എന്‍എച്ച്എസ് നഴ്സുമാര്‍ക്ക്19.2 ശതമാനം ശമ്പള വര്‍ദ്ധനവ് എന്ന ആവശ്യത്തോടുള്ള നിഷേധാത്മക നിലപാട് സ്വീകരിക്കുന്ന സര്‍ക്കാരിനെതിരെ നാളെയും മറ്റന്നാളും സമരം ചെയ്യുന്ന നഴ്സുമാര്‍, വരുന്ന ഫെബ്രുവരി 6 നും 7 നും വീണ്ടും സമരത്തിനിറങ്ങും. ഡിസംബറിലെ രണ്ടു ദിവസത്തെ സമരത്തില്‍ പങ്കെടുത്തതിനേക്കാള്‍ കൂടുതല്‍ എന്‍ എച്ച് എസ് ട്രസ്റ്റുകള്‍ ഫെബ്രുവരിയിലെ സമരത്തില്‍ പങ്കെടുക്കുമെന്ന് റോയല്‍ കോളേജ് ഓഫ് നഴ്സിംഗ് വ്യക്തമാക്കി.
55 എന്‍എച്ച്എസ് ട്രസ്റ്റുകളില്‍ നിന്നുള്ള നഴ്സുമാരാണ് ആദ്യ ഘട്ടത്തില്‍ സമരരംഗത്തുള്ളത്. എന്നാല്‍ ഫെബ്രുവരിയില്‍ കൂടുതല്‍ എന്‍എച്ച്എസ് ട്രസ്റ്റുകള്‍ സമരത്തില്‍ മുങ്ങും. 73 ട്രസ്റ്റുകളിലെ നഴ്സുമാര്‍ സമരരംഗത്തേക്ക് വരുമെന്ന് ആര്‍സിഎന്‍ മുന്നറിയിപ്പ് നല്‍കിയിട്ടുണ്ട്. കൂടാതെ വെയ്ല്‍സിലെ 12 ഹെല്‍ത്ത് ബോര്‍ഡുകളും സ്ഥാപനങ്ങളും പങ്കെടുക്കും. പുതിയതായി പ്രഖ്യാപിച്ച സമരത്തില്‍ അരോഗ്യ രംഗത്തെ പ്രമുഖര്‍ ആശങ്ക രേഖപ്പെടുത്തി. നേരത്തേ നടന്ന സമരങ്ങളിലേതിനേക്കാള്‍ വലിയ പ്രത്യാഘാതമായിരിക്കും ഇത് ഉണ്ടാക്കുക എന്ന് അവര്‍ വിലയിരുത്തി. തുടര്‍ച്ചയായി രണ്ട് ദിവസങ്ങള്‍ കൂടി നഴ്സിംഗ് സമരം വരുന്നുവെന്നത് ആശങ്കപ്പെടുത്തുന്ന വിഷയമാണെന്ന് എന്‍എച്ച്എസ് പ്രൊവൈഡേഴ്സ് ചീഫ് എക്സിക്യൂട്ടീവ് സാഫ്രോണ്‍ കോര്‍ഡെറി പ്രതികരിച്ചു. ഹെല്‍ത്ത് സര്‍വ്വീസ് ഇപ്പോള്‍ തന്നെ സമ്മര്‍ദത്തില്‍ മുങ്ങിയ നിലയിലാണ്. സമരങ്ങള്‍ എന്‍എച്ച്എസിന് മേല്‍ സമ്മര്‍ദം ഉയര്‍ത്തുകയാണ്.
ആദ്യഘട്ട സമരത്തില്‍ കീമോതെറാപ്പി, അടിയന്തര കാന്‍സര്‍ സേവനങ്ങള്‍, ഡയാലിസിസ്, ക്രിട്ടിക്കല്‍ കെയര്‍ യൂണിറ്റുകള്‍, നിയോനാറ്റല്‍ ആന്‍ഡ് പീഡിയാട്രിക് ഇന്റന്‍സീവ് കെയര്‍ യൂണിറ്റുകള്‍ പ്രവര്‍ത്തനം മുടക്കില്ലെന്ന് ആര്‍ സി എന്‍ ഉറപ്പ് നല്‍കിയിട്ടുണ്ട്. ചിലയിടങ്ങളില്‍ മാനസിക ആരോഗ്യം, ലേണിംഗ് ഡിസെബിലിറ്റി, ഓട്ടിസം സേവനങ്ങളേയും സമരത്തില്‍ നിന്നും ഒഴിവാക്കിയിട്ടുണ്ട്.
അതേസമയം, ഇംഗ്ലണ്ടിലെയും വെയില്‍സിലെയും അധ്യാപകരും പണിമുടക്കും എന്നതാണ് ഏറ്റവും പുതിയ റിപ്പോര്‍ട്ട്. ഫെബ്രുവരി, മാര്‍ച്ച് മാസങ്ങളില്‍ ആയിരക്കണക്കിന് അധ്യാപകര്‍ തുടര്‍ച്ചയായി പണമുടക്കിനിറങ്ങുമെന്നാണ് രാജ്യത്തെ ഏറ്റവും വലിയ ടീച്ചിംഗ് യൂണിയനായ നാഷണല്‍ എഡ്യൂക്കേഷന്‍ യൂണിയന്റെ നേതാക്കള്‍ അറിയിച്ചിരിക്കുന്നത്. അധ്യാപക പണിമുടക്ക് ഇംഗ്ലണ്ടിലെയും വെയില്‍സിലെയും 23,000 - ത്തിലധികം സ്‌കൂളുകളെ ബാധിക്കുമെന്നാണ് വിലയിരുത്തല്‍ . സമരത്തിന്റെ ആദ്യദിവസം ഫെബ്രുവരി ഒന്നാണ്. ഫെബ്രുവരി 14, മാര്‍ച്ച് 15, മാര്‍ച്ച് 16 എന്നീ തീയതികളില്‍ സമരം തുടരുമെന്നാണ് യൂണിയന്‍ പ്രതിനിധികള്‍ അറിയിച്ചിരിക്കുന്നത്.
More Latest News
ഗ്രേറ്റ് ബ്രിട്ടന്‍ രൂപത വിമന്‍സ് ഫോറം വാര്‍ഷിക സമ്മേളനം സെപ്റ്റംബര്‍ 21ന് ബിര്‍മിങാമില്‍; മേജര്‍ ആര്‍ച്ച് ബിഷപ്പ് മാര്‍ റാഫേല്‍ തട്ടില്‍ ഉദ്ഘാടനം ചെയ്യും
വാറിംഗ്ടണില്‍ ഓള്‍ യുകെ സെവന്‍സ് ഫുട്ബോള്‍ ടൂര്‍ണമെന്റ് ജൂലൈ 20ന്, ആദ്യം രജിസ്റ്റര്‍ ചെയ്യുന്ന 16 ടീമുകള്‍ക്ക് മാത്രം അവസരം, രജിസ്ട്രേഷന്‍ ആരംഭിച്ചു
പൊന്നാനിയില്‍ മത്സ്യബന്ധന ബോട്ടില്‍ കപ്പലിടിച്ച് രണ്ട് മത്സ്യത്തൊഴിലാളികളെ കാണാതായി, ഇന്ന് പുലര്‍ച്ചെ പൊന്നാനിയില്‍ നിന്ന് 38 നോട്ടിക്കല്‍മൈല്‍ അകലെവച്ചാണ് അപകടം
എയര്‍ ഇന്ത്യ വിമാനത്തില്‍ നിന്നും താഴേക്ക് ചാടുമെന്ന് യാത്രക്കാരന്‍, വിമാനത്തില്‍ പ്രശ്‌നമുണ്ടാക്കിയ യുവാവിനെ മംഗളൂരു പൊലീസ് അറസ്റ്റ് ചെയ്തു
ഇത് സ്റ്റാര്‍മാജിക്കിന്റെ പ്രിയപ്പെട്ട താരം തന്നെയാണോ? കുട്ടി നിക്കറും ടീ ഷര്‍ട്ടും വേഷത്തില്‍ ആദ്യമായാണ് കാണുന്നതെന്ന് ആരാധകര്‍!!!
Most Read
British Pathram Recommends
