youtube Link: https://youtu.be/QFmmST6ee0c