ഡിസംബര്‍ 29 ന് ഒമാനില്‍ നിന്നും ഹീത്രൂ വിമാനത്താവളത്തില്‍ എത്തിയ ഒമാന്‍ എയര്‍ വിമാനത്തിലെ കാര്‍ഗോ പാക്കേജിനുള്ളില്‍ യുറേനിയത്തിന്റെ അംശം കണ്ടെത്തിയ സംഭവത്തില്‍ 60-കാരന്‍ അറസ്റ്റില്‍. ഇന്നലെ രാവിലെ 2006 ലെ തീവ്രവാദ നിയമത്തിലെ സെക്ഷന്‍ 9 ചുമത്തിയാണ് ചെഷയറില്‍ താമസിക്കുന്ന അറുപതുകാരനെ ഉദ്യോഗസ്ഥര്‍ അറസ്റ്റ് ചെയ്തത്. ഇയാളെ ഏപ്രില്‍ മാസം വരെ ജാമ്യത്തില്‍ വിട്ടയച്ചു. ഇയാളെ അറസ്റ്റ് ചെയ്ത വിലാസത്തില്‍ സ്‌പെഷ്യലിസ്‌റ് പോലീസ് അംഗങ്ങള്‍ പരിശോധന നടത്തി. എന്നാല്‍ ജനങ്ങള്‍ക്ക് ഭീഷണിയുണ്ടാക്കുന്ന തലത്തിലുള്ള വസ്തുക്കളൊന്നും തന്നെ കണ്ടെത്തിയിട്ടില്ലെന്ന് പോലീസ് വക്താവ് അറിയിച്ചു.
യുകെ ബോര്‍ഡര്‍ ഫോഴ്സ് നടത്തുന്ന സ്‌പെഷ്യലിസ്റ്റ് സ്‌കാനറുകളുടെ പതിവ് പരിശോധനയിലാണ് പാഴ്‌സല്‍ ഒരു ഫ്രൈറ്റ് ഷെഡിലേക്ക് നീക്കുന്നതിനിടെ പിടികൂടിയത്. പാകിസ്ഥാനില്‍ നിന്നും അയച്ചിരിക്കുന്ന ഈ കാര്‍ഗോ യു കെയിലെ ഇറാനിയന്‍ ബന്ധമുള്ള ഒരു സ്ഥപനത്തിലേക്കായിരുന്നു എന്നാണ് മാധ്യമങ്ങള്‍ റിപ്പോര്‍ട്ട് ചെയ്യുന്നത്. അതേസമയം, അതീവ ആശങ്ക നിലനില്‍ക്കെ തന്നെ ആയുധ നിര്‍മ്മാണത്തിനുള്ള നിലവാരത്തില്‍ ഉള്ളതല്ല ഈ യുറേനിയം എന്നും റിപ്പോര്‍ട്ടുകള്‍ ചുണ്ടിക്കാണിക്കുന്നു. അതുകൊണ്ടു തന്നെ ഇത് ഉപയോഗിച്ച് ന്യുക്ലിയര്‍ ബോംബുകള്‍ നിര്‍മ്മിക്കന്‍ സാധ്യമല്ല. എന്നാല്‍, ഈ നിലവാരം കുറഞ്ഞ യുറേനിയം, ഡേര്‍ട്ടി ബോംബ് എന്നറിയപ്പെടുന്ന മറ്റൊരു ആയുധ നിര്‍മ്മാണത്തിനായിരിക്കാം എന്നാണ് അന്വേഷണോദ്യോഗസ്ഥര്‍ സംശയിക്കുന്നത്.
മസ്‌കറ്റില്‍ നിന്നുള്ള വിമാനത്തില്‍ ഇവിടെയെത്തുന്നതിനു മുന്‍പായി ഇത് പാകിസ്ഥാനില്‍ നിന്നാണ് അയച്ചിരിക്കുന്നത് എന്ന് വ്യക്തമായിട്ടുണ്ട്. പ്രസ്തുത പാര്‍സല്‍ ബോര്‍ഡര്‍ ഫോഴ്സ് ഉദ്യോഗസ്ഥര്‍ ഉടന്‍തന്നെ റേസിയോ ആക്റ്റീവ് റൂമില്‍ സുക്ഷിച്ചിരിക്കുകയാണ്.
''ഈ വിഷയത്തില്‍ ഞാന്‍ പൊതുജനങ്ങളെ അറിയിക്കാന്‍ താല്‍പര്യപ്പെടുന്നത് എന്തെന്നാല്‍, ഇപ്പോള്‍ കണ്ടെത്തിയിരിക്കുന്ന ഈ പദാര്‍ഥം കളരെ കുറഞ്ഞ അളവില്‍ ആണെന്നുള്ളതും കൂടാതെ ഇത് പ്രത്യക്ഷത്തില്‍ ഒരു ഭീഷണി അല്ല എന്നുള്ളതും ആണ്''; കമാന്‍ഡര്‍ റിച്ചാര്‍ഡ് സ്മിത്ത് പറഞ്ഞു. സംഭവത്തെ തുടര്‍ന്ന് അന്വേഷണം തുടങ്ങിയപ്പോള്‍ മുതല്‍ ഇത് പൊതുജനങ്ങള്‍ക്ക് ഭീഷണി അല്ലെന്ന് ഉദ്യോഗസ്ഥര്‍ ഉറപ്പുവരുത്തിയിരുന്നു.
അതേസമയം, ഈ നിലവാരത്തിലുള്ള യുറേനിയത്തില്‍ നിന്നും അപകടകരമായ പ്രസരണങ്ങള്‍ ഉണ്ടാകമെന്നും ഇത് ഡര്‍ട്ടി ബോംബിന്റെ നിര്‍മ്മാണത്തിനായി ഉപയോഗിക്കാന്‍ ആകുമെന്നും യു കെ ന്യുക്ലിയര്‍ ഡിഫന്‍സിന്റെ മുന്‍ കമാന്‍ഡരായ ഹാമിഷ് ഡി ബ്രെട്ടണ്‍ പറഞ്ഞു. എന്നാല്‍, ബ്രിട്ടന്റെ സുരക്ഷ സംവിധാനങ്ങള്‍ കൃത്യമായി പ്രവര്‍ത്തിക്കുന്നുണ്ടെന്ന് തെളിഞ്ഞു എന്നും അത് ആശ്വാസം നല്‍കുന്നു എന്നും അദ്ദേഹം കൂട്ടിച്ചേര്‍ത്തു.
More Latest News
ഗ്രേറ്റ് ബ്രിട്ടന്‍ രൂപത വിമന്‍സ് ഫോറം വാര്‍ഷിക സമ്മേളനം സെപ്റ്റംബര്‍ 21ന് ബിര്‍മിങാമില്‍; മേജര്‍ ആര്‍ച്ച് ബിഷപ്പ് മാര്‍ റാഫേല്‍ തട്ടില്‍ ഉദ്ഘാടനം ചെയ്യും
വാറിംഗ്ടണില്‍ ഓള്‍ യുകെ സെവന്‍സ് ഫുട്ബോള്‍ ടൂര്‍ണമെന്റ് ജൂലൈ 20ന്, ആദ്യം രജിസ്റ്റര്‍ ചെയ്യുന്ന 16 ടീമുകള്‍ക്ക് മാത്രം അവസരം, രജിസ്ട്രേഷന്‍ ആരംഭിച്ചു
പൊന്നാനിയില്‍ മത്സ്യബന്ധന ബോട്ടില്‍ കപ്പലിടിച്ച് രണ്ട് മത്സ്യത്തൊഴിലാളികളെ കാണാതായി, ഇന്ന് പുലര്‍ച്ചെ പൊന്നാനിയില്‍ നിന്ന് 38 നോട്ടിക്കല്‍മൈല്‍ അകലെവച്ചാണ് അപകടം
എയര്‍ ഇന്ത്യ വിമാനത്തില്‍ നിന്നും താഴേക്ക് ചാടുമെന്ന് യാത്രക്കാരന്‍, വിമാനത്തില്‍ പ്രശ്‌നമുണ്ടാക്കിയ യുവാവിനെ മംഗളൂരു പൊലീസ് അറസ്റ്റ് ചെയ്തു
ഇത് സ്റ്റാര്‍മാജിക്കിന്റെ പ്രിയപ്പെട്ട താരം തന്നെയാണോ? കുട്ടി നിക്കറും ടീ ഷര്‍ട്ടും വേഷത്തില്‍ ആദ്യമായാണ് കാണുന്നതെന്ന് ആരാധകര്‍!!!
Most Read
British Pathram Recommends
